世界唯一一座可以坐直升機近距離接觸嘅火山—阿蘇火山🌋

阿蘇火山出名牛奶就係人都知，但佢地個火山係真係可以比人參觀嫁，唔係得個名嫁！ 自己今次去九洲最大原因都係因為想坐直升機睇火山。坐直升機本身都貴，難得今次仲要可以睇埋火山，日本近近地又，冇理由識日啲日文又揸車都唔去掛！ 去阿蘇火山都好睇運氣，原定去嘅日子橫風橫雨，所有野都玩唔到。好彩出發前怕天氣唔好，預留多日係熊本先可以去到阿蘇火山。 呢日天氣好好，不過朝早氣流都係唔穩定，所以就玩唔到熱汽球。揸車好處就係突發事件都可以方便隨機應變，見同睇火山都有段時間，我地就去左大觀峰睇下先。 一去到大觀峰，同男朋友都忍唔住嘩左聲。風景真係太靚，天嘅蔚藍再加上綠油油嘅田地同微風，真係好舒服，好寫實。 影左陣相，我地就揸車去草千里。 草千里沿途都好靚，我幫佢改左個名做花見小路🤣因為沿途有好多粉紅色嘅花，配埋啲馬，成件事好夢幻。本身以為5月冇馬騎，點知有仲要好似先300yen，就嘗試第一次嘅騎馬🐴 騎完見隔離嘅直升機都開左就快快揸車去，去到都1130，排嘅位已下就4點30🙈所以中途就去左食白川乃藏同睇下白川水源。 本身冇plan去白川水源，純因為同食野近先去埋。可能本身冇期待，去到又幾開心。因為同樣地遊客少，同埋活動都好得意。佢地有個水源係每分鐘湧60次，所以可以供比人斟水，飲落質感又真係同普通水唔同，同埋好涼浸浸。 睇到咁上下就揸返車去火山到😍😍😍同時都慶幸自己係緊張大師，有排定位。因為當日有好多人想玩但冇排隊拎隊玩唔到。我同男朋友見到直升機已經好開心，咩都聽唔入耳🙈🙈🙈坐到直升機睇景淨識一直嘩嘩嘩，但真係好震撼啊！ 我地玩左七分鐘，一人一萬yen，圍返港紙先500。真係好抵玩！落機佢地仲會幫影相。 黎到熊本一定要去#阿蘇火山 ，記得坐埋直升機！ 當日都好好彩，火山好穩定，我地又用左第個方法接觸火山，仲咁岩睇到佢爆個下，啲熱煙同陣硫酸味仲好記得🙈🙈諗返起都想咳😂🙈🙈 如果真係好似我地咁，咁唔好彩，天公不作美，冇得原定日子去阿蘇火山。大家都可以好似我地咁，去一去同佢都算近嘅高千穗划船。#高千穗 好靚，都好多景睇，個人認為都係一個好值去嘅景點黎～ 🌟每個景點位置都唔算好近，建議揸車/參加本地一日遊🌟 🌟如果唔睇動物，可以直接簡去草千里隔離嘅直升機觀賞處玩直升機，7分鐘比較抵玩🌟 🌟直升機係當地受歡迎活動，建議一開門（開11）就去排🌟 🌸簡單日文🌸 車: （クルマ／くるま）ku ru ma 火山： （かざん) ka za nn 直升機： (ヘリコプター）he li ko pu taa 馬： (うま) u ma #阿蘇火山 #阿蘇 #熊本 #高千穂峡 #報名酒店試睡員