https://hk.trip.com/moments/tag-1764724-mc%E5%B8%B6%E4%BD%A0%E5%8E%BB%E8%A5%BF%E7%81%A3%E6%B2%B3/
蘇豪東區！Chill嘆碼頭旁．半開放式西餐廳
#MC帶你去西灣河
.
位於西灣河海旁嘅蘇豪東區一向多西餐廳、酒吧，而且大部分餐廳都面向維港，並設有露天座位，環境寧靜之餘，仲可以對住海景食飯！
.
🔸🔹The Salted Pig 🔹🔸
餐廳位於鯉景灣碼頭旁，裝潢充滿傳統英式農舍風格，餐廳半開放式，設有室外座位，食飯或者同朋友飲兩杯chill吓🍻🍻，環境同氛圍都好舒服。
.
➖➖➖➖➖➖➖➖➖➖➖➖➖➖➖➖
.
🥢 Spanis Garlic & Chili Prawns $145
🥢 西班牙香辣蒜片蝦
.
用橄欖油、蒜片、辣肉腸簡單調味，已經充滿蒜香同埋大蝦嘅鮮香。
.
大蝦肉質非常爽脆，食落彈牙鮮甜，而且已經去殼，啱曬我啲懶人😂。
.
另外仲仲有碟邊兩片香脆多士蘸埋醬汁，味道豐富。
.
➖➖➖➖➖➖➖➖➖➖➖➖➖➖➖➖
.
🥢 Seafood Paella $235 （⭐推薦）
🥢 西班牙海鮮飯
.
鐘意食海鮮嘅朋友一定要點依個！入面有齊蝦、大蜆、青口、魷水圈、魚柳、辣肉腸同煙雞肉。
.
飯粒吸收曬海鮮嘅精華，食落偏軟腍，每啖飯都會滲透少少海鮮嘅鮮味。
.
當中比較係青口，肉質嫩滑，仲保留到少少海水味同埋甜味，證明十分新鮮！
.
➖➖➖➖➖➖➖➖➖➖➖➖➖➖➖➖
.
🥢 Pan-Seared Whole Sea bass Fillet (Half) $198 （⭐推薦）
🥢 煎原條海鱸魚柳海鮮燴（半份）
.
海鱸魚柳煎得皮脆肉嫩，醃得幾入味，仲要無骨啖啖肉！
.
配菜（海鮮燴）都好豐富，有鮮蝦、蜆、辣肉腸同麵包粒。
.
海鮮汁十分惹味，配海鱸魚柳或者啲海鮮都好夾！
.
➖➖➖➖➖➖➖➖➖➖➖➖➖➖➖➖
.
🥢 French Fries $78
.
即叫即炸！上枱時仲熱辣辣，粗薯條好香脆，有少少鹽巴調味，過足口癮！
.
➖➖➖➖➖➖➖➖➖➖➖➖➖➖➖➖
.
🥢 Milo Banana 美祿香蕉沙冰 $68
.
🥢 1664 Blanc 500ml $88
.
➖➖➖➖➖➖➖➖➖➖➖➖➖➖➖➖
.
⚡ 環境
餐廳位於鯉景灣碼頭旁，半開放式，有戶外同室內座位，可以吹下自然嘅海風，都幾Chill。餐廳室內雖然調暗一點，但原來係暖燈膽，就算冬天都可以曖笠笠，望住海景食飯。
.
➖➖➖➖➖➖➖➖➖➖➖➖➖➖➖➖
.
📝 小編貼士
海旁有好多錶位提供，揸車嚟食都好方便。泊喺餐廳門口，又容易睇住架車㖭！
.
➖➖➖➖➖➖➖➖➖➖➖➖➖➖➖➖
.
⭐整體︰8.5/10
⭐食物︰8.0/10
⭐環境︰9.0/10
⭐價錢︰8.0/10
.
🟰🟰🟰🟰🟰🟰🟰🟰🟰🟰🟰🟰🟰🟰🟰🟰
📍 The Salted Pig (蘇豪東B期)
地址：西灣河鯉景灣太康街45號蘇豪東B期地下GB8-10號舖
交通︰港鐵西灣河站 A 出口
🟰🟰🟰🟰🟰🟰🟰🟰🟰🟰🟰🟰🟰🟰🟰🟰
.
#Ming_Course #週末好去處 #拍拖好去處 #情侶好去處 #香港小店 #東區美食 #西灣河美食 #西灣河一日遊 #西灣河好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #西灣河 #鯉景灣 #西灣河海旁 #蘇豪東 #TheSaltedPig #港島東 #西餐廳 #西餐 #香港西餐廳 #港島西餐 #報名酒店試睡員
蘇豪東區！Chill嘆海旁靚景西餐廳
#MC帶你去西灣河
.
位於西灣河海旁嘅蘇豪東區一向多西餐廳、酒吧，而且大部分餐廳都面向維港🌊，並設有露天座位，環境寧靜之餘，仲可以對住海景食飯😍！
✨ Cull ’N Pistol Hong Kong
主打多元新派海鮮風格，餐廳裝潢以海藍色為主調💙，配以純白牆壁、檀香木地板與航海主題互相呼應😉。半開放式嘅用餐環境更有開揚感覺，與毗鄰西灣河海濱，營造出海邊休閒渡假嘅感覺😎，充滿悠閒愜意嘅英倫風情😜。
.
🥢 Tuna & Avocado Tartare $148
吞拿魚牛油果他他🥑，細嫩嘅肉質配以酸豆、芝麻、芥末蛋黃醬，口感軟滑而清爽🤤，無油膩嘅感覺。另外仲可以配埋碟邊兩片香脆多士一齊食，口感十分豐富🥰。
.
