https://hk.trip.com/moments/tag-255804-fon%E6%97%BA%E8%A7%92/
【暗黑cafe🖤必食甜點提拉米蘇】
店外黑框落地玻璃，店內黑色裝潢、餐具，呢間格調簡潔、行型格路線嘅cafe，就連食物都係黑色！
🍔自家製慢煮口水雞扒漢堡配薯條 ($134)
呢個漢堡用咗竹炭包嚟做，賣相十分型格，漢堡口感外脆內軟😍口水雞扒相當嫩滑，而且辣度適中，食落好惹味！再配搭埋蕃茄、生菜、沙律醬等配料，整體口感都唔會膩🥰
🥥泰式香辣椰子烤雞意粉 ($114)
意粉做得好彈牙，而且幾掛汁🥰醬汁味道似冬蔭公，好有泰式風味，酸酸辣辣開胃又惹味👍🏻而且雞肉好嫩滑，仲有濃郁椰香味😍推薦！
🍫自家製髒髒Tiramisu ($68)
幾乎每枱必點❣️
呢款Tiramisu賣相好得意，價錢唔貴好抵食，味道仲有驚喜🤣唔算太甜，充滿咖啡酒香味～Mascarpone cheese半溶狀態好Creamy，淋上帶點苦澀嘅黑朱古力醬、可可粉，整體味道配搭唔錯；朱古力威化餅同oreo碎好加分，脆脆地增添口感✨啖啖口感豐富好滿足🥰
🍵熱抹茶鮮奶 ($48)
抹茶味道香濃，飲到底有抹茶粉感，奶味突出！
🥭芒果冰茶 ($48)
芒果冰茶夠晒凍，飲落口感好爽！
茶底好香，芒果味夠重唔太甜，幾好飲🥰
總結：Fusion主食同甜品都好有驚喜，推薦！
🍽Black Coffee
📍旺角廣華街3號地下3號舖
@blackcoffeehk
#fon旺角 #fon西式 #旺角 #旺角美食 #西式 #mongkok #mongkokfood #blackcoffee #hkcafe #cafehk #burger #tiramisu #fries #matcha #dessert
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【約會之選 二人餐嘆威靈頓牛柳】
有時都想食下formal少少嘅西餐，呢間西餐廳嘅紅磚牆上掛咗好多唱片cover、海報及結他裝飾，配合深木餐桌椅，散發vintage味道頗有情調🪵而且座位寬敞，枱同枱之間有一定距離，整體環境幾適合約會～
𝐀𝐌𝐏𝐋𝐈𝐅𝐈𝐄𝐑 𝐒𝐈𝐆𝐍𝐀𝐓𝐔𝐑𝐄 𝐒𝐄𝐓 ($𝟏𝟎𝟖𝟖 𝐟𝐨𝐫 𝟐)
🅢🅣🅐🅡🅣🅔🅡
▫ 精選新鮮生蠔 4pcs
法國生蠔海水味偏重，入口帶幾分爽甜，搭配埋檸檬汁更突出鮮味😋
▫ 蒜香牛油田螺酥皮盒
酥皮盒烘得金黃，牛油味香濃，如果再鬆脆啲就更加好～田螺入口彈牙，而且份量都幾多！
▫ 香煎鵝肝
鵝肝火候控制得恰到好處，外層煎得微微焦脆，而咬落中間係細滑軟心、入口即溶，好邪惡😍肥美鵝肝配埋薄脆多士、焦糖蘋果醬，感覺一啲都唔膩，好滿足😆
🅢🅞🅤🅟 ▫ 蟹肉龍蝦濃湯
味道幾濃郁，有少許蟹肉碎同龍蝦肉，口感順滑～
🅜🅐🅘🅝 🅓🅘🅢🅗🅔🅢
▫ 原隻法式龍蝦米多
呢碟法國傳統菜賣相好吸引😍
龍蝦開邊後，喺表面加芝士同奶油醬汁烤焗，龍蝦肉爽口彈牙，好有鮮味，伴碟薯蓉加埋酸酸甜甜嘅醬汁，好開胃🥰
▫ 慢煮美國威靈頓牛柳
