https://hk.trip.com/moments/tag-1720566-4y10m/
《🔥人氣Pokémon 主題餐廳～大阪Pokémon Café ☕️》
#日本夏季旅遊
同小朋友去日本🇯🇵玩，有一家餐廳真係非常受歡迎，個個都想去朝聖😍，講嘅就係「Pokémon Café ☕️」
「Pokémon Café ☕️」響東京同大阪都有分店，媽媽👩🏻今次同豬仔包去嘅係大阪🇯🇵分店😊
大阪 🇯🇵「Pokémon Café ☕️」響心齋橋嘅大丸百貨內，非常易揾，但要去呢間Café 就一定要預約，仲要係早3️⃣1️⃣日就要響網上預約，位置係秒殺架，受歡迎程度真係好似搶演唱會飛咁🤣，真係要較定鬧鐘⏰先有機會搶到。
媽媽響book之前，仲預習咗幾次，睇吓網友分享嘅攻略，務求一次就成功book到😊
響萬事俱備嘅情況下，最後都係失敗咗😭，因為媽媽鬧鐘⏰一響，預備入去網頁作戰嘅時候，突然有人打電話📲嚟，媽媽就係咁錯失咗黃金時間去預約😞
不過媽媽睇過攻略，其實現場walk in可以入座嘅機會都唔低，皆因好多位置都係比代購搶走的，另外提早一個月就book，都會有no show情況，所以媽媽就決定walk in碰吓運氣😛
我哋當日去到係平日下午茶時段☕️，見到預約咗嘅賓客陸陸續續入座中，我哋就響後補區等候，當時只有我們一組人✌🏻😎
所有預約嘅賓客入座後，職員就稱若有賓客過5分鐘還未出現，就可以後補進入，最後我哋當然成功啦🤩。
入到去，餐廳佈置真係好靚，周圍都滿佈比卡超，真係未食已經好興奮，打卡📸打卡📸打卡📸😍
餐點方面，全部都非常吸晴👀，打卡真係一流，我哋都諗咗好耐先決定到食咩好🤭。最後係點咗「比卡超貪心拼盤🍤」、「午睡卡比獸的豐盛午餐拼盤🐥」、「伊布皇家奶茶🧋」同「耿鬼奇異之光沙冰🍇」
「比卡超貪心拼盤🍤」～相信呢個係餐廳嘅🔥人氣餐點嚟，因為我哋點完之後，過數分鐘已見佢寫售馨😅，拼盤包含炸蝦🍤、漢堡扒🧆、比卡超造型蛋包飯🍳、精靈球焗通心粉🫕、薯角🥔同沙律菜🥗等，但唔知係咪打卡太耐先食，所有食物都係唔熱，味道一般😅。
「午睡卡比獸的豐盛午餐拼盤🐥」～賣相非常可愛🥰，侍應仲特地攞埋草地般嘅餐墊，卡比獸真係好似響草地曬緊太陽☀️瞓覺💤咁😌。拼盤係煎雞扒🐥配飯🍚，份量算足，不過飯真係冇乜味道，雞扒亦沒有驚喜😅
「伊布皇家奶茶🧋」同「耿鬼奇異之光沙冰🍇」反而有驚喜，前者茶味香濃，配埋伊布餅乾🍪，好味又靚😍。後者係葡萄🍇味嘅沙冰，仲有葡萄肉，加埋發光嘅冰粒🧊，真係飲得又睇得，飲完仲可以帶走埋隻杯添🤩再加上點飲品可以抽杯墊，實在太開心😍
用餐時間係90分鐘，到差不多尾聲比卡超就會出嚟同跳舞，有嘢食又有表演睇，小朋友係超開心🥳。縱使食物味道只係一般，但去大阪或東京都會帶小朋友去朝聖一下，感受吓歡樂氣氛🥰
離開前仲可以響商店購買比卡超同寶可夢精品，有啲仲係餐廳限定添😊
📮地址：大阪府大阪市中央區心齋橋筋1-7-1 大丸心齋橋店 本館9樓
#親子 #親子活動 #大阪 #大阪親子遊 #日本 #海外遊 #Pokémon #寶可夢 #比卡超 #pokemoncafe #親子餐廳 #主題餐廳 #人氣 #打卡好去處 #打卡 #walkin #朝聖 #全職媽媽 #4y10m #豬仔包の開心日常
《澳門🇲🇴高質免費活動🤩》
#澳門週末遊
前排媽媽帶豬仔包去澳門🇲🇴玩，身邊好多朋友都推薦媽媽一項免費活動，講嘅就係去「#永利皇宮 」酒店坐纜車🚡
當日我哋係黃昏時段乘澳門🇲🇴輕軌列車🚝前往，一出「路氹東站」就會見到纜車站🚡，超級方便👍🏻。我哋出發前已有心理準備要排好耐，所以見到長長嘅人龍都沒有太大驚訝😆😆😆。
「#永利皇宮 」酒店免費纜車🚡，每人都可以免費乘一圈，一個車廂最多可坐6️⃣人，除咗輕軌站外嘅纜車站，其實仲有一個站係響酒店內，遊客由纜車站出發，可以選擇在酒店站落車，亦都可以選擇乘一圈回到纜車站的😊
