https://hk.trip.com/moments/tag-1647060-leisurelyveggie/
新派靚素食店
喺荃灣品完酒🥂,因為另一半喜歡食素,所以搵咗間都幾出名嘅試下。呢間店個天花板係藍天白雲咁樣🎈,仲要有啲熱氣球添,而且個店嘅配色都係粉紅粉藍咁,少女心爆棚。
佢哋嘅燉中湯味道唔錯🫕,唔會太鹹,但有菇嘅鮮味🍄。而個淮山幾特別,可惜個熱情果汁太甜了,同佢哋個入品入面啲蘋果粒一樣太甜🍎...
晚餐有好多款式揀,會包一杯飲品同埋一個甜品。我哋揀咗呢個椰香冬蔭野菌炒飯🍚,佢有淡淡嘅冬蔭功辣味同埋香茅味,但唔算好有炒飯嘅焦香味。而個拼盤跟咗一兜沙嗲🍢,主要都係一啲麵筋類嘅素肉嚟嘅,而個春卷好脆好好食。
我反而比較喜歡呢個意大利牛肝菌乾燒伊麵🍜,因為牛肝菌味好香。
個古法芝麻糕係唯一唔使加錢嘅甜品🍰,芝麻味好香,中間好軟,但個邊唔知係咪放得耐所以有啲硬。
呢個赤莓紅蓮其實係排到成朵花咁嘅士多啤梨撻🍓,個撻底好香好脆,吉士唔會太甜,整體唔錯。
呢間餐廳啲嘢食算不過不失,不過以唔係非常特式嘅素食選擇而言,呢個價位就有點貴了🤑。
📍天·悠蔬食
荃灣楊屋道18號荃新天地2地下G08-11號舖
#hkfoodie #hkfood #hkrestaurant #LeisurelyVeggie #TsuenWan #天悠蔬食 #素食 #荃灣 #美食 #荃灣美食 #荃灣美食推介