https://hk.trip.com/moments/tag-201117-kizuna/
🍶🍣絆Kizuna
位於尖沙咀嘉芙中心的日本餐廳 ［絆］裝修好有日式家庭風味，感覺溫暖好舒服，餐廳唔係好大，大約有8至9張二人至四人枱，另外有露台和包房，由兩個人，三五知己或者一大班人一齊嚟食飯飲酒傾偈都非常適合，呢度基本上日式居酒屋有嘅嘢食呢度都會有，仲有好多唔同嘅清酒可以選擇，今日和好朋友嚟試吓佢哋最新推出嘅鹽磗和牛海鮮盛，飲下酒傾吓計，非常快樂😇
▪️鹽磗和牛海鮮盛套餐$ 998
非常特別用一塊熱辣辣既海鹽磗承載住豐富嘅食材，有和牛，海蝦，帶子，鮑魚，生蠔，食材全部非常高質新鮮，除了海蝦全熟之外，其他食材都是半生熟，味道到帶微微鹽香，非常鮮味，特別和牛好軟淋，充滿油脂，配合自家製嘅芥辣醬，真係好高質，好有創意嘅一度料理
🍜絆之炒烏冬
烏冬大滿足，基本嘅材料，烏冬，豬肉，椰菜，紅蘿蔔，但係調味真係好好，醬油帶微微香甜，烏冬又彈牙吸收晒醬汁嘅味道，本來咁大碟以為食唔晒，最後都係一條不剩，實在太好食
🍗日式炸單骨雞翼
芝麻雞翼香口，雞皮炸得好香脆，非常惹味，鬆洒必備佳品
另外又點了幾款店舖推介時令壽司，都係採用最新鮮嘅食材，壽司米飯軟硬適中，赤醋調得好好味，配合刺身，完美的壽司
🍣鰈魚壽司 $ 38
🍣油甘魚壽司 $ 47
🍣蟹肉蟹膏軍艦 $ 48
🍣秋刀魚壽司 $ 68
🍶瀧自慢純米吟釀備前雄町
720ml $ 580 / 300ml $ 168
少不免又要飲下酒🤣🤣店舖推介呢款清酒，入口甘甜，非常易入口，無論配海鮮，肉類，刺身都一樣咁適合，以下係此洒嘅介紹
•酒莊位於最有名的忍術發源地，「伊賀」
•連接鄰近國定公園赤目四十八瀑布
•水源被評為「名水百選』之
•採用幻級米「備前雄町」釀造成的佳酒
•米香隨酒液在口中完全散發，口感微甜
✨ 特別一提佢哋萬聖節有個優惠由29-31 / 10
全日生啤半價優惠/ 酒精飲品九折
消費直送萬聖節小禮物一份
✨ 下次一定會再回訪，食物選擇多又高質，環境又坐得舒服，和好朋友食飯飲酒傾偈，非常好既一個地方✨
🏛絆 Kizuna
📍尖沙咀漆咸道南53-55號嘉芙中心4樓
#絆 #kizuna #日本料理 #日本餐廳
#刺身 #串燒 #kol #foodkol #foodlovers #blogger #foodblogger #foodkol #food #foodie #foodlover #foodforfoodies #hkfood #hkfoodie #hkfoodblog #hkfoodblogger #hkfoodstagram #hkfoodpic #hkfoodporn #hkfoodlovers #hkfoodie #foodguide #香港美食 #相機食先 #每天也要吃好的系列 #孤獨的美食家
🇯🇵絆 Kinzuna 🇯🇵
位於尖沙咀漆咸道南的樓上日本料理店 「絆 Kinzuna 」之前已經幫襯過，喜歡這裏的環境，地方不大，但甚有日本式家庭風味，另設有VIP 房和Outdoor 坐位，兩個人或者一大班人哋食都可以，佢哋最近又轉左新Menu，又上去睇吓有咩食先
🥔▪️鹽辛魷魚薯仔沙律
軟軟腍腍嘅薯仔，再伴上口感煙韌既醃漬鹽辛魷魚，明太子醬、沙律醬和蟹籽，味道豐富，非常好食，推薦
🐠▪️燒鯖魚、池魚剌身
這個孖寶刺身，一定要試，鯖魚經輕輕炙燒，帶出魚油香，沾上香蔥、薑蓉和醬油，好鮮味，另外池魚刺身切成粒狀，伴上香蔥、芝麻再用海苔包住食，池魚口感彈牙煙靭，美味
🍢▪️點咗幾款不同嘅串燒，燒得甚有水準，尤其係七里香😏外脆香脆，油脂滿滿好香口，另外手打雞肉丸子燒，肉質軟腍中又帶爽口的軟骨👍🏻
✨明太子帶子豚肉燒
✨七里香
✨鹽燒豚肉
✨豚肉腸
✨雞肉丸子燒
🍙▪️明太子三文魚燒飯團
飯團燒至外層香脆，有點點飯焦香，內𥚃餡料非常豐富，有大量既三文魚和明太子，外脆內軟，熱辣辣，美味又溫飽
🍣▪️牛油果三文魚反卷
傳統就是好食，大大件的三文魚，卷住加入咗牛油果的加州卷，健康又好食
