https://hk.trip.com/moments/tag-1909426-%E5%A4%A7%E9%98%AA%E4%BA%AC%E9%83%BD%E9%81%8A/
🇯🇵大阪京都遊🎏Day 6行程🏕️錦市場貓頭鷹展覽館🦉
❥ 琵琶湖綠水亭溫泉酒店♨️ ⇒ 🏠Check-out ⇒ 錦市場 ⇒ 寺町京極商店街/新京極商店街 ⇒ 京都貓頭鷹之森 ⇒ 🚗TOYOTA Rent a car ⇒ 🏠Check-in民宿 ⇒ 🍴晚餐：Yakinikuen 忍鬨 ⇒ Round 1 遊樂場夾公仔🧸 ⇒ 🍴宵夜：居酒屋日本一
🥲本身book咗嵐山和服體驗同埋影相👘📸 天文台預告一早知會落雨，但係酒店嗰啲全部都一早俾咗錢，只有和服可以cancel🥲 所以知道會落雨都冇辦法改到行程～ 最後呢一日係大雨到黐咗線😂 大雨到唔知去邊好😂冇辦法留喺室外~ 最期待嘅和服👘亦就咁就告吹🥲🥲🥲
♨️〖琵琶湖綠水亭〗一泊二食嘅早餐係自助餐，有好多一夜干&魚自己燒，個噱頭幾好，不過其實又唔係好好食😂 我都係鍾意和式會席早餐～ 自助餐唔係好啱我哋。
🛍️無啦啦變shopping day，落大雨嘅關係錦市場迫滿人，周遭嘅商店街都幾好行，其實下次係可以plan全日喺度shopping🤣💸
🦉行行吓發現咗京都貓頭鷹之森😱😍 我人生第二次去貓頭鷹展覽，呢間嘅貓頭鷹好靚仔，而且好多隻都可以摸摸😍 1000円入場超抵😂 樓下仲有豹貓體驗館，可以同好多貓貓玩🐱🐱
🚗入夜後大阪市勁塞車導航又錯，勁行錯路😂真心建議自駕遊只揸車去山旮旯地方，任何市區都唔好揸車😂停車費又貴！
還車之前要去入滿油⛽️雖然已經睇過人哋Vlog影片教學，去到實戰都係唔識😂好彩遇上雞同鴨講嘅好心日本叔叔🧍🏻♂️指手畫腳咁幫我哋成功完成咗入油🤣👏🏻 揸咗幾日，油錢都只係2370円，勁抵！
🥩必食燒肉店Yakinikuen忍鬨，東心齋橋有兩間，只有總本店係炭爐～ 一定要book位先好嚟！勁full～ 加官方LINE直接book好方便～
🤭繼續等有心情有時間嘅話之後就另外post下值得去嘅地方/餐廳介紹。
♡Follow Me on Instagram :
@lovelykawaii_missmeow
#蕃薯妹周圍遊 #大阪京都遊 #關西
#Kyoto #京都美食 #京都 #京都好去處 #大阪旅行 #京都旅遊 #雄琴溫泉 #琵琶湖 #琵琶湖綠水亭 #錦市場 #toyota #自駕遊 #溫泉酒店 #貓頭鷹 #京都貓頭鷹之森 #忍鬨 #Round1
#Japan #Osakatravel #日本旅行 #日本 #travel #日本景點 #櫻花2024 #日本必去打卡點
🇯🇵大阪京都遊🎏Day 4行程分享🏕️京都DOD露營初體驗💜
❥🏠Check-out ⇒ 清水寺 ⇒ 🍴午餐-錦市場掃街 ⇒ 錦天滿宮 ⇒ 🏕️DOD Camp Park Kyoto🐰
✰🚗去清水寺搵泊車絕對係一件痛苦嘅事，成個清水寺周邊都迫滿人同車🤪 停車場都🈵，塞住車咁搵車位，而且停車費好貴🫨如果去到京都市區建議都係搭返鐵路或巴士。
🏕️去蕃薯最愛嘅DOD🐰Camp Park Kyoto😍 點都要去試一次！錦市場開車過去都要一個半鐘😆 我哋下晝五點先至到，係最後嘅check-in時間🙈 結果發現原來咁晏到煮嘢食煮得好急，溫泉同岩盤浴唔夠時間去試🫨 浪費咗🥲 下次再去啦😩
豪華膳食套餐只係15000円一個人，佢包嘅嘢食足夠你喺營地嘅全段時間😚
而且所有露營用品都有，兩手揈揈去露營！
下次再詳細分享🥰
☃️入夜後凍到黐咗線，而我哋又後知後覺冇加錢租柴火爐🔥🤣 如果冬天嚟唔好慳嗰幾十蚊🤣（明明人哋話只需要800円租柴火爐，柴火放咗喺門口任取… 我都唔明點解嗰下會唔租🤣）