威靈頓牛柳有兩件，唔係全條唔會食得太滯～外層牛油酥皮非常鬆化，帶濃郁牛油香，裏面包住蘑菇醬同埋parma ham，份外香口😍當然唔少得主角慢煮牛柳，呈鮮嫩粉紅色，咬落唔會韌，食完成件夠哂飽肚；伴碟有洋蔥菠菜粒同原個烤蒜頭，增添濕潤感，整體食落層次豐富，口感濃郁😆
🅓🅐🅘🅛🅨 🅢🅔🅣 🅓🅔🅢🅢🅔🅡🅣 ▫ 泡芙
一個平平無奇嘅泡芙擺盤都咁靚，唧咗果醬同放咗水果裝飾；泡芙裏面裝咗滿滿嘅cream，如果鍾意食cream嘅會覺得好滿足🥰
🅓🅡🅘🅝🅚🅢 ▫ 凍檸茶兩杯
總結：食物擺盤精緻有心思，呢個set有齊前菜、湯、主菜、飲品同甜品，想平價偽fine dining嚟呢度約會啦！
🍽Amplifier Restaurant
📍旺角花園街3-5號鴻威大廈1樓B號舖
@amplifier_restaurant
#fon旺角 #fon西式 #旺角 #旺角美食 #西式 #mongkok #mongkokfood #western #westernfood #AmplifierRestaurant #beefwellington #lobster #foiegras
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【超抵食生蠔 高質時令海鮮】
呢間居酒屋雖然環境唔大，但暗黃燈光好有feel，仲設有塌塌米感覺舒適～呢度嘅串燒全部即叫即燒，熱辣辣好惹味😋
🦪播磨牡蠣 ($48)
牡蠣同鮑魚都係時令推介🌟
呢隻牡蠣好抵食😍$48大大隻，非常肥美juicy，海水味唔會太重亦冇腥味，必食👍🏻
🌊磯煮鮑魚 ($88)
鮑魚擺盤好靚，放喺白蘿蔔上面，仲切成四小件，非常貼心🥰食落爽口彈牙，醬汁好清甜，蘿蔔無渣點埋醬汁一齊食好好味，推薦！
🫖明太子茶漬飯 ($78)
見到明太子即刻叫咗😍
飯團唔係白飯而係燒飯團，好有誠意，倒入熱茶食完即時暖笠笠💗
🐂牛舌 ($68)
一串有三粒，每粒都厚切😍唔會太熟燒得剛剛好，入口彈牙juicy好有口感，表面撒上鹽同黑椒調味，超級惹味必試呀！🥰
🐖豚肉芫荽卷 ($48)
芫荽控唔好錯過😍
豚肉入面包住大量芫荽，一啖咬落去滿滿嘅芫荽香好滿足🤣配埋充滿油脂香嘅豚肉，正！
🐥免治雞肉棒 ($58)
呢度嘅免治雞肉棒同平時有啲唔同，軟骨比較多同大粒，口感更爽脆，經油炸後再沾日本生雞蛋及醬汁一齊食，味道香甜好滋味～
🦐牡丹蝦刺身 ($98)
牡丹蝦有兩件，質地幾爽彈，有鮮味🥰不過價錢定價略高🙈
🍥玉燒日式炒麵 ($68)
炒麵質地係偏濕同淋嗰種，配以椰菜、菇類一齊炒，面頭加隻太陽蛋，賣相都唔錯😍不過個人偏好乾身啲嘅炒麵，但呢碟主食性價比都可以的～
🍵抹茶蕨餅 ($28)
蕨餅上面有啲紅豆醬，抹茶粉都俾得夠多幾香抹茶味，口感煙煙韌韌，飯後甜品好滿足🥰
總結：店員很殷勤，食物方面時令海鮮出色又抵食！
🍽祝ご 居酒屋
📍旺角彌敦道575號Ladder Dundas 5樓
@iwaigo.izakaya
#fon旺角 #fon日式 #旺角 #旺角美食 #日式 #祝ご居酒屋 #牡蠣 #mongkok #mongkokfood #japanese #japanesefood #oyster #izakaya #seafood