🥢 Caesar Salad $118
開胃菜之選嘅凱撒沙律，清甜爽脆嘅羅馬生菜🥬，配以新鮮番茄🍒、香濃巴馬臣芝士🧀、惹味煙肉碎🥓同鬆脆的麵包塊🍞，口感爽脆，酸甜開胃👍🏻。
.
🥢 Mojo Clams (300g) $158
西班牙辣肉腸煮蜆，白酒煮蜆就食得多，西班牙青醬煮蜆就少見啲🤔，食落肉質鮮甜，蜆肉大粒厚身😍，一啲沙都無，醬汁好Fresh😋，配埋炒香咗嘅辣肉腸粒，口感豐富😝。薯條就另上嘅，有少少辣椒粉喺薯條表面，即叫即炸，食落香脆可口🫶🏻。
.
🥢 Slow Cooked Pork Neck & Truffled Gnocchi $148
慢煮豬頸肉松露馬鈴薯丸子，煙韌嘅馬鈴薯丸子撈勻芝士松露忌廉汁，口感好特別，同濃稠嘅芝士忌廉醬好夾🥰。另外，經過慢煮處理嘅豬頸肉，食落好嫩滑軟腍👍🏻，而且每一塊都幾厚肉，大約9-10塊，十分足料，食完有少少飽膩🤭。
.
⭐整體︰8.5/10
⭐食物︰8.0/10
⭐環境︰9.0/10
⭐價錢︰8.5/10
.
=====================================
📍 Cull ’N Pistol Hong Kong
地址：西灣河鯉景灣太康街55號蘇豪東A期地下GA1-3號舖
交通︰鄰近港鐵西灣河站 A 出口
=====================================
.
#Ming_Course #hkfoodie #foodiehk #hkfood #hkfoodblogger #hongkongfoodies #週末好去處 #拍拖好去處 #情侶好去處 #香港小店 #東區美食 #西灣河美食 #西灣河一日遊 #西灣河好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #聖誕好去處 #西灣河 #鯉景灣 #西灣河海旁 #蘇豪東 #cullnpistolhk #聖誕好去處 #報名酒店試睡員
太安樓美食｜新開台式茶飲店
#MC帶你去西灣河
.
太安樓被譽為香港版小士林之稱，實在太多美食要介紹😋今次依檔係新開嘅茶飲店「茶角」，最啱掃完街食返杯。今次試咗杯芝芝芒芒🧋芝士奶蓋相信大家都唔陌生，但依杯轉咗沙冰底，唔知有咩分別呢🧐
.
✨ 芝芝芒芒 - 奶蓋沙冰 $38
芒果奶蓋沙冰顏色偏淡黃色，第一個感覺就無加色素啦👍🏻奶蓋打得幾厚，飲落味道幾好，甜度適中☺️飲落仲有少少芒果肉粒同沙冰，唔知係咪用新鮮芒果啦，芒果味比較淡🥭成杯手搖好清爽，奶蓋又唔會太飽滯。
.
✨ 總結
太安樓嘅手搖店唔多，唔想飲來飲去都係嗰幾間連鎖店嘅話，不妨一試依間新開台式茶飲店😜
.
⭐整體︰7.0/10
⭐食物︰7.0/10
⭐環境︰7.0/10
⭐價錢︰7.5/10
.
=====================================
📍 茶角 (西灣河)
地址：西灣河筲箕灣道57-87號太安樓地下A25B號舖
交通︰港鐵西灣河站 A 出口
=====================================
.
#Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #東區美食 #西灣河美食 #西灣河一日遊 #西灣河好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #西灣河 #太安樓 #太安樓美食 #茶角 #手搖
太安樓美食｜鑊氣十足！即嗌即炒粉麵
#MC帶你去西灣河
.
太安樓被譽為香港版小士林之稱，實在太多美食要介紹，今次依檔係小編必食推介！
.
✨ 老三炒麵
老遠就已經知道佢有無開檔啦，因為即叫即炒嘅油鑊聲真係佢招牌嚟，鑊氣十足🔥而且愈夜愈多客人排隊添，可想而知，依檔炒粉麵一定有質素保證💯
.
✨ 即炒粉麵
首先可以選擇麵底（河粉、米粉、油麵、幼麵、腸粉、銀針粉、烏冬、辛辣麵），然後再自行揀配料。不論麵底或者配料都相當多選擇，最推薦炒腸粉👍🏻一嚟腸粉最易上色入味，二嚟鑊氣配腸粉無得輸！唔想諗嘅就可以直接揀「特色雜錦炒麵」，配料乜都有啲，樣樣都試到👻
.
✨ 特色雜錦炒腸粉 配 XO醬 $38
雖然啲配料主要都係肉碎、火腿、腸仔、蟹柳依啲簡單食材，但即場炒一炒，加埋調味，瞬間有種啫啫煲仔菜嘅火候、味道、鑊氣，簡單嘅炒粉麵都變得好好食😋
.
✨ 總結
值得一讚嘅係，早排開始無用發泡膠外賣盒，轉用紙質依隻外賣盒，就算路途遙遠，保溫還可以，而且又環保啲添。
.
⭐整體︰8.0/10
⭐食物︰9.5/10
⭐環境︰6.0/10
⭐價錢︰9.5/10
.
=====================================
📍 老三炒麵 (西灣河)
地址：西灣河筲箕灣道57-87號太安樓地下A2-9號舖
交通︰港鐵西灣河站 A 出口
=====================================
.
#Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #東區美食 #西灣河美食 #西灣河一日遊 #西灣河好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #西灣河 #太安樓 #報名酒店試睡員