🤭有心情有時間嘅話之後就另外post下值得去嘅地方/餐廳介紹。
♡Follow Me on Instagram :
@lovelykawaii_missmeow
#蕃薯妹周圍遊 #大阪京都遊 #關西
#Kyoto #京都美食 #美食 #京都 #京都好去處 #大阪旅行 #京都旅遊 #清水寺 #錦市場 #錦天滿宮 #DODcamppark #自駕遊 #日本自駕遊 #DOD #露營 #日本露營
#Japan #Osakatravel #日本旅行 #日本 #travel #travelblogger #日本景點 #日本必去打卡點 #境外遊 #櫻花2024
🇯🇵大阪京都遊🎏Day 3行程分享🚗京都自駕遊開始💜
❥🏠Check-out ⇒ 🚗租車自駕遊-取車 ⇒ 🍴午餐-蟹道樂🦀京都伏見店 ⇒ 🏠町屋民宿Check-in ⇒ 🍴いづ重Izuju Sushi買外賣做宵夜🍱 ⇒ 🍴晚餐-十二段家 花見小路店⇒ 八阪神社 ⇒ 京都車站：大階梯點燈秀、天空步道Skyway
🚗我哋第一次去日本租車自駕遊😍想去京都同埋更偏遠嘅地方，研究後決定要試吓租車自駕方便呢幾日放埋行李🧳💜
✰🦀自駕遊去京都又想食〖蟹道樂〗嘅話，可以揀伏見店，有免費停車場，餐廳比較大，走傳統日式庭園風格，而且比較易book倒，食午餐價錢比晚餐平好多好多！
不過真心講，記憶中去名古屋食嘅蟹本家好食好多🙈🙈🙈未試過嘅可以試，如果已經試過嘅我覺得留返個肚試其他餐廳更好🙈
✰🏡喺Trip.com Book咗間京都町屋民宿 東山賓館〖ゲストハウス東山〗🤩一直好想試吓住呢啲古屋😂 book嘅時候我形容為「book咗日本嫲嫲間屋」🤣 兩層嘅古屋裝修超復古～ 二樓有兩間房，可以住倒5個人！地下大廳有被爐，我哋當日0度非常有用🤣 仲有乾濕分離嘅浴室，有一個好深嘅浴缸，玩完一日一定要返去浸浴！
意外地全部嘢都好乾淨打理得好好😎 極度推薦💜
✰🥰好開心試倒兩間京都人氣餐廳：
🍱 〖いづ重〗排隊買外賣夜晚做宵夜，非常值得試👍🏻 箱押壽司好靚，壽司飯醋味比較重～ 用料好豐富；鯖姿壽司非常大條魚捲咗入去，好肥美有啲漏🫨外層用海帶代替紫菜好特別，買細size都覺得好大份！
🐮另一間係花見小路嘅〖十二段家〗，又係冇得預約嘅排隊小店，好好彩18:30pm去到寫名排隊好快有得食😍 我哋填完名之後好快就截咗龍😎
出名食和牛壽喜燒/瓦燒和牛/鰻魚飯等等～ 本店同花見小路店只係一個轉角位嘅距離，但係兩Menu唔同，本店比較貴，而花見小路店就有平價定食。
✰🚉入夜後可以去〖京都車站〗嘅「大階梯點燈秀」同埋「天空步道」影吓相打吓卡，仲可以好清楚睇到京都塔🗼😍
🤭有心情有時間嘅話之後就另外post下值得去嘅地方/餐廳介紹。
♡Follow Me on Instagram :
@lovelykawaii_missmeow
#蕃薯妹周圍遊 #大阪京都遊 #關西
#Kyoto #京都美食 #美食 #京都 #京都好去處 #大阪旅行 #京都旅遊 #京都車站 #蟹道樂 #いづ重 #十二段家 #自駕遊 #日本自駕遊 #かに道楽 #町屋 #sukiyaki
#Japan #Osakatravel #日本旅行 #日本 #travel #travelblogger #櫻花2024 #日本景點 #日本必去打卡點 #境外遊
🇯🇵大阪京都遊🎏Day 5行程分享🏕️京都露營♨️溫泉旅館一泊二食💜最享受的一天☀️
❥ 🏕️DOD Camp Park Kyoto🐰 ⇒ 🏠Check-out ⇒ 近江神宮 ⇒ 伊豆神社 ⇒ 滿月寺 浮御堂 ⇒ 白鬚神社⛩️ ⇒ 琵琶湖綠水亭溫泉酒店♨️
🏕️〖DOD Camp Park Kyoto〗嘅早餐食材好豐富，晨咁早就起咗身享受大自然飲杯黑咖啡☕️🥰 好悠閒好正😎
我決定要去日本唔同嘅地方露營！😂