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
#報名酒店試睡員
【人氣爆登🔥高質食材深宵居酒屋】
呢間旺角人氣居酒屋，之前食過午市，今次嚟試下晚餐質素😋9pm入座全場爆滿，咁耐冇食都人氣依然，建議嚟之前要預先訂位～仔細看原來申子居酒屋營業至11:45pm，實在係夜宵好去處，啱哂各位夜貓！
🍚海膽炒飯 ($238)
呢碗炒飯賣相吸引，而且炒得好香好有鑊氣！
飯粒色澤均勻，粒粒分明；面頭除咗有三文魚籽同蟹籽外，仲有好多鮮甜嘅海膽😍配料仲包括櫻花蝦、帶子粒同本菇，成個組合豐富又惹味🤤
🥠最中餅 ($208)
呢個最中餅成個鯛魚燒咁，好特別🤣
外層係用咗鯛魚燒餅皮，夾住中間嘅拖羅蓉、牛油果、三文魚籽；餅皮做得香脆，口感一流，中間嘅拖羅蓉好肥美，夠哂綿滑😍三文魚籽份量好多，令口感昇華，再配搭埋牛油果，令到成個感覺鮮味十足之餘，仲好健康🥰
🐟汁煮左口魚裙邊 ($148)
賣相好精緻😍
將左口魚捲成花形，表面鋪上三文魚籽同魚子醬，更顯高貴✨左口魚好肥美，油脂豐富，中間位置爽口、邊位幾乎入口即溶，口感好正！
🐥手作免治雞肉棒 ($68)
居酒屋必叫❣️
雞肉燒得恰到好處，肉質嫩滑，入口啖啖肉🥰撈埋日本蛋同秘製醬汁，非常香滑juicy！
🍹荔枝乳酸梳打｜蜜桃乳酸梳打 ($68)
乳酸梳打嘅果味好重，分別都飲到好香嘅荔枝味同蜜桃味，而且唔會太甜👍🏻
總結：質素保證，難怪開業咁耐都咁受歡迎😆
🍽申子居酒屋
📍旺角黑布街74-76號藝興大廈地下1號舖
@shinkohk
#fon旺角 #fon日式 #旺角 #旺角美食 #日式 #申子居酒屋 #居酒屋 #壽司 #刺身 #mongkok #mongkokfood #shinkohk #japanese #japanesefood #izakaya #uni #sushi #sashimi
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【石燒和牛漢堡🧑🏻🍳邊食邊玩新體驗】
唔知大家燒肉嗰陣聽到滋滋聲會唔會覺得好治癒呢🥰
呢間韓式石燒和牛漢堡專門店，有得食仲有得玩😆同朋友一齊去食，叫左個兩人套餐 ($366)
⟐ 菠蘿煙肉和牛漢堡扒
⟐ 芝士蛋蒜和牛漢堡扒
⟐ 芝士泡豚丼飯
⟐ 飲品x2
⟐ 麵豉湯、胡麻醬沙律、泡菜小食
🍍菠蘿煙肉和牛漢堡扒
餐點會先用鐵板及熱石送上，每張枱都會放置一個抽氣嘅系統，係燒嘅過程中確保盡量減少油煙，幾貼心👍🏻
和牛漢堡扒肉質鮮嫩，擺落熱石大概1-2分鐘就可以食得，記住每3秒就要反一反佢，如果唔係好易燒焦🤣呢款漢堡扒加咗菠蘿同煙肉，令口感多啲層次變化，而且菠蘿中和漢堡扒嘅膩，整體感覺多了份清新～
每個餐都會附上煎好嘅蛋，只要翻熱一下就可以同漢堡扒一齊食🔥
🍳芝士蛋蒜和牛漢堡扒
呢款漢堡扒就比較邪惡，混合芝士蛋同大量蒜片😍和牛漢堡扒混合蒜片，香味會再突出啲，不過相對上會比較膩，如果偏重口味嘅朋友都不妨可以一試😆
🧀芝士泡豚丼飯
呢碗飯份量十足，完全唔怕食唔飽🤣
大量芝士碎鋪喺面，配搭泡菜及豚肉，係一款正宗嘅韓式飯，配埋漢堡扒一齊食更添風味😆泡菜唔會太辣，芝士熱溶後仲可以拉絲添！
