https://hk.trip.com/moments/tag-101701-%E9%BA%BB%E7%94%A9%E8%AC%9B%E5%A5%B3
[#旺角火鍋] 任食高質海鮮食材 - 阿爺八鮮鍋 // 講女搵食團
地址－阿爺八鮮鍋 - 旺角登打士街43H號登打士廣場3樓
環境／設施－一個價錢食足雞煲、刺身、火鍋、多款海鮮任食。比起一般任食火鍋更多選擇，海鮮食材高質。
特色－海鮮火鍋食材高質
人均價格－ 不同時段價錢不同
評分－4/5
[#旺角火鍋] 任食高質海鮮食材 - 阿爺八鮮鍋 // 講女搵食團
= = = = = = = = = = = = = = =
火鍋食材不能缺海鮮，但每次屋企食海鮮處理功夫好麻煩，最好不過就是出街海鮮吃到飽，去了旺角「阿爺八鮮鍋」，位於旺角家樂坊對面，地點方便易找。
一個價錢雞煲、海鮮、火鍋，一餐滿足3個願望。
- - - - - - - - - - - - - - - - -
「精選足料燉湯」：先來一人一盅，燉湯每日款式不同，感覺上沒有添加味精，未食火鍋前先來潤一潤。
- - - - - - - - - - - - - - - - -
「惹味花膠年糕雞煲」：點了小辣雞煲，雞煲是任點項目。材料內有花膠、年糕，餐有大量雞肉嫩滑多汁，
第一次食年糕配雞煲，配搭新鮮，年糕煮軟身後沾滿雞煲醬汁，十分惹味。
「時令刺身拼盤」：雖然刺身不是任點項目，但油甘魚魚片新鮮彈牙，
有刺身外，另外幾片經火灼充滿魚油香。
- - - - - - - - - - - - - - - - -
最後是火鍋環節，有阿爺是日湯底提供，貪心地點了鴛鴦鍋，龍蝦湯配牛腩湯，龍蝦湯蝦味濃郁。
「超級海鮮盒」：有南非鮑魚、日本元貝、龍蝦。龍蝦鮮甜，有勁多蝦籽。
每位半隻新鮮龍蝦，肉質爽口彈牙
- - - - - - - - - - - - - - - - -
有部份食材會先上一次，大部份的都可以再Encore。數10款海鮮更是任點任食，鮑魚、海中蝦、生蠔、魷魚、墨魚咀、蟶子、青蟹等等，每款海鮮都好新鮮。 當中海中蝦十分驚喜，大隻之餘，肉質更加彈口。
- - - - - - - - - - - - - - - - -
鮑魚是無限任點，食完第一輪後，再點來的都是活的，Size都大隻。
多款魚類提供，有白鱔、深海斑片、龍躉頭腩，十分新鮮。
生蠔：Size都大隻，十分鮮甜
蟶子：乾淨無沙，肉質鮮甜
- - - - - - - - - - - - - - - - -
「手切安格斯牛小排」：比較薄身，但牛香味重，油花平均，入口充滿油香，肉質鮮嫰。
- - - - - - - - - - - - - - - - -
其他火鍋配料同樣有驚喜：
「手打蟹子蝦滑」：蝦滑彈牙爽口
「新鮮雞腸」：口感爽脆，入口充滿油香
「鴨血」：任食項目，口感QQ彈彈
- - - - - - - - - - - - - - - - -
總結：一個價錢食足150分鐘，雞煲、刺身、火鍋、多款海鮮任食，唯一美中不足是飲品要加$20，不過比起一般任食火鍋更多選擇，海鮮食材高質。如果鍾意食海鮮的朋友，不可錯過。
環境：★★★★☆
味道：★★★★☆
服務：★★★★★
價錢：★★★★★
#旺角 #火鍋 #打邊爐 #雞煲 #海鮮 #任食海鮮 #放題 #旺角火鍋 #旺角美食 #阿爺八鮮鍋
#mscammy #mscammyFood #麻甩講女 #講女搵食團 #講女c生活 #卡咪黃
#foodie#夏日搵食推介
不求其食的晚餐 - 是但求其食
[#元朗西餐] 不求其食的晚餐 - 是但求其食 // 講女搵食團
聽聞元朗多好野食，有不少更獨一無二的小店。最近多了時間在元朗，星期日有空一於去元朗「是但求其食」。
西餐小店坐落近朗屏小街，人煙較少。用上簡單懷舊裝修，牆上投影出270 度卡通海洋，十分特別。
看完餐牌，每樣都好想試，餐廳職員見我們有「選擇困難症」，主動提議來個西餐版Omakase，由廚師發辦安排，這個安排對ms.C 這些有「選擇困難症」十分貼心又期待。
- - - - - - - - - - - - - - - - -
晚餐先來餐湯和餐包，當日餐湯是薯蓉湯，入口Creamy。
再來兩杯新品登場：鴨屎香檸檬茶 & 鴨屎香奶茶，鴨屎香並不是指用上鴨屎沖茶，而是一款烏龍茶種，用上鴨屎香茶底沖的檸檬茶及奶茶，茶味清香持久，比一般烏龍茶更回味。我比較鍾意鴨屎香檸檬茶，入口少了一種傳統檸檬茶的苦澀味。
牛油果海蝦仁焗飯 -
飯粒Creamy 入味，不會太漏。配上爽口蝦肉及清新牛油果帶一點清新感覺。