由於房客或酒店VIP會員可以優先乘纜車🚡，所以我哋最後排咗一個多小時才成功上車😅，但好好彩，上纜車嘅時候剛好是音樂噴水表演開始，我哋可以一邊欣賞夜景🌃，一邊欣賞埋音樂表演，實在太正啦🤩🤩🤩，加上纜車冷氣充足，真係坐到唔想落車🤭
音樂噴水表演比想像中還要大型，夜晚仲配合埋燈光同非常有氣派嘅酒店🏨外貌，真係睇到目不暇給😍
雖然活動太受歡迎要排好耐隊😅，但每隔20-30分鐘就會有音樂表演，所以也不會感到沉悶，我哋仲由黃昏排到夜晚，日景夜景都睇哂，仲足足睇咗4️⃣場音樂噴水表演添，真係大滿足🥰，下次去澳門必定要再睇🤩👍🏻👍🏻👍🏻
#親子 #親子活動 #假日好去處 #永利皇宮 #免費 #纜車 #免費活動 #纜車遊 #澳門 #海外遊 #週末遊 #音樂噴水表演 #全職媽媽 #4y10m #豬仔包の開心日常
《和歌山白濱親子日式旅館推薦～白濱彩朝樂湯快渡假村♨️》
#日韓城市酒店
「 #白濱彩朝樂湯快度假村 」設有3座大浴場及3座露天浴池，部分需穿泳衣入浴，另外亦有收費嘅私人包場浴池♨️。
除咗浴池，有免費嘅「 #兒童遊樂場」、夏季限定嘅室外泳池🏊🏻♀️同攀石牆🧗🏻♀️比小朋友放電⚡️，非常適合一家大細入住。
酒店會提供免費嘅浴衣比住客穿著，響大堂自行選擇款色同大小便可，而腰帶則在客房內😊。
放好行李🧳，豬仔包第一時間就去免費嘅「 #兒童遊樂場」玩，有波波池、彈床、小滑梯🛝等，雖然地方不大，但都夠哂放電，仲第一次著住浴衣玩添🤭🤭🤭
遊樂場旁邊仲有夾公仔🧸、揸車🚗、老虎機🎰等設施，真係岩哂小朋友😊
放完電⚡️，我哋就去食晚餐，晚餐是自助形式，食物豐富，亦都係親子友善，豬仔包可以自己㨂食物攞食物，再加上可以著住浴衣食晚餐，真係食得特別開心😋 晚餐後我哋仲去咗浸溫泉♨️，真係大滿足😍
房間係日式和室，空間非常濶落，房內有桌子，可以同朋友一邊傾偈一邊食水果🍉，真係好寫意😌，玄關仲有大大空間放行李🧳，真係多幾個人住都唔會迫🤣
洗手間相對比較小，但都有小浴缸🛁，清潔度滿意😊
整個酒店體驗都非常滿意，非常有渡假感覺，下次再去要住多幾日先得😌。唯一係行李🧳需要搬上樓梯才到客房，所以如果有行動不便🧑🦼，訂房就要注意，要預訂無障礙嘅客房才行😊
📮地址：和歌山県西牟婁郡白浜町3753
#親子 #親子活動 #大阪 #大阪親子遊 #日本 #海外遊 #白濱彩朝樂湯快度假村 #白濱 #白濱彩朝樂 #自助餐 #免費兒童遊樂場 #浸温泉 # #全職媽媽 #4y10m #豬仔包の開心日常
《Minions主題酒店～ Hotel Universal Port Vita 🌎環球影城維塔港酒店🏨》
#日韓城市酒店
去日本🇯🇵大阪環球影城（USJ）玩嘅朋友，住響樂園附近嘅酒店就最好不過，今次媽媽推介嘅係鄰近USJ嘅 「Universal Hotel Port Vita 🌎 #環球影城維塔港酒店 🏨」。
呢間酒店響2018年7月開幕，算係環球影城附近較新嘅酒店🏨。酒店共有428 間客房，提供多達14 款房型，連6️⃣人房都有，真係不論係情侶💑、閨密👭、一大班朋友還是一家大細👨👩👧👦都一定㨂到適合嘅房型👍🏻
酒店🏨位置在JR車站對面，🚝交通方便。附近有便利店🏪、環球影城精品店，仲有非常多餐廳🍴，真係各方面都照顧得到🥰。行去環球影城亦都只需🔟分鐘路程，真係瞓晏啲都唔駛驚🤭
一行入酒店大堂，已經見到人氣角色「迷你兵團 Minion」響入口歡迎我哋😍。酒店不論是前台、外圍嘅玻璃窗同電梯都佈滿Minion蹤影，豬仔包開心到不得了🤩
我哋入住時係跟旅行團，check in嘅時候要攞哂所有團友嘅護照去check in，保安方面非常認真👍🏻。酒店響應環保♻️，個人衞生用品有需要可以響2️⃣樓前台對面自取，客房內沒有提供的😊。