🍹百香果特飲｜巨峰提子特飲 (+$18)
特大size嘅飲品，見到都有小嚇親🤣
不過最後竟然都飲得哂，非常清新完美解膩😆
百香果酸酸甜甜，巨峰提子唔會太甜～
燒到熱熱地再飲返凍飲超爽！
總結：二人餐份量超級多，食到捧住個肚走😋
味道：🌕🌕🌕🌕🌑
服務：🌕🌕🌕🌕🌑
環境：🌕🌕🌕🌕🌑
抵食：🌕🌕🌕🌕🌑
🍽福岡漢堡扒
📍旺角花園街3-5號鴻威大廈地下7號舖
@hambageu.hk
#fon旺角 #fon韓式 #fon日式 #旺角 #旺角美食 #韓式 #日式 #福岡漢堡扒 #mongkok #mongkokfood #fukuoka #beef
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【樓上特色西餐廳🍴必叫慢煮牛面頰】
呢間位於旺角嘅樓上西餐廳，提供不少特色多國菜：德國鹹豬手、西班牙小食、西班牙海鮮飯等，menu好多選擇非常豐富🤤
🌮墨西哥烤雞餅 ($88)
外皮烤得脆邊、餅皮軟糯，內餡則填滿燒烤醬同烤雞，非常juicy！除咗雞肉仲加入三色椒、芝士，好豐富而且有拉絲效果😍表面醬料係牛油果醬、蕃茄醬同酸忌廉，充滿濃厚嘅墨西哥風味，酸酸甜甜令人胃口大開🥰
🐖烤西班牙豬肋骨 (標準size) ($188)
豬肋骨有六條，經過慢烤肉質鬆軟、骨肉容易分離，食起上嚟非常容易，完全係好適合懶人🤣
西班牙風味香料裹得幾均勻，酸酸甜甜好美味😍薯條炸得外脆內軟，熱辣辣好香口～
🐂慢煮甜酒燴和牛面頰 ($188)
和牛面頰經慢煮後極其軟腍嫩滑，中間仲有啲啫喱咁嘅筋好正😍完全唔使用力，就已經慢慢融化喺口中🥰甜酒嘅味道滲入肉中，每啖都充滿濃厚風味，推薦！
伴碟嘅薯蓉亦好綿滑，撈埋香濃甜酒汁不錯，飽足感up⬆️
🍪曲奇朱古力奶昔 ($68)
一杯創新又有趣嘅消暑飲品😆
以木碗盛載嘅奶昔口感細滑，配上香脆嘅oreo曲奇同爆谷，帶來額外嘅層次感，啖啖都感受到驚喜！👍🏻
🌺荔枝烏龍熱花茶 ($46)
清新香甜，並帶有花的香氣，飲落令人感到放鬆又消滯～
總結：食物質素不錯，感受到廚師用心製作，環境休閒，適合同朋友嚟傾偈慢慢享受～
🍽吃吧
📍旺角彌敦道566-568號僑建大廈2樓2室
@chiba_hk
#fon旺角 #fon西式 #旺角 #旺角美食 #西式 #吃吧 #mongkok #mongkokfood #western #beef #quesadillas #kaya #tehtarik
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【真材實料麵食 推薦本地烘焙咖啡】
呢間位於女人街嘅餐廳主打港式特色麵食🍜 同本地烘焙高海拔咖啡☕️牆壁貼滿林明禎同mirror嘅poster，連飲品名字都以佢地命名：愛·明禎咖啡、薑濤·朱古力等，睇嚟老闆係忠實粉絲😂各位粉絲都可以save低去潮聖！
特別一提餐廳其實係同越興園同一集團嘅，所以呢度連越南粉麵都有，一個地方就可以試到兩間餐廳嘅menu，下次要試埋先得😋
🐚鐵三角蠔鮑蟹海鮮湯麵 ($118)
