https://hk.trip.com/moments/tag-108153-%E6%8A%B5%E9%A3%9Fomakase/
東京CP值超高既Omakase
地址－Manten Sushi Nihonbashi まんてん鮨
環境／設施－9/10
特色－9/10
人均價格－$450
評分－9/10
去到日本當然要試下Omakase啦。係香港基本上人均都過千，但係日本就有好多性價比更高既選擇。今次去呢間都幾出名，有幾間分店，而且可以上網book定，非常方便。不過要值得留意既係上網預訂時係會credit hold, 以防你no show.
野食方面都幾新鮮，而且比想像中要多，有成26道菜，食到最後真心超飽。基本上都係前菜、湯、冷盤、熟食、壽司、手卷、刺身，同最後一道甜品。個日就係士多啤梨🍓，不過就一般般。當然大家期待既拖羅同海膽都有，而且都幾好食，幾鮮甜😋。每道菜上之前都會同你講下呢道菜係咩，但可惜既係大家都係英文有限公司，都係唔係好明。
環境方面，間鋪就比較細，基本上就得個吧枱，同2張大枱。但坐吧枱睇坐個師傅整野食就真心幾正，每次食完面前個道菜，都會偷望下師傅整緊d咩😂 不過食到中後期已經開始飽，搞到每次食完望過去見到個師傅仲整緊，就心諗點解仲有😂
整體來講，如果大家想用一個唔太貴既價錢去體驗一下omakase的話，呢間係一個唔錯既選擇。
#抵食omakase #東京旅行
元朗CP值最高嘅Omakase，人均380就試到😍
元朗有好多Omakase，但價錢實惠又好味就一定係壽司源。
壽司源一直都係香港omakase關注組元朗區嘅榜首，一直有好多熟客又係新手入門必試嘅餐廳之一。今次嘅師傅係Mark師傅，係日本造詣多年，都係唔少熟客嘅指定師傅黎。
重點食材介紹(๑˃̵ᴗ˂̵)
🌸刺身：
1️⃣鯛魚：都係個句，一間質素好嘅壽司鋪一定有鯛魚。今次師傅用左柚子做前調，令到鯛魚更爽口。
值得一提，配料山藥加左少少芥末，細妹唔食山藥都覺好味。
2️⃣赤貝：師傅上枱前特登用刀拍一拍佢，激活佢嘅神經線，令佢更爽口。食落十分清甜又爽口，每咬一啖都嗦嗦聲。呢次後每次食壽司都會叫赤貝🤤
🌸壽司：
1️⃣中拖羅壽司：油脂分泌旺盛，入口即化。食完個口有好重油香味😋
2️⃣燒鯛魚壽司：燒得岩岩好，我食魚唔鐘意食皮都覺呢舊好正🤤超香口，同阿妹一致認為呢舊係最好食！
3️⃣甜蝦壽司：自己超鐘意食甜蝦，呢舊真係甜到入心又十分綿。師傅上甜蝦前已經挑走腸，唔洗驚唔乾淨。
4️⃣蝦膏搭牡丹蝦壽司：師傅見我好鐘意食蝦，問我會唔會食蝦膏。然後就燒埋蝦膏搭牡丹蝦比我食😍蝦膏帶少少苦但好滑。師傅特登整，覺得好窩心，即刻加曬分。
5️⃣海膽魚子杯：之前食過差嘅魚子，陣味真係好腥。今次食到嘅魚子一咬啲甜味就係口到爆出黎，卜滋卜滋，超正😋。海膽0腥味，好甜。
以上係覺好味，有影到相嘅壽司同魚生。
🌟午市最平依家380起，有3款簡。想食可記得要早兩星期book,因為都好full嫁🌟
🌟相中嘅師傅已冇係到做啦，但其他師傅都唔差。有朋友去過次都差唔多月月幫襯🌟
店名：寿司源 (元朗)
地址：元朗青山公路1號珍珠樓地下10號舖
元朗站G出口，落樓梯直行，見再巷仔就係。
#元朗美食 #元朗#日本菜 #日本料理 #壽司 #廚師發辦 #抵食omakase #omakase推介 #壽司源
香港銅鑼灣｜午市抵食兼大大件海膽嘅廚師發辦
朋友生日🎂專程搵咗間午市HK$500～HK$600價位既廚師發辦，見呢間有得揀幾個價位既套餐，最後揀咗9件壽司🍣
如果想食多啲份量，可以叫12件嘅廚師發辦套餐
前菜有沙律🥗同鮑魚冷食仲有茶碗蒸
壽司同海膽都好新鮮🐟🐟🐟🐟
茶碗蒸同海膽相對有驚喜，out of my expectation🌝