由於我哋跟旅行團未能入住特色客房，但就算只係標準雙人房都好靚，客房新淨又濶落，放兩個大喼都綽綽有餘，仲有桌椅可以舒舒服服食個宵夜添🤭
不過最欣賞係房內洗手間，不單是乾濕分離，係廁所🚽、刷牙洗臉🪥同洗澡🛁三區分離😱。洗澡區仲有區分淋浴🚿或浸浴🛁，真係非常貼心，多人用都唔駛爭😘。而最正係酒店仲提供埋浴鹽，我哋住咗3️⃣晚，豬仔包就浸足3️⃣晚，真係非常享受🥰
早餐是自助形式，在酒店餐廳享用🍴。餐廳地方非常大，提供多款西式同日式種類嘅食物，真係好豐富😋。媽媽👩🏻最欣賞佢哋連小朋友👶🏻都照顧埋，特設兒童區域比小朋友自己選擇想要嘅食物。媽媽都係第一次食自助餐係有糖同小啫喱可以自取，豬仔包真係食得非常滿足😋
由於酒店近車站又近樂園，加上房價係附近最平，又有多款特式客房選擇，下次去大阪必定會要再次入住😍😍😍
📮地址：大阪市此花區島屋 6-1-16
#親子 #親子活動 #大阪 #大阪親子遊 #日本 #海外遊 #環球影城維塔港酒店 #UniversalHotelPortVita #交通方便 #酒店推介 #迷你兵團 #minions #性價比高 #全職媽媽 #4y10m #豬仔包の開心日常
《⚾️甲子園超方便酒店～Hotel Hewitt Koshien 休伊特甲子園酒店🏨》
#日韓城市酒店
如果想一家大小去甲子園看棒球賽⚾️又或者帶小朋友去Kidzania 玩職業體驗，「Hotel Hewitt Koshien 休伊特甲子園酒店🏨」就岩哂您啦😍
「Hotel Hewitt Koshien 休伊特甲子園酒店🏨」位於兵庫縣西宮市，由阪神電車「甲子園」車站步行約3️⃣分鐘便可抵達酒店。此外，「甲子園」站搭乘阪神本線去大阪梅田或神戶三宮都係十數分鐘，交通非常方便🤩。
酒店附近有沒有「 #Corowa甲子園購物商城」，從酒店出來走2️⃣分鐘便到，商城內有餐廳、foodcourt、兒童遊樂場、西松屋同AEON超市等，食玩買都照顧到👍🏻👍🏻👍🏻。
而步行至阪神甲子園球場⚾️，只需數分鐘，岩哂去睇棒球賽⚾️嘅住客，車站附近亦有便利店出售阪神隊相關紀念商品🎁，可惜當日我哋係跟旅行團，很晚才回到酒店🏨，而商場店舖最晚也只開到10點，媽媽同豬仔包急急腳到商場食晚飯🥣同逛吓超市，回程已忘了去便利店睇吓阪神隊紀念商品🥺
至於酒店房間不算小，有小梳化🛋️、小圓桌和書枱，亦有提供個人清潔用品，房價亦合理，唯一是佈置比較古舊，但都乾淨企理😊。
早上住客可免費享用自助早餐🥣，選擇比想像中多😋，如果唔係跟旅行團趕著走，一定會慢慢嘆個早餐😆
除咗「 #Corowa甲子園購物商城」外，可以步行15分鐘去距離酒店約500公尺外嘅「 #LaLaport甲子園」盡情購物，仲可以參加埋附近極受小朋友歡迎嘅「 #Kidzania 」玩職業體驗添🥰
由於食玩買選擇多，再加上交通方便，下次去大阪，會考慮再次入住😊
📮地址：兵庫県西宮市甲子園高潮町3-30
#親子 #親子活動 #大阪 #大阪親子遊 #日本 #海外遊 #shopping #血拼 #買玩具 #兒童遊戲區 #大型商場 #甲子園 #球賽 #阪神隊 #HotelHewittKoshien #Corowa購物商城 #休伊特甲子園酒店 #全職媽媽 #4y10m #豬仔包の開心日常
《🇯🇵日本大阪親子家庭必逛商場推薦～阿倍野Q’s Mall🛍️》
#日韓城市景點
今次推介嘅商場位置響🇯🇵大阪天王寺附近，係大阪市內最大型嘅購物商場👉🏻「阿倍野Q’s Mall🛍️」
「阿倍野Q’s Mall🛍️」係非常多🇯🇵大阪人去嘅購物商場🛍️，皆因商場不走什麼名牌、精品路線，而係走親民嘅平價路線😍，仲好多時有大促銷🙌🏻，所以當地家庭主婦👩🏻都會去搶購童裝👕、平價服飾👗同家居用品🍽️等等。
