https://hk.trip.com/moments/tag-192628-%E5%A4%A9%E5%9C%8B%E7%9A%84%E9%9A%8E%E6%A2%AF/
西貢美景🏞️ 盡在昂坪😚
今日小編要為大家介紹一個可以飽覽全個西貢美景🏝️既地方，仲會帶大家睇埋全港最大最壯觀既藤王🌵，佢就係位於西貢既昂坪高原喇🤗。大家千祺唔好搞錯，此昂坪不同彼昂坪，講緊既係西貢昂坪大草地，而唔係大嶼山昂坪360，去錯左既話嗰日行程就只好說聲阿門ga la🤣
建議遊覽路線👇
馬鞍山站 --> 鞍山探索館 --> 昂坪高原 --> 茅坪藤王 --> 大水井 --> 西貢
咁到底昂坪同茅坪有咩特別😉?
1. 西貢美景🏞️盡收眼底👀 (昂坪係成個西貢區數一數二可以飽覽整個西貢內海同全部離島既地方，最遠仲可以望到萬宜水庫東西壩🤩，千辛萬苦跨過成個馬鞍山上到黎都係值得既☺️，不過去到昂坪見到成個大金鐘好似天國的階梯🪜咁高係面前，小編真係要投降了😂)
2. Picnic🥪好地方 (昂坪絕對係picnic好地方，除左地方夠大之餘，望住西貢既靚景hea返一個下午都幾寫意🤤)
3. 露營勝地⛺ (對住咁靚既海景又點少得camping丫😌，不過露營人士要注意喇⚠️，係昂坪camping係完全冇補給同冇廁所🚽ga，仲要行一大段路先入到黎，不過昂坪高原附近原來係有正式營地，可惜疫情😷期間暫時關閉)
4. 香港少有高原大草地🌿 (昂坪大約高海拔400米，咁高咁大而又咁平既草原，相信全香港只有昂坪呢個地方，但原來昂坪都有唔少牛牛🐂ga😃，真係唔知佢地點行咁多級樓梯上來🤣)
5. 滑翔傘勝地🪂 (香港3大滑翔傘勝地，昂坪高原係其中之一，另外兩個分別係港島既石澳同大嶼山既長沙，小編就暫時冇咁既膽量玩😝，不過小編相信高空望落黎既西貢係更加震撼😎)
6. 全港最大藤王🌵 (由昂坪高原落返去茅坪休息處既一片草地，係分叉口行大約1分鐘就會見到呢棵全港最大既藤王🌵，係藤王旁邊既一間舊屋🏠都比佢長滿既藤重重包圍，甚至一直延伸到半空，好似整個樹林都係佢既天下😆。不過大家同藤王影相打卡嗰陣千祺唔好坐上去/傷害到佢啊😉)
Tips: 如果大家唔想行馬鞍山站至到鞍山探索館中間一段路既話，其實係可以係新港城搭NR84村巴直接入去ga😄，因為呢段路真係冇乜野睇😂，不過班次比較疏落，30分鐘先有一班車，大家搭村巴記得要預返時間啊😉
想知道更多香港好去處? 記得like 👍 + follow 我地 😁，有你的支持我地先有動力繼續為大家發掘香港特別的地方😚🥰
#西貢 #昂坪 #昂坪草原 #昂坪高原 #昂坪營地 #馬鞍山 #鞍山探索館 #茅坪 #藤王 #茅坪藤王 #大金鐘 #天國的階梯 #大水井 #picnic #camping #露營 #hiking #牛牛 #滑翔傘 #香港camping #本地遊
大叻 「越版小巴黎」之稱仙境之梯✨
呢度有「越版小巴黎」之稱！
入面有一座超夢幻純白階梯😚
名為「Stairway To Heaven」天國的階梯🥰
樓梯就像是通往天際咁 有無限延伸既錯覺感
就好似喺仙境咁 特別有夢幻感覺🤩
係一個打卡熱點😎
記得當日排隊都排咗好耐🤣哈哈哈
仲有好多花花草草可以睇 繡球花都幾靚㗎😇
#越南 #大叻 #開心 #天國的階梯 #仙境 #打卡 #影相 #影相 #夢幻 #天國 #小巴黎