呢款招牌湯麵非常豐富，鮑魚、青口、蠔、蜆、蟹柳，用上咁多海鮮所以湯底都好鮮甜😍生蠔脹卜卜非常飽滿，兩隻大青口更有手掌咁大隻，超足料！另外上咗兩隻天婦羅蝦都唔錯有驚喜🍤
麵條揀咗幼拉麵，軟硬適中、口感彈牙，食到最後都唔會因為浸耐咗變稔👍🏻
🐂牛隊長湯麵 ($88)
牛骨湯底濃郁又清甜，而且非常足料：秘製牛肋條、封門柳、牛肚、牛筋、蘿蔔，全部配料都熬得好入味😍特別係蘿蔔，一咬落去滿滿牛味湯汁，鍾意食牛嘅唔好錯過呢款😋
🍳素蘇格蘭炸蛋 ($58)
有最愛嘅流心蛋，必叫！💛
外面炸得酥脆，內裏用上植物肉包住流心蛋，感覺更健康，點埋泰式酸辣醬好惹味😆
🥪牛油果蝦多士 ($48)
蝦多士炸得好香脆，內裏除咗平常有嘅蝦，仲有好creamy嘅牛油果蓉，呢個創新配搭可減低油膩感，不錯～
☕沖繩黑糖咖啡泡泡 (跟餐 +$45)
呢杯咖啡用雪山杯仲有漸層好加分😍但絕對唔係得個樣！
上層泡泡、中層咖啡、底層黑糖，撈勻一飲係有驚艷到唔係誇張🤣可能本身對港式麵店嘅飲品冇太高期望，但咖啡入口岀乎意料地順滑，黑糖味突岀但又唔會太甜，仲打卡一流🤎
️🫖烘焙鐵觀音 (跟餐 +$12)
茶味香濃，清爽解膩，配炸物一流～
總結：麵食多樣化，手工咖啡精緻得來質素不俗，既有玩味又有特色😋
🍽麵賜園
📍旺角通菜街36號地舖
@noodlesdimension
#fon旺角 #fon港式 #旺角 #旺角美食 #港式 #麵賜園 #mongkok #mongkokfood #hkfood #noodes #coffee
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【麻酸香辣啖啖肉🔥招牌冷鍋酸菜魚】
間唔中酸菜魚癮起，都會周圍發掘下🤣
呢間川菜餐廳喺旺角同銅鑼灣都有分店，主打冷鍋酸菜魚，仲可以打邊爐食串燒，約埋成班朋友嚟食就啱哂～
🐟必食冷鍋酸菜魚 ($238)
呢度嘅招牌菜❗️冷鍋嘅意思並唔係凍🤣而係上枱前已烹煮好，並唔會邊食邊煮，保持到魚肉肉質，唔會煮到爛哂～
酸菜魚有四個辣度 (bb辣、小辣、中辣、大辣)，揀咗小辣，唔太食得辣覺得呢個麻同辣度剛剛好😋上鍋嘅時候已經聞到陣酸辣味，真係口水直流呀！
雖然只係叫咗正常size，但都有大量魚片、萵筍、芽菜、金菇、寬粉等食材，魚片都好厚身大片，食落嫩滑又有鮮味😍值得一提呢度嘅老壇酸菜係無添加醃製嘅，酸酸地好開胃食唔停口！
🌶️夫妻肺片 (微辣) ($68)
夫妻肺片有牛𦟌、牛脷、金錢肚，份量都幾足😍辣汁相當惹味，越食越過癮🤣當中金錢肚最為入味～
🌶️麻辣脆耳 (微辣) ($68)
麻辣脆耳同夫妻肺片嘅辣汁都係一樣，食落非常惹味，不過豬耳相對夫妻肺片就無咁入味，鐘意夫妻肺片多啲🙈
🍊柑橘青檸蜜 ($28)
啖啖柑橘香味，真材實料，酸酸地好開胃
🍐蜂蜜雪梨茶 ($28)
味道清甜，解膩解辣之選🥰
總結：除咗酸菜魚，仲有多款川菜小食，一定滿足到鐘意食辣嘅你！
🍽捌壹壹
📍旺角奶路臣街33號地下F號舖
@811sichuancuisine
#fon旺角 #fon中式 #fon川菜 #旺角 #旺角美食 #中式 #川菜 #捌壹壹 #mongkok #mongkokfood #chinese #chinesefood #spicy #fish