除此好逛之外，商場空間寬敞、加上有吃到飽餐廳🍽️、美食街😋、仲有小孩遊戲區🛝同超市🛒，真係逛一整天都逛不完😆
媽媽同豬仔包一入商場就見到大型超市，真係大到逛一圈都要啲時間😆。零食🍭水果🍉我係我哋主要入手貨品😎。掃完貨就去旁邊嘅美食區醫肚😋。
「Mister Dount🍩」同「麥當勞🍔」都係豬仔包最愛😍，不論餐廳加購的小禮品🎁還是兒童餐包嘅玩具，都非常岩小朋友👍🏻
食飽飽我哋就去shopping 🛍️，媽媽就鍾意逛Daiso，因為計番價錢只係香港嘅一半，真係好抵💰，所以可以盡情買❗️買❗️買❗️🤣🤣🤣。豬仔包就響BIC CAMERA 周圍逛同試玩玩具，最後仲帶埋戰利品先肯走😆😆😆
一邊行一邊逛，突然眼前出現一個小小嘅兒童遊樂區 Q’s Land，豬仔包當然急不及待就衝咗去🤭🤭🤭，玩咗一陣仲發現戶外Q’s Park有小小玩樂設施，最重要可以響汽水機買嘢飲兼抖抖😆
除咗遊樂區，呢層仲有大型美食街，選擇非常多，不過人流相對都好多，等嘢食都要啲時間😅。最欣賞係佢為兒童專設嘅洗手間🚻，小朋友真係獨自去洗手間都唔駛驚😊
我哋逗留咗3️⃣個鐘，但都只係逛咗冰山一角，好多地方都未行未玩，下次再去真係要預一整天先得🤣
📮地址：大阪市阿倍野区阿倍野筋1丁目6番1号
#親子 #親子活動 #大阪 #大阪親子遊 #天王寺 #阿倍野 #Q’sMall #Abeno #日本 #海外遊 #shopping #血拼 #買玩具 #兒童遊戲區 #大型商場 #平價 #全職媽媽 #4y10m #豬仔包の開心日常
《🇯🇵日本人口袋名單之一嘅環保♻️花卉公園 🌼～ 和泉回收環境公園🌻》
#日韓城市景點
「 和泉回收環境公園🌻」前身係一個廢棄物最終處理場(即垃圾堆填區🫢），不過經過整建後變身成為一處環境清幽😌、一年四季都有不同花卉🌻盛開嘅環保♻️公園。
園區佔地76,000平方米，內有四季鮮花盛開嘅農場區、多功能場地、藥草園同日本庭園等。園內大部分設備同材料都係回收再利用♻️，而且採用有機種植，不使用農藥👍🏻👍🏻👍🏻
此外，園區亦有售賣手工製作嘅香包同使用環保公園種植嘅薰衣草和香草花香製成嘅自製精油🤩。
我哋當日去嘅時候氣温高達39度🔥，雖然好熱，但影相真係好靚😍，一大片向日葵花海🌻，相當壯觀🤩。雖然天氣酷熱再加上是平日，但陸續都有看到很多日本家庭🇯🇵帶小朋友到來影相📸️🥰
媽媽同豬仔包影完相就去咗小商店度買雪糕🍦消消暑🥵，但看到日本家庭🇯🇵都是在買麵包🥯，原來小店出售嘅係用石窯烤製無添加木柴麵包🥯😋
關西國際機場同「和泉回收環境公園🌻」距離約30公里，開車約30分鐘便可到達，會自駕遊大阪嘅朋友大妨去看看花海影靚相📸️📸️📸️💕，免費入場架😊
📮地址：大阪府和泉市納花町407番地の15
#親子 #親子活動 #大阪 #大阪親子遊 #和泉回收環境公園 #免費 #花海 #打卡 #打卡好去處 #日本 #環保 #海外遊 #向日葵 #全職媽媽 #4y10m #豬仔包の開心日常
《適合親子嘅平價食、玩、買商場🎡 ～ Rinku Pleasure Town Seacle》
#日韓城市景點
從關西國際機場乘搭 JR 電車或南海電鐵到臨空城Outlet，路上會先經過一個商場「Rinku Pleasure Town Seacle」，而呢個商場係非常適合小朋友，皆因食、玩、買都照顧到，最吸引莫過於佢有個小型playhouse，岩哂小朋友放電⚡️🤩
呢個playhouse由車站沿天橋過去，一入商場就會見到，叫做「CLUB yu kids」收費以時間計算🧮，600yen可以玩60分鐘，超時便100yen 10分鐘，$3x 港幣便可以玩一個鐘，真係非常超值😍
