不錯既酒店式茶餐廳🍜港式風情🍡珠海華發喜來登酒店-聚點😎

今次入住喜來登酒店，疫情嘅關係，好多餐廳都冇開，只有係一樓嘅Cafe聚點有開，咁check-in之後就走去試吓啦😌 我哋點左個package，仲叫左個特價$9.9嘅燒大蝦，所以餐飯都係食咗$150人民幣，五星級酒店嘅出品嚟講，價錢都算OK😙😙 我哋叫嘅RMB$138雙人商務套餐包咗： 🍲 玫瑰豉油清遠雞飯 🍲 港式大蝦雲吞麵 🍲 咖喱魚蛋小食 🍲 紅豆沙湯圓 🍲 老姜焦糖燉蛋 🍲 凍港式奶茶 🍲 凍檸檬紅茶 佢嘅豉油清遠雞飯做得幾唔錯，雞肉非常嫩滑，肉味都十分濃郁，係份量偏小咗啲😂雲吞麵就普通啦，做唔到港澳嘅風味，蝦肉都係唔夠彈牙，不過個湯底就係高質嘅🙈 咖喱魚蛋普通啦，都係一般嘅街頭小食，但佢兩份嘅甜品都幾唔錯🤘🏻焦糖燉蛋好食，紅豆沙湯圓嘅紅豆沙煮得超級軟綿，又一啲都唔會過甜🍡另外$9.9嘅燒大蝦真係要讚吓， $10都唔使就有六隻大蝦，燒得都幾唔錯， 十分抵食😁🙈 兩款飲品出品都不錯，特別係奶茶，真係用咗香港同澳門茶餐廳用嘅煉奶黎沖🤣🤣 地址－珠海市香洲區灣仔銀灣路1633號 人均價格－RMB$75 評分－3.5/5 #珠海 #珠海美食 #珠海華發喜來登酒店 #foodie