最後我哋都係冇入去Camp Park個免費溫泉，因為10:00am開門嘅時候好多公公婆婆入去🤔好爆場咁好似會好擠迫😂 我哋最後決定留返去溫泉酒店先至慢慢浸。
✰離開營地之後就揸車去琵琶湖跑神社😂 一路上Google Maps睇琵琶湖出名嘅神社⛩️，原來好多都好靚😍
✰〖近江神宮〗有超大大大型嘅古老鳥居，仲有棵櫻花樹開咗花🌸🥰
✰〖伊豆神社〗有多個神社嘅縮影，影相靚☺️
✰〖滿月寺〗嘅〖浮御堂〗係水上寺廟，要300円入場費，建築喺水上嘅寺廟好特別，而且可以飽覽琵琶湖！仲有好多鴨仔🦆😂
✰最期待嘅〖白鬚神社〗⛩️水上大鳥居🤔 因為好多人亂過馬路去打卡，所以加咗好多高圍欄，上觀景台影無辦法影倒佢屹立喺大海中央嘅畫面🙈到此一遊啦🤣
♨️ plan行程時溫泉酒店呢一part有少少阻滯，最後意外地決定嚟琵琶湖住呢一間〖琵琶湖綠水亭〗，佢哋有好多間房都有半露天私人溫泉風呂😍 間房又大又靚又乾淨！而且配套非常完善😆 個溫泉風呂仲要係流水式，供水唔會停好似公共大浴池咁😂 雄琴溫泉嘅水溫唔係好熱，有人一度懷疑係咪假溫泉直至佢睇倒酒店房有本溫泉分析証明書🤣
🍴揀咗一泊二食，夕食係近江牛會席料理，反而食物味道唔係好驚艷🙈近江牛仲要有三舊赤身😨 今餐評價只屬於一般。
🤭繼續等有心情有時間嘅話之後就另外post下值得去嘅地方/餐廳介紹。
♡Follow Me on Instagram :
@lovelykawaii_missmeow
#蕃薯妹周圍遊 #大阪京都遊 #關西
#Kyoto #京都美食 #京都 #京都好去處 #大阪旅行 #京都旅遊 #雄琴溫泉 #琵琶湖 #琵琶湖綠水亭 #DODcamppark #toyota #自駕遊 #溫泉酒店 #DOD #露營 #白鬚神社 #浮御堂
#Japan #Osakatravel #日本旅行 #日本 #travel #travelblogger #日本必去打卡點 #境外遊 #櫻花2024 #日本景點
🇯🇵大阪京都遊🎏Day 1 行程分享🗼
❥香港✈️關西機場⇒難波⇒🏠Check-in⇒通天閣⇒通天閣滑梯⇒新世界本通商店街⇒🍴晚餐-板前燒肉一斗⇒遊道頓堀&藥妝店⇒🍴宵夜-磯丸水產
✰關西機場去難波站交通💁🏻♀️ 我哋計劃最尾嗰日會去臨空PREMIUM OUTLETS，買〖南海電鐵全線2日券〗只需要2000円，只用頭尾兩日來回市區同機場+ Outlet已經抵咗🥰 如果下次計劃去埋沿線其他地方仲抵🤣2日券唔需要連續兩日使用。 我係喺Trip.com訂㗎！去到用QR code換票，非常方便唔怕語言不通！
🌧️全日都落大雨，仲要得3度，啲鞋入晒水好凍好凍🥶
落雨限制咗好多地方都冇得玩，«通天閣»嘅特別展示台唔開🥺
亦都冇得坐道頓堀遊船🛥️～
不過因為落雨唔使排隊食«板前燒肉一斗»😍係意外收穫🥰
✰市區景點買咗張〖大阪周遊卡2日券〗3600円，超級抵窮遊必備！無限乘搭大阪鐵路同巴士、大量著名景點免費進入或有優惠、仲有購物同埋餐廳優惠，解決晒所有坐車買飛同買入場券嘅煩惱🥰 «通天閣»入場票同埋«通天閣滑梯»都係免費進入。
🤭有心情有時間嘅話之後就另外post下值得去嘅地方/餐廳介紹。
♡Follow Me on Instagram :
@lovelykawaii_missmeow
#蕃薯妹周圍遊 #大阪京都遊 #關西
#Osaka #大阪美食 #美食 #食好西 #大阪美食探店 #大阪 #大阪好去處 #大阪旅行 #大阪旅遊 #通天閣 #新世界本通商店街 #道頓堀 #板前燒肉一斗 #大阪周遊卡 #南海電鉄全線2日券 #南海電鉄
#Japan #日本旅行 #日本 #travel #travelblogger #境外遊 #日本美食 #日本景點 #日本必去打卡點 #櫻花2024