裡面嘅設施好多都係自動旋轉中，非常考驗小朋友嘅平衡力，此外，場內有些免費嘅搖搖裝置，平時香港玩，一次都要$6，呢度玩番幾次就回哂本🤣，不過比較大型嘅都維修中🧰，唔知係咪太多人玩太攰🤣。如果唔夠喉，門口都有投幣嘅搖搖裝置，100yen一次。
玩完playhouse可以去旁邊扭蛋店，亦可以去出名走平民路線嘅西松屋shopping🛍️，買衫買玩具買零食，我哋都大豐收🤩
肚餓旁邊有foodcourt，售賣烏冬🍲、拉麵🍜、漢堡🍔等，價錢相宜，場內亦有洗手區🚿、飲水區🚰同濕紙巾提供，用餐區仲有專為小朋友而設嘅坐椅，豬仔包話坐得好舒服，食都食得開心啲😛
淨係二樓我哋都逗留咗幾個鐘，都冇時間去樓下嘅超市🛒同 100yen店掃貨🤭，下次要預留多啲時間再去先得😆。如果唔鍾意shopping嘅朋友，可以坐吓摩天輪🎡，轉得好慢，非常適合情侶談心或喜歡看風景嘅親子家庭😊
📮地址：大阪府泉佐野市臨空往來南3番地
#親子 #親子活動 #親子玩樂好去處 #日本 #海外遊 #大阪遊 #大阪親子遊 #RinkuPleasureTownSeacle #西松屋 #CLUByukids #playhouse #兒童遊樂場 #放電 #放電好去處 #大阪 #foodcourt
#shopping #rinku #全職媽媽 #4y10m #豬仔包の開心日常
《🇯🇵大阪平價酒店推薦～道頓堀薩拉薩酒店 Sarasa Hotel Dotonbori》
#日韓城市酒店
Sarasa Hotel 響🇯🇵大阪不止一家分店，今次媽媽同豬仔包入住嘅係近大阪Metro「日本橋站」嘅「 #道頓堀薩拉薩酒店 Sarasa Hotel Dotonbori🏨」
酒店離大阪Metro約10分鐘路程，黑門市場約5分鐘，而心齋橋亦只需10-15分鐘左右，揾食同夜遊都非常方便🤩
由於酒店在内街，所以晚上好安靜😴，唔會嘈吵，瞓得好舒服😌。附近有FamilyMart、Lawsons同7-Eleven，就算想宵夜或早餐都好多選擇😊
房間面積不大，但非常乾淨，基本設施都齊備，浴室仲有浴缸🛁，豬仔包晚晚都可以浸浴，非常開心😆
原本我哋係雙床房，但床可輕易拍埋一齊成大床，媽媽同豬仔包就可以一齊瞓，放行李🧳地方仲變得更加寬敞添🤣
我哋連續住4️⃣天，可以選擇是否需要收拾房間，在門外貼個磁石貼就可以，非常貼心👍🏻。早上碰到酒店清潔員🧹笑容滿面，仲意外地能流利地以英文溝通😍
酒店大堂有磅可以磅行李🧳，唔駛驚行李🧳過重都唔知🤭。旁邊是酒店🏨的餐廳，早餐是自助式的，食物種類都不少，粥🥣、乳酪🧀️同炸雞🍗都係豬仔包最愛，不過我哋經常都睡得很晚，早餐也是匆匆忙忙，連相都冇影😆
由於房價便宜，去心齋橋血拼同食野都方便，下次去大阪會考慮再次入住😊
📮地址：郵編542-0082 大阪府大阪市中央區島之內2丁目9-6
🛏️Check In: 15：00 ; Check Out: 10：00
#道頓堀薩拉薩酒店 #Sarasa #酒店推介 #SarasaHotelDotonbori #親子活動 #親子 #日本酒店 #平價酒店 #大阪 #大阪親子遊 #海外遊 #日本橋 #全職媽媽 #4y10m #豬仔包の開心日常
《🇯🇵日本臨空城購物中心🛍️也有適合小朋友逛的店舖👶🏻》
#日韓城市景點
「 #臨空城購物中心🛍️ 」同關西國際機場只有一站之隔，所以最適合作為抵達大阪第一站，或長途飛行前嘅最後一個景點。從關西國際機場乘搭 JR 電車或南海電鐵，第一站「Rinku城」，出站後行6-10分鐘就到，非常方便🤩。
臨空城Outlet分為Main side 同 Sea side，共有約250家店舖，主要以售賣精品服飾、登山露營、運動、廚具、鞋類商品為主，建築充滿美國港口城市嘅感覺😊。
去Outlet當然就係去Shopping🛍️，媽媽當然急不及待想血拼，真係逛一天都不夠🤣，但對豬仔包嚟講shopping真係有點悶，所以媽媽都揾咗一啲豬仔包感興趣嘅店鋪嚟行，以下係媽媽嘅推介👇🏻👇🏻👇🏻
