https://hk.trip.com/moments/tag-1804574-%E5%86%AC%E5%A4%A9%E9%81%8B%E5%8B%95/
韓國芝山滑雪場一日體驗
响App book咗非常方便,上車地點都係市區,導遊都好準時到達點名,導遊Crystal講普通話的,非常友善和helpful!坐車大概1.5小時左右到達芝山滑雪場,聽導遊講佢啱啱裝修完,落車去到租衫場地,有好多唔同顏色及size嘅滑雪套裝俾大家選擇,付款後換好滑雪套裝就出發到滑雪場。
滑雪場好大,有幾條唔同嘅滑雪賽道,我哋平日去人流OK。我同男朋友都係第一次,去咗Beginner賽道。導遊Crystal好細心咁講解程序和安全守則,好有耐性咁教導我哋滑行和剎停嘅技巧,最初我着極都着唔到對鞋,佢都好有耐性咁幫我!教咗我哋基本技巧我哋就自由活動自由練習啦,旅程非常之好玩!發覺原來滑雪都唔係想像之中咁容易,真係要時間練習。玩咗大半日到下晝三點準備換衫起行返市區,話說真係一個非常之好玩嘅運動,下次嚟嘅話都一定要再去再練習!
#報名酒店試睡員 #韓國自由行 #韓國芝山滑雪場 #滑雪初體驗 #滑雪推介 #韓國必到 #冬天運動 #首爾滑雪場