海膽勁新鮮 仲大大件海膽💯
慶祝生日既話，餐廳話一磅以下既蛋糕唔收切餅費，同埋食平日午市都係早2～3日訂位就有得食😅😅
📍Sushi Yorokobu
香港銅鑼灣渣甸街66號Aura on Pennington 18樓
#foodie #抵食omakase #hkfoodblogger #打卡 #香港好去處 #夏日搵食推介 #香港美食 #hkfood #美食
可能係全香港最抵嘅#omakase -「鮨政 sushi masa」
#初めてのお任せ
#年輕人的第一次omakase
好鍾意 「鮨政 SUSHI MASA」 呢一句宗旨❤️
就係呢一句！佢地顛覆大家對「香港omakase」嘅想像～
🌟主廚帶俾大家無數驚喜之餘、價錢仲係超值‼️
-
當日Menu🍣🍣
🥚蟹肉菜碗蒸/🐟立鱗燒/🦪磯煮鮑
🐠時令刺身（3切）帆立貝/牡丹蝦/深海池魚
🍣壽司：昆布漬左口魚/香水檸檬三文魚/紋甲魷魚/柚子胡椒鹽鰤魚/火炙右口魚裙邊/火炙穴子/飄雪鵝肝吞拿魚/魚籽蔥吞蓉手卷
🥣湯&甜品：魚湯 or 魚湯烏冬/芝士豆腐
全餐由頭到尾每一道菜都會帶俾你唔同嘅衝擊💥講吓一啲我最深刻嘅先！
🌟 「立鱗燒」
就係指將甘鯛嘅魚鱗燒到「豎起晒」，加埋各配料嘅香氣，味道層次高，魚仲好外脆內軟～
🌟 「香水檸檬三文魚」
話說其實我不嬲唔食三文魚嘅，但今次敗咗喺 「香水檸檬」嘅手上，佢嘅果皮極清甜冇一般檸檬苦澀，大大力幫到三文魚提鮮，好食！
🌟「紋甲魷魚」
你以為佢係好普通嘅魷魚壽司？入面夾有海膽同紫蘇，海鮮嘅鮮甜度直線上升⬆️⬆️一試難忘～
🌟 「火炙右口魚裙邊」
我真係好鍾意食呢啲扁撻撻魚嘅裙邊 ，勁肥入口即溶，以前覺得加焦糖已經係我嘅No.1, 但呢個又加櫻花蝦又有紫菜，呢個配搭好食又有驚喜～
🌟「飄雪鵝肝吞拿魚」
👑店家嘅王牌得意之作！唔食鵝肝嘅人都會鍾意，飄雪鵝肝係好非一般，質地似雪糕咁creamy仲有淡淡紅酒香，配埋肥美吞拿魚，一口一幸福❤️
🌟「魚籽蔥吞蓉手卷 」
見到啲魚籽，腦海出現蛋黃哥句「個性ってなにーーーー！ 」
呢個手卷嘅魚籽係極有個性呀！魚籽只有鹹鮮香？No!呢個係甜㗎～～～
配埋好碎好碎嘅蔥吞蓉，好食到我想叫encore呀唔該～
-
最後，大家聽到我講到咁特別，係咪以為我想講嘅超值都要1千1位呢？
Sorry, 呢度嘅omakase係由$298起，最貴都係$498～
Lunch 更加係有$198出現添！🤩🤩
所以我都已經諗緊下次幾時又嚟食過喇～～
「Omakase鮨政」
📍銅鑼灣Fashion Walk 京士頓街9號
☎️31082191
🕘晚市18:00-20:00 / 20:00-22:00
#駐站作家 #foodie #hkfoodie #香港美食 #hkfoodblogger #銅鑼灣omakase #抵食omakase #廚師發辦
新餐廳：尖沙咀「神樂」Omakase🍣
尖沙咀又有新omakase食啦😏呢到除左壽司bar枱比你望住師傅為你展現刀功之外，行入啲仲有個更加好vibe嘅卡位，比你同朋友慢慢嘆~
*而家星期日至四，指定晚市omakase仲有85折🤭
「神樂」Omakase$950🍣
由前菜，刺身，和食料理，到壽司總共有18道料理⭐️我一般好少食象拔蚌，但呢個象拔蚌配青檸汁，海鹽同柚子皮嘅刺身，食落好juicy好清新，越咬越有鮮味🍋
之後就係越食越愛，配左啫哩之後好開胃嘅白子，黏黏地，有入口即溶嘅口感🐟
和食料理係暖笠笠嘅蒸物，總結左上半場嘅前菜同刺身部份😌
和食料理之後就到重頭戲-壽司嘅部份🍣
火炙赤目魚壽司一放入口就軟化左，半熟青海老嘅口感亦相當結實。
壓軸出場嘅吞拿魚腦天，雖然望落好多筋，但實質上係入口即溶，味道濃郁嘅程度令人難以忘卻🤤