推介1️⃣「LEGO 專門店🧩」
相信好多小朋友都豬仔包一樣鍾意砌LEGO，所以「LEGO 專門店🧩」真係小朋友嘅首選。一入到門口，豬仔包已經急不及待衝去砌LEGO💨💨💨，當豬仔包砌緊LEGO時，媽媽發現有展示版教砌LEGO球，成功完成就可以免費在LEGO Passport上蓋專屬嘅印💮同得到產品優惠券😍，整個活動係免費架🤩
呢個球看似簡單，但對豬仔包嚟講，都要啲時間揾材料同砌，所以都砌咗起碼10分鐘以上🤣。完成後✅，職員會好隆重咁打開透明箱，將豬仔包拼好嘅球放上展示架，然後就將LEGO Passport交到豬仔包手上，叫他寫上自己名字，最後自己蓋印💮，真係好有儀式感😍，而我哋就得到海外第一個專屬嘅LEGO Store印章💮啦，Yeah😜✌🏻
除咗砌LEGO球取印章💮外，場內仲有專屬LEGO牆打卡📸，亦有DUPLO系列LEGO試砌，不過最吸引一定係可以打卡📸同玩嘅LEGO警車頭🚓，呢個裝置不但可以比小朋友扮司機，仲可以發聲🔉，真係玩到停唔到🤣🤣🤣
推介2️⃣「 #KitKat專門店 」
呢間店舖最吸引豬仔包嘅就係全店都係紅色🔴😆，裡面有好多不同款式嘅朱古力🍫，有部分仲係日本限定🇯🇵，真係揀都有排揀🤣。
至於豬仔包最鍾意係水果味嘅朱古力🍫，媽媽響香港都未見過🤭。最特別係呢個系列可以逐粒買，豬仔包㨂得好開心，㨂完仲話要請場內隻熊熊🧸試味添🤣🤣🤣
推介3️⃣ 「7-Eleven」
日本🇯🇵便利店非常多，但Outlet嘅便利店人流稀小，小朋友👶🏻可以自由自在輕鬆購物，買完仲可以自己慢慢入錢落收銀機自己比錢，又唔怕阻住人，係非常好嘅體驗😊。
#親子 #親子活動 #親子玩樂好去處 #日本 #海外遊 #大阪遊 #大阪親子遊 #臨空城購物中心 #臨空城 #outlet #shopping #rinku #全職媽媽 #4y10m
《🎊全新開幕～北區唯一playhouse 探索家樂園》
#報名酒店試睡員
「🔍探索家樂園 Explorer Playhouse」終於響 @上水滙商場正式開幕啦🎊🎊🎊，佢係北區唯一playhouse，媽媽同朋友仔即刻約埋一齊去試玩一下先😍💨💨💨
「🔍#探索家樂園 」佔地12000呎，真係超大🤩，充氣城堡🏰、滑梯🛝、波波池🫧、積木區🧩、音樂區🥁、釣魚🎣、帳幕⛺️等，應有盡有，但有幾項設施，媽媽特別欣賞🤩。
首先係「 #角色扮演區 🎭」👉🏻小朋友可以化身壽司師傅🍣、花店老闆💐、消防員🧑🏻🚒、警察👮、公主👸、廚師🧑🏼🍳、醫生🧑⚕️、麵包師傅🥯等等，仲有間隔劃分，牆壁嘅畫超靚，配合埋像真度極高嘅道具，真係好似去咗影樓影相咁📸️，可以不斷換場景，打卡絕對一流，真係超正😍😍😍。
第二個欣賞位係「 #沙池 🏖️」👉🏻 呢個沙池有別於一般playhouse 嘅沙池，入到去真係好似去咗沙灘🏖️咁，有太陽傘⛱️，太陽椅🌞可以打卡，加上靠窗採光度極好，太陽射入嚟有點温暖嘅感覺，豬仔包同朋友仔完全沉醉響當中，仲玩到用沙蓋住半個人添🤭。
除此以外，媽媽亦非常喜歡佢哋用天然山楂籽代替真沙，真係好乾淨😍。而「沙池🏖️」規劃響放鞋區後面亦值得一讚，這樣劃分就可以同其他遊樂設施分開，唔會有太多沙帶入去遊樂區👍🏻，再加上呢個「沙池🏖️」真係超級大，有成幾間房咁大，真係幾十個小朋友一齊玩都唔會迫，難怪豬仔包同朋友仔玩到停唔到😆，媽媽們又可以成機抖抖🤭
第三個欣賞位係「 #駕駛區🚗」👉🏻平時電動車就一定吸引好多小朋友玩，但呢個區係自己用腳行嘅車，都一樣吸引好多小朋友去玩，全因佢有個劃分得好好嘅停車區🅿️，泊車位置係有間隔亦有號碼，小朋友泊車時會多咗一重技巧，增加成功感💪🏻。另外，仲有個交通燈🚥，小朋友真係會停車🚗，等轉綠燈🟢先再開車，令小朋友投入度瞬間提高👍🏻👍🏻👍🏻