賤雞 - 餐廳職員介係紹是賤雞，我和男友都以為聽錯，真的是叫賤雞，雞是由牙買加雞肉，配牙買加香料烤雞，雞肉嫩滑多汁，
伴碟鋪滿薯條，外脆內軟。更有一碟超甜燒菠蘿。
餐廳一邊牆做了小酒櫃，可以小酌一杯，但男友今次有開車，不宜飲酒。餐廳介紹將會有free flow(任飲紅白酒sake生啤)活動，下次可以叫多幾個朋友一齊開心HEA。
- - - - - - - - - - - - - - - - -
總括：小店食物質素好，價錢都是百另蚊，CP值高。
環境：★★★★☆
味道：★★★★★
服務：★★★★★
價錢：★★★★★
- - - - - - - - - - - - - - - - -
是但求其食
地址: 元朗屏會街19號幸福樓一期地下16號舖
=====================
#元朗 #西餐 #朗屏#小店 #是但求其食 #元朗美食
#mscammy #mscammyFood #麻甩系講女 #講女搵食團 #講女c生活 #麻甩講女 #美食
#foodie#駐站作家 #香港好去處 #夏日搵食推介
[#尖沙咀蠔吧] 高質爽甜蠔情夜 - 蠔灣 Oyster Cove // 講女搵食團
[#尖沙咀蠔吧] 高質爽甜蠔情夜 - 蠔灣 Oyster Cove // 講女搵食團
= = = = = = = = = = = = = = =
對生蠔愛好欲罷不能，突然心血來潮想食蠔，和男朋友在尖沙咀食飯，都要找間有蠔食的餐廳。
- - - - - - - - - - - - - - - - -
第一次去尖沙咀蠔灣，打開餐牌已有不少生蠔選擇，但不知那款時令，請店員介紹後，來一個廚師發辦，幫我們安排海鮮拼盤。平時餐廳只會提供幾款是日精選，蠔灣這除了多選擇外，更有Size選擇。由2號到0號都有，0號就是Size 最大。
- - - - - - - - - - - - - - - - -
海鮮拼盤上枱後，店員貼心講解食的次序，由淡味開始食起。先來5款蠔，由左至右：Coffin Bay (Australia) 、Krystale、La Perle Noire、Speciales Lambert – No.1、Gillardeau No. 0。
Coffin Bay (Australia)
最細的一款，平日自己開蠔最常食，入口感爽脆，海水味濃。
- - - - - - - - - - - - - - - - -
La Perle Noire
入口比較Creamy
- - - - - - - - - - - - - - - - -
Speciales Lambert – No.1
偏向淡口，肉質爽滑。
- - - - - - - - - - - - - - - - -
Gillardeau No.0
我最愛最後這隻Gillardeau No.0，Gillardeau是生蠔界中的勞斯萊斯，這隻No.0 Size足有我手掌大，蠔肉厚身肥美，口感爽脆鮮甜。
- - - - - - - - - - - - - - - - -
除了生蠔，更配上好幾款刺身，海鮮類都十分新鮮，無欺場。
車厘蜆：鮮甜多汁，海水味濃
北海道帶子：十分厚身，鮮甜肉嫩
北海道活赤貝：帶來另一個爽脆口感，同樣鮮甜海水味濃
地中海紅蝦：蝦味濃郁，肉質鮮甜爽彈
- - - - - - - - - - - - - - - - -
食完前菜海鮮拼盤後，另外點了2款熱食：
清酒蒜蓉煮活蜆湯：上枱未食已充滿著蒜蓉+酒香，大大隻蜆肉，鮮甜無沙，連湯頭都好好飲，好鮮甜。
- - - - - - - - - - - - - - - - -
安格斯肉眼扒伴沙律配自家制洋蔥汁：
廚師推介菜式，叫了5成熟，火喉掌握得不錯。大大片肉眼扒上枱前已切條，好方便食。而每條肉眼扒都帶一點肥膏，外面焦香，內裡肉嫩，配上自家制洋蔥味道特別，非常香甜，配上牛扒食，味道有多重層次，充滿咬口，外面未試過這種味道，加分之作。
- - - - - - - - - - - - - - - - -
總括：蠔款選擇多，而且店員十分Helpful會逐一介紹，最少食完都知道那款好食，日後可以再叫。除了海鮮新鮮，熱食的選擇同樣多，有水準。
環境：★★★★★
味道：★★★★★
服務：★★★★★
價錢：★★★★☆
- - - - - - - - - - - - - - - - -
蠔灣 (金巴利道)
地址: 尖沙咀金巴利道73號新業廣商業大廈地下A舖
- - - - - - - - - - - - - - - - -
#尖沙咀 #蠔灣 #蠔吧 #生蠔 #海鮮 #西餐 #尖沙咀美食
#mscammy #mscammyFood #麻甩講女 #講女搵食團
#夏日搵食推介#foodie