最後就以帶有鮮味而又暖笠笠嘅蟹肉味噌湯完結~
-
價錢：8/10
味道：9/10
服務：10/10
-
神樂 (尖沙咀)
尖沙咀金馬倫道58-60號國鈀大廈地下Ｂ號鋪#本地遊 #foodie #foodiehk #tst #抵食omakase
《生日食好西～賞櫻omakase 》
生日月要對自己好啲🤣今日就黎到旺角新開張既「賞櫻」品賞omakase 🤗感謝入行40年師傅令我地味蕾享受咗一個滿足嘅晚上🥰可以一邊食高質料理一邊跟師傅談天說地實屬享受😎
整個 Omakase ~ 楓 $1200廚師精心挑選時令食材，用心製作前菜、刺身、和食、壽司、湯、甜品，配上食用花，碟碟都 IGable 📸另外我們仲點左支Sake 🍶輕鬆下
🔹前菜三點🔹
昆布魚春 甜甜地既昆布包住鮮魚春食落外甜內咸😬
柚子啫喱無花果酸酸甜甜格外開胃🤗
油漬吞拿魚慢煮3小時加上醬油味道食落有啲似牛肉乾😬
🔹刺身🔹
北海道生蠔🦪有手掌咁大🤪上面配有酸汁啫喱，一啖放入口完全食得出生蠔新鮮肥美🤤蠔身好creamy鮮甜🥰食完個種蠔既鮮味係口腔徘徊👍👍👍好想Encore😂
新鮮吞拿魚背聽師傅講話係新鮮運送👍過程沒有把魚雪到硬身😬食落魚味較濃且超級新鮮😎
深海池魚魚油豐富😍但肉質好鮮嫩甘甜🤨比起油甘魚較爽口彈牙😉
間八🐟
微彈鮮實既間八🐟魚味比池魚濃味🤩厚切啖啖肉好正😇
🔹湯🔹
明水豚肉酒粕煮
一上枱打開蓋已有陣陣酒粕香味🤤酒粕豚肉出奇地夾👍配料還有大根、紅蘿蔔、蒟蒻及菇🤗
🔹壽司八皿🔹
魚太
師傅輕輕燒過魚皮及魚身🤗
魚既肉質有嚼勁配柚子麵豉醬🤤
入口鮮味得黎魚味又不會被搶走😍
火炙金目鯛屬於矜貴魚種🤗連皮+埋四季紅花襯托魚味愈嚼愈突出🥰魚質食落較結實有彈性🤗
油甘魚肉質好肥美以薑蓉及薑絲提鮮👍
秋刀板壓壽司
秋刀魚味道濃郁冇腥 + 面頭白昆布
中間大葉及冬菇壓成壽司🤩幾種材料好夾🤤
海膽文甲（墨魚）壽司
海膽既鮮甜令本身味道較淡既墨魚都變得鮮甜美味🤤出色👍
赤貝配黑松露
赤貝新鮮大塊夠爽脆貝肉軟腍👍🏻點綴既黑松露又沒有搶走赤貝既爽甜🤗
帆立貝配海帶醬
原隻帆立貝有帶子獨有的甜味，勁滿足😎
吞拿魚 以醬油浸左15分鐘味味道剛好
質感好嫩滑無筋仲要好重魚脂香好好食🥰
甜蝦軍艦上面有櫻花蝦醉提升鮮味🤤
壽司碟上既配菜紅酒喬頭同樣出色😬每件壽司之間食一小口令到口腔可以清晰食到每種料理不同味道👍
🔹手卷🔹
足足全排既海膽有著獨特的回甘加埋脆口紫菜一齊食又有另一番味道😎鮮味更加突出😍味蕾感覺好幸福而且更添層次👍
🔹一品料理🔹
牛油果🥑香草🌿焗新鮮滑子菇
每條菇都吸收左豐富香草🌿牛酒果味🤗
西京荷葉乳鴿+ 白兔糖紙金粟
睇得出廚師既用心🤗利用熱力把荷葉既味道燻係乳鴿肉上🤩乳鴿醬汁帶甜👍另外 還有白兔糖紙金粟都好好食🤪
🔹甜品🔹
日本師傅親手製作既士多啤梨慕絲配埋搽茶布甸中和返甜味較重既混合車厘子蛋卷😍
整體由於食材每日由日本🇯🇵豐洲市場直送✈️所以款款魚生都非常新鮮🤤呢度嘅壽司飯🍚本身已用上赤醋調味😬可以將魚生🐟嘅鮮味提升😍唔使再點豉油都已經好好味😋而每貫手握壽司上師傅都喜歡加上點綴去襯托或者突出魚料本身嘅鮮味🤩而點綴亦恰到好處沒有喧賓奪主👍
環境：
店內的空間感都不錯😝一入到黎充滿日本特式🤗簡約設計風格🤗除咗吧枱仲有3間房間😬師傅好優默😂整個用餐大概2️⃣小時，師傅及店員蠻友善🥰而且亦積極收拾餐具及清潔檯面，整晚氣氛和諧愉快🙌
🏡 店名：賞櫻 (旺角
📍地點：旺角砵蘭街240-244號文華商場(MPM)1樓C2號舖
——————————-—
⭐️⭐️ Follow Me ⭐️⭐️
IG：@Travel_foodie_Apple
YouTube: @Travel_foodie_Apple
——————————-—