不過講到最欣賞，莫過於係一個專給幼兒嘅專區，平時「 #幼兒專區👶🏻」都比較細小，但呢度嘅「 #幼兒專區👶🏻」係設置響一間好大嘅獨立房間內，有蟲蟲隨道🐛、小滑梯🛝、旋轉鞦韆🌀、小型攀爬架等，幼兒👶🏻可以進行小訓練，又唔怕大嘅小朋友撞到，整間房都係波波，可以話係一個極大嘅波波池，點拋都得。另一邊房設置投球遊戲，海量嘅波波真係可以瘋狂咁掟又唔怕掟親人，設計真係好窩心🥰
除咗玩樂設施好玩之外，員工都好值得一讚👍🏻，角色扮演區小朋友一玩完，職員已好快手收拾，而制服🎽亦都有不時進行消毒，地面看到有山楂籽，亦即時掃走🧹，整個環境同設施感覺都非常乾淨。其中一個搖擺船仲有職員看守，保障小朋友安全之餘仲有同小朋友互動，務求小朋友玩得開心又放心，讚讚讚👍🏻👍🏻👍🏻
我哋當日玩咗兩個鐘都完全唔夠喉，豬仔包同朋友仔都不斷話要加鐘😆😆😆
📮地址：上水滙7樓全層
#親子 #親子活動 #親子玩樂好去處 #暑假好去處 #室內遊樂場 #室內遊樂場 #playhouse #上水 #上水滙 #探索室樂園 #ExplorerPlayhouse #放電好去處 #放電 #12000呎 #北區唯一playhouse #全職媽媽 #4y10m #豬仔包の開心日常
《✨Jumptopia澳門🇲🇴首個期間限定充氣城堡嘉年華🎡「小小環球美食家👨🍳」》
#澳門景點
彈跳城堡相信係好多小朋友🧒🏻👧🏻嘅最愛，豬仔包都係其中一個愛好者😍，我哋今次衝出香港去到澳門🇲🇴，體驗巨型彈跳城堡遊樂區嘅威力🤩🤩🤩
今個暑假☀️主打充氣城堡🏰嘅Jumptopia登陸「 #澳門威尼斯人金光會展中心」充氣城堡嘉年華🎡以「 #小小環球美食家👨🍳」為主題，佔地達 40,000呎😱，無論面積及規模都係Jumptopia港澳活動之冠🏆
園區共有9️⃣座巨型彈跳城堡，由Kiztopia 8大原創卡通角色🐯🦖🦛🐘🐵🐝🐻🐰打造，揉合世界各地美食元素😋，當中包括：
❤️ 運動健將 老虎Tiger 美式漢堡包店🍔
🧡 探檢家恐龍Drago 熱帶水果船🍉
💛 舞蹈員河馬 Happy立食壽司吧🍣
💚 工程師小象Eli 滋味拉麵店🍜
💙 科學家猴子 Mark香辣快餐車🌮
💜 小蜜蜂Honey珍珠奶茶店🧋
🤎 廚師小熊Bell 烘焙工作室 🥐
🤍 小兔Raby復活兔波波池🐰
💖 科學家猴子 Mark波波池障砌賽🤸🏻♂️
「小小環球美食家👨🍳」除了為大家準備咗一系列盡情放電⚡️嘅彈跳城堡🏰外，仲首次響港澳地區🇭🇰🇲🇴引入2️⃣大刺激好玩嘅巨型充氣泡泡球遊戲👉🏻「巨型充氣碰碰球🎈」同「翻滾吧，Kizzos 🌀」，兩個遊戲都可以考驗膽量 、核心肌、平衡力同協調性💪🏻
仲未完架🤭，場內仲有由8️⃣個小遊戲組成嘅「遊戲競技場🤼」，小朋友可以化身足球員⚽️、籃球員🏀，又可以做神射手🎯考驗眼界同手腳協調等不同技能，在各個迷你游戲中挑戰自我😎，真係未玩已覺得好精彩😍
豬仔包一去到場館門口已經急不及待想衝入去💨💨💨，入到去真係連媽媽都嘩嘩聲😱，場館係大到望都望唔到盡頭，絕對唔講得笑，真係走一圈都要啲時間😆，玩躲躲貓真係隨時會搵唔到🤭🤭🤭
唔知小朋友係咪有特別感應，豬仔包第一個就係衝去最尾玩「🐯Tiger 美式漢堡包店🍔」玩6.5米高嘅滑梯🛝😆，呢個滑梯唔止高，仲有高低起伏，豬仔包話超級好玩🤣
媽媽就最鍾意💕 「🐝蜜蜂Honey珍珠奶茶店🧋」，裡面有像真度好高嘅冰塊🧊同珍珠⚫️，真係好似入咗去杯珍珠奶茶🧋入面咁，一路跳啲珍珠仲彈吓彈吓，好攪笑🤣
至於2️⃣個巨型充氣泡泡球遊戲，媽媽覺得係專為大人同埋年紀大少少嘅小朋友🧒🏻👧🏻而設，豬仔包高度只係勉強可以參與到「巨型充氣碰碰球」，不過豬仔包穿上充氣衣於池內未同人鬥撞，自己已行到醉酒佬咁，笑死媽媽😆😆😆
