【直島】雨中租e-bike到cafe

#日韓春天好去處 第一站：高松港坐船 第二站：租e-bike 第三站：maimai餐廳 踩單車去高松港，但係太多路燈，原本9:20有班高速船到直到，最後去到話冇得買飛，然後要等10:14嘅船，但唔係高速。然後去到都已經11點，成個計劃時間變晒🫠 到步租單車，第一次試玩電動單車，1200円，感覺幾好，不過因為落雨，要買埋雨衣，330円，好狼狽，路面幾乎冇人，好似得我自己踩單車，有啲驚。 差唔多12點就到咗一間bookmark咗嘅餐廳，諗住食burger，點知入到去先知原來食咖喱飯😅而且要1800円，不過都唔緊要啦，我成身都濕，終於有個地方可以坐唔使淋雨。時間尚早入到去得我一個人，店內播Coldplay嘅歌，我問老細有咩地方去吓，佢推介一個art project，不過我冇去。嗰日雨都幾大，而且又濕又凍，踩單車真係幾辛苦。