#foodie_apple #applefoodmap #蘋果食好西 #食貨 #美食分享 #餐廳推薦 #hkfoodblogger #hkig #foodstagram #noodles #foodblogger #foodiegram #hkfoodies #hkinfluencer #healthylifestyle #lifestyleblogger #hkkol #sake
#廚師發辦 #hkrestaurant #旺角omakase #omakasehk #hkomakase #抵食omakase #旺角美食 #香港美食
#旅行靈感#cafe#foodie#夏日搵食推介
foodie_apple
applefoodmap
隱世元朗Omakase 親民好客小店
Sushi Misumi 鮨ミスミ
地址－元朗建德街26號益利大廈地下7號舖
住元朗咁耐都係第一次在元朗食Omakase, 呢間隱世元朗Omakase一入到去即刻有種好relax感覺。環境舒適，好適合同另一半或者知己良朋嚟食飯。
師傅都好友善，亦為每道菜介紹得好詳細，又會解釋點解有呢種配搭。
今次既omakase 係lunch set 既如月
茶碗蒸 x1
前菜
刺身 x3
湯
壽司 x8
甜品
人均價格$608
評分 4/5#元朗美食 #抵食omakase
尖沙咀omakase
地址－尖沙咀 八 瀧
環境／設施－4/5
特色－4/5
人均價格－$350晏晝
評分－廚師發板 肉質新鮮 甜美 口感好 ，親民版嘅omakase 買套票$294/1位未加一，食omakase一定唔飽肚，所以轉頭落去宜家傢俬食多左個熱狗餐
#抵食omakase
關西風串揚Omakase 📍九龍城
#tripcom5週年
平時Omakase食得多離不開就係壽司、刺身，今次介紹間大阪關西風既Omakase，主要以熟食串揚美食為主題，當中好多時令美食，而且仲要係日本師傅親自接待！
晚市餐牌有兩款選擇，「北」$980 及「斗」$1380，主要就係刺身同埋燒物既分別，食得當然選最貴，食完非常滿足同勁飽！
亮點💡🫰
大船渡產生蠔 (令和の怪物)
手掌咁大連殼既日本生蠔，生蠔蠔肉非常肥美而且大隻，相當有咬口！
海膽帶子
超脆既紫菜疊上炙燒過既帶子，加上勁新鮮海水鹹味既海膽，唔同層次衝擊味覺！
鱈魚干大拖羅
脆過薯片既鱈魚干放上大拖羅，而且師傅仲專登選擇左大拖羅部分之中勁近魚內藏位置，魚香魚油會非常濃郁！表面仲放上魚子醬，令人感到非常有誠意！
串揚秋刀魚
時令中最靚既秋刀魚，勁薄粉以關西風格烹調秋刀魚，非常之脆一大氣，輕輕中間一插即刻分半，脆口而且好有魚質感，突顯串揚風格！
串揚蟹肉
原塊蟹殼以串揚形式非常特別，而且蟹殼內充滿蟹膏蟹肉。
串揚牡丹蝦
牡丹蝦同蝦膏都完全分離出黎可以慢慢仔細品嚐，食落充滿鮮甜既新鮮感覺！
北海道洋蔥
固定大細既北海道洋蔥特別鮮甜，帶有一種清新清甜感覺！
總共15款菜品，款款真係令人印象深刻，其他菜式如白子、和牛、連蜜瓜等等都真係令人一試難忘，$1380晚餐對於Omakase相當抵食同高質！特別日子、紀念日等真心值得過黎一嚐！
#北斗 #hokuto
📍九龍城福佬村道59號地下B號舖
@hokuto_hongkong
#mroolong #foodieoolong #foodie #hkig #hkfoodie #hkfoodstagram #hkfoodblogger #hkfood #foodielife #foodiehk #life #foodiegram #foodpic #travelhk #omakase #本地遊 #香港美食 #九龍城美食 #九龍城 #抵食omakase #情侶必試 #紀念日 #生日