另外，「遊戲競技場🤼」嘅小遊戲，非常適合大人小朋友一齊玩，真係大人都未必會贏小朋友，媽媽都輸咗好幾次呢🤣
玩到冇電🪫，可以響旁邊買啲飲品🧃、餅乾🍪同雪糕🍦抖抖叉吓電⚡️先再玩過🤭，臨走仲可以響小賣部選購充氣精品，實行將歡樂帶埋番屋企😊
📮地點：澳門威尼斯人金光會展 E廳
#kiztopiahk #JumptopiaHK #JUMPTOPIAMACAU #LITTLEGOURMETFESTIVAL #KIZZOS
#KIZTOPIAFRIENDS #小小環球美食家 #充氣城堡嘉年華 #親子遊樂場 #親子好去處 #親子試玩員 #親子 #親子活動 #打卡 #親子玩樂好去處 #假日好去處 #放電 #放電好去處 #暑假活動 #暑假好去處 #澳門好去處 #澳門 #澳門威尼斯人金光會展中心#期間限定 #全職媽媽 #4y10m #豬仔包の開心日常
澳門景點
澳門威尼斯人金光會展中心」充氣城堡嘉年華
《☀️YM²裕民坊 ～暢遊仲夏平衡車🚲》
#報名酒店試睡員
☀️暑假終於來臨啦😍，係時候帶小朋友去盡情放電⚡️，YM²裕民坊聯乘童搜遊 舉辦咗全港首個有波波池嘅平衡車賽道🚴，小朋友可以響不同嘅特色障礙物中一試身手，考驗平衡力💪🏻
場內裝備充足，套票已包括頭盔⛑️、護膝護肘同平衡車🚲，真係輕輕鬆鬆就可以去玩🤩。小朋友戴好裝備，聽教練指示做小小熱身，跟著就出發啦💨💨💨。
今次嘅平衡車賽道🚴🏻♂️好特別，除咗有好多波波裝飾之外，仲有不同嘅障礙關卡比小朋友挑戰😎，不過全部小朋友都好厲害，個個都挑戰成功👍🏻👍🏻👍🏻
每完成教練一節指令，大家又回到起點聽教練下一個指示，好似玩遊戲咁，增添趣味性🤭
玩完一節3️⃣0️⃣分鐘體驗，豬仔包已經成頭汗💦，但完全唔捨得走🤣。同場小朋友都一樣，個個都似乎都意尤未盡，真係要加鐘先得😆😆😆。
平衡車體驗🚲有兩種玩法，可以自由任玩或在專業教練陪同下體驗平衡車。💰套票可預先在網上平台購買，亦可現場以八達通支付😉。
另外，場內設有「#平衡車專賣店🚲」，愛上玩平衡車嘅小朋友可以㨂架心水平衡車帶番屋企，可以鍛煉平衡力、四肢協調同培養獨立性，日日玩都得😍
平衡車🚲活動適合2️⃣-6️⃣歲小朋友，有益身心💪🏻之餘又唔怕曬親，暑假唔駛驚冇地方帶小朋友放電⚡️啦🤩
📮地點：YM²裕民坊L1 中庭
#裕民坊 #ym2 #親子 #親子玩樂好去處 #親子活動 #假日好去處 #暑假活動 #暑假好去處 #放電 #放電好去處 #室內放電推介 #平衡車 #平衡車體驗 #觀塘 #暢遊仲夏平衡車 #全職媽媽 #4y10m #豬仔包の開心日常
《⚡️暑假放電好去處～ 智遊天地 E3ClubPlayland》
#報名酒店試睡員
近排天氣好熱☀️，還是室內活動比較好，去開MegaBox，媽媽同豬仔包去12樓嘅 「E3 Club Playland」玩吓，放吓電⚡️🤭
豬仔包一入場就衝去大滑梯🛝，可惜上到同好多小朋友一樣，見到滑梯好直好高都走番轉頭，要揾爸爸媽媽陪玩，但媽媽👩🏻仲驚過豬仔包，所以豬仔包最後走上走落好多次，都係踏出唔到第一步，下次都係要揾爸爸陪先得😆
除咗刺激嘅垂直大滑梯🛝外，其實仲有旋轉滑梯🛝同短滑梯連波波池，亦有阻礙區同彈床，岩哂豬仔包放電⚡️😊
此外，飛索同燈光舞台都響playhouse好少見，所以豬仔包都玩到唔捨得停🤭
還有音樂區🎼、玩具區♟️、廚房區🥣、積木區🧩、波波池等，都好適合小B玩。
1.5小時好快就過去，期待下次再去挑戰垂直大滑梯🛝😆
📮地點：九龍灣Megabox L12 1號舖
#親子 #親子玩樂好去處 #親子活動 #假日好去處 #魔鬼滑梯 #巨型積木區 #動感舞台 #廚房玩具 #幼兒遊戲區 #飛索 #九龍灣 #megabox #E3Club #智遊天地 #全職媽媽 #4y10m #豬仔包の開心日常