🍹▪️High Ball
這裏的High Ball 威士忌好重手，不會像飲梳打水般，非常唔錯
🏛️ 絆 Kizuna
📍 尖沙咀漆咸道南53-55號嘉芙中心4樓
#絆 #kizuna #日本料理 #日本菜 #剌身 #壽司
#串燒 #飯團 #日式居酒屋 #尖沙咀日本餐廳推介
#kol #koc #foodkol #foodlovers #blogger #foodblogger #food #foodie #foodlover #foodforfoodies #hkfood #hkfoodie #hkfoodblog #hkfoodblogger #hkfoodstagram #hkfoodie #香港美食 #相機食先 #每天也要吃好的系列 #孤獨的美食家
高質居酒屋
今日同屋企人一齊黎到位於尖沙咀嘉芙中心嘅絆居酒屋。呢間居酒屋新開張冇幾耐，但係佢性價比高而且環境舒適，舒適嘅地方果然先係最享受。
-
我哋輕輕掂左兩款刺身，分別係三文魚同油甘魚，刺身質素唔錯而且新鮮，味道特別甘甜，下次可以再試吓多幾款佢唔同嘅刺身❤️。
-
總共有四款壽司同一個卷。壽司種類都好特別，揀咗三種我覺得最特別嘅左口魚、芝士鰻魚 、火炙魷魚，以及一款時令壽司😋。今日嘅時令壽司係日本真鯛，真鯛真係好有驚喜🤩，口感Q彈，而且咬落好有嚼勁，食落充滿甘甜嘅味道。另外仲有金龍卷，佢係炸蝦卷嚟，蝦好彈牙，上面仲有啲蟹籽同沙律醬，味道特出幾好食👍🏻。
-
什錦雞串燒你諗得到就有，無論係雞腎、雞干、雞肉、雞軟骨等等，燒得好有炭香味🙈，而且調味啱啱好，唔會太鹹。另外仲有原條炸茄子，外型好特別，本身已經𠝹好一條條，炸粉好薄外脆內軟，味道辣辣地好惹味😆。
-
好多款飯麵都都好吸引，吾知揀邊個好，最後決定吾做選擇，每樣都要🤣。分別叫左絆炒麵、流心蛋燒飯團同埋燒泡菜豬肉飯團。炒麵係烏冬嚟，炒得好入味，而且烏冬好彈牙😋。飯團都好特別，燒得好干身，焦焦脆脆，尤其係流心蛋燒飯團，外面焦脆得嚟，個流心蛋蛋漿滲入飯團入面，口感好有驚喜🤩。
-
最尾再嚟一個清甜嘅日式豆腐野菜湯，完美🤪。
。
絆 (尖沙咀)
尖沙咀漆咸道南53-55號嘉芙中心4樓國際
。
最高為(5/5)
味道⭐️⭐️⭐️⭐⭐
價錢⭐️⭐️⭐️⭐
環境⭐️⭐️⭐️⭐️⭐️
服務⭐️⭐️⭐️⭐️⭐️
推薦星數⭐️⭐️⭐️⭐⭐
。
#hkfood#hkfoodie#hkfoodbloggge#hkfoodblog#hkrestaurant#foodphotography#openricehk#foodpic#foodporn#picoftheday#instafood#topcitybiteshk#hkig#foodie#foodgasm食評#相機食先#食好西#吃貨#尖沙咀美食#嘉芙中心#日本料理#居酒屋#kizuna#刺身
✨尖沙咀性價比高日料午餐✨
被樓下宣傳牌吸引咗，有好多款午市套餐，唔同嘅套餐餐會奉送返唔同嘅小食，睇到都覺得好豐富
🌟迷你拖羅蓉丼廚師發板壽司餐 $98
隨餐有加州卷（2件）、蟹籽薯仔沙律🥗同湯送；粉紅色嘅拖羅蓉鋪滿成個丼飯，另外仲有5件精選壽司，有我最鍾意食嘅三文腩同左口魚裙邊壽司🤩真係幾抵食
🌟串燒拼盤定食套餐 $78
隨餐有小食（炸餃子🥟）、炒野菜同湯送，5串串燒係雞翼、雞肉、五花肉、玉子同炸豆腐，調味偏濃味，佐飯食啱啱好～我最鍾意食玉子，軟嫩蛋香味濃好食😋五花肉同雞翼都唔錯，燒到微焦但保留到肉汁
總結🌸午市餐Cp值高，最驚喜係個上湯，平時食日料係送味噌湯，呢度係我好鐘意飲嘅乳白色魚湯，超鮮甜
度有包場服務，遲啲朋友聚會會考慮嚟呢到，坐得舒服，侍應又會主動加茶幾好服務
🔍搜尋 #金魚姬食在尖沙咀
💁🏻♀️#絆 #kizuna
📍尖沙咀漆咸道南53-55號嘉芙中心4樓
#尖沙咀美食 #尖沙咀壽司
#定食 #吞拿魚 #吞拿魚蓉 #日本野
#午市套餐 #廚師發板 #sashimi
#日本菜 #dinner #lunch #壽司 #剌身 #海膽 #雲丹 #sushi #foodiehk