2024弗蘭克斯頓旅遊推介（更新於4月）

聖誕大餐

假期倒數最後3天 兩個小寶貝提早拆聖誕禮物 拆完8個大人2個小朋友出發去食聖誕大餐 細佬揀左呢個木系既餐廳 一入到去有夾玩具機同埋坐車車 再入就見到水吧同蛋糕櫃 蛋糕櫃隔離仲有棵聖誕樹同聖誕老人歡迎大家 Pizza 要左BBQ Grill 大塊過香港既好多～兩位小朋友鍾意BBQ醬 三色意粉一次過滿足3種願望 有卡邦尼、茄汁意粉同大蝦寬麵 小食要左薯條，海鮮拼盤有魷魚圈、魚柳＆蝦 另外叫牛扒同羊脾，羊脾炆到好淋，拎起條骨就骨肉分離，呀婆都食到😆 最後叫左一件蛋糕Lemon Meringue 諗住檸檬會酸酸地開胃……點知後勁好甜，加埋個頂既蛋白霜～甜到懷疑人生😏 不過呢間有個地方好，後面有一處係比小朋友玩既角落，可以sir滑梯好開心 #聖誕好去處