#鶴藪

【香港十大神山之一~八仙嶺⛰️】

秋冬🍂既季節都係適合行長途既遠足路線，不如今日就等小編為大家介紹一條難度高啲既路線啦😃，佢就係位於大埔既八仙嶺喇🤗 建議遊覽路線👇 鶴藪 --> 鶴藪水塘 --> 屏風山 --> 黃嶺 --> 八仙嶺 --> 大尾篤 咁到底八仙嶺有咩特別😚? 八仙過海💫 八仙嶺之所以叫八仙嶺，係因為八仙嶺既外型由八個高度差唔多既山峰⛰️組成，佢地分別係純陽峰、鍾離峰、果老峰、拐李峰、曹舅峰、采和峰、湘子峰、仙姑峰，八個峰既最高點同最低點相差唔夠100米，而且每個峰都可以望到大埔對出既吐露港，真係名副其實既八仙過海😌 香港十大神山之一⛰️ 相信好多朋友仔對八仙嶺既認識都係因為1996年既一場八仙嶺山火🔥，不過對小編黎講八仙嶺就係香港既其中一座神山⛰️，除左外型好似獅子山🦁一樣咁獨特之外，而且八仙嶺仲係無處不在，小編曾經試過係多個唔同地方都可以見到八仙嶺既蹤影，就連係香港島既太平山都可以望到八仙嶺😂，加上八仙嶺既景色全程都非常開揚🤩，靚景位多到數都數唔晒，近純陽峰一帶就可以飽覽全個吐露港同望到北面既沙頭角海，而去到最後既仙姑峰就係船灣淡水湖同印洲塘🏞️既靚景😃，難怪連慈山寺都要選址係八仙嶺之下😯 中高級遠足路線👟 今次介紹既路線係一條中高級遠足路線，全程需時超過4個鐘，單係由鶴藪水塘去到黃嶺就已經要接近兩個鐘，而且路線既爬升幅度都比較大，各位朋友仔一定要量力而為💪，準備充足先好去行啊😉 交通: 大家只要係粉嶺站搭52B綠色小巴🚌去到鶴藪總站就可以開始今次既旅程 想知道更多香港好去處? 記得like 👍 + follow 我地 😁@sweet.travel_hk，有你的支持我地先有動力繼續為大家發掘香港特別的地方😚🥰 #八仙嶺 #鶴藪 #鶴藪水塘 #屏風山 #黃嶺 #純陽峰 #鍾離峰 #果老峰 #拐李峰 #曹舅峰 #采和峰 #湘子峰 #仙姑峰 #八仙過海 #大尾篤 #神山 #大埔 #吐露港 #沙頭角海 #沙頭角 #船灣淡水湖 #印洲塘 #慈山寺 #遠足 #hiking #聖誕好去處