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【夏威夷魚生蓋飯 夏日清新之選】
想食得健康又夠飽，極之推介大家食Poke Bowl🌟
呢間位於旺角嘅夏威夷Poke專門店，全部都大大碗勁澎湃，份量係多到滿瀉，大食啲嘅男仔都絕對夠食🤣
蓋飯底可以揀沙律菜+壽司飯，唔想食咁多飯，都唔使怕食唔哂做大晒鬼啦！
咁多款蓋飯真係選擇困難症，所以揀咗兩款預設招牌蓋飯試下😋唔啱食嘅都可以自選主食同配料，DIY夏威夷蓋飯！
🥢大滿貫 ($128)
想試哂咁多款配料嘅你，就絕對唔可以錯過呢個signature魚生飯啦❣️
配料有三文魚、吞拿魚、中華沙律、雜錦香菇、牛油果、蛋絲、蟹籽、紫菜絲、木魚絲、山葵蛋黃醬、黑白芝麻；三文魚同吞拿魚份量唔少，而且粒粒都好肥美，三文魚幾乎全部係腩位😍咁多款配料一齊食，啖啖口感豐富到爆！而且醬料比例適中，食到底都唔會乾柴柴，清新又惹味呀🥰
🥢加州風味碗 ($98)
唔想咁heavy，揀呢款就比較適合～
整體配料會比較清新，有三文魚、三文魚籽、青瓜、蛋絲、車厘茄、紫菜絲、木魚絲、黑白芝麻、日式胡麻醬；呢款魚生飯加咗青瓜同車厘茄，好有田園嘅feel🥗所以都幾refreshing，鐘意食清啲嘅朋友就啱哂😋
總結：上菜速度好快好有效率，材料新鮮又足料，絕對夠飽！
🍽PokéToké
📍旺角廣華街3號百利達廣場地下1號舖
@poketoke_hk
#fon旺角 #fon夏威夷 #旺角 #旺角美食 #夏威夷 #mongkok #mongkokfood #hawaii #hawaiifood #poketoke #poke #pokebowl
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【日式洋風料理🏠簡約健康湯品】
❛ 一汁一菜 ❜ 係一湯配一品料理嘅意思，之前見到呢間日式家庭料理，不過只提供外賣，嚟到旺角見到有得堂食，即刻坐低試下！
餐廳裝修主要以木系風格為主，感覺簡約舒適，好有日本家庭嘅感覺🪵
❀ 限定二人前 ($178) ❀
🌽北海道產甜粟雞肉豆乳濃湯
粟米味道非常香甜，加入咗豆乳令口感更順滑😆呢碗濃湯真係落足料，有西蘭花、蘿蔔、雞肉，超級豐富又夠營養～
🦞法式龍蝦濃湯 (+$10)
好濃郁嘅龍蝦湯，質地比上面嗰款較杰身；
龍蝦肉份量俾得好大方，直頭係啖啖龍蝦肉😍好值，建議要加錢揀呢款湯！
🐥蕃茄菠菜芝士雞肉卷
雞肉卷經慢煮後肉質鮮嫩彈牙🥰咬落仲有啖啖嘅芝士味，而且加上菠菜，芝士感覺一啲都唔膩，反而同雞肉卷幾夾！配埋香濃蕃茄汁酸酸甜甜好開胃👍🏻
🐖油揚豆腐黑豚薑汁燒配白飯
配料分別有豚肉、油揚、椰菜、甘荀絲，薄切豚肉肥瘦適中、唔會太肥膩；油揚吸收甜甜的豚肉汁，再配埋椰菜、甘荀絲送飯一流，係家嘅感覺呀🫶🏻
🍛和風蕃茄雞肉咖喱飯
呢隻日式咖喱幾健康，食落甜甜地辣度只係微辣，仲有蕃茄中和返，所以醬汁唔太濃烈但好惹味！
雞肉配咖喱好夾，食落唔會有油膩嘅感覺😋
🍑蜜桃紅茶
味道不錯，有茶味得黎唔會太甜，仲帶少少蜜桃香氣🥰
總結：方便快捷又可以食得健康，上班族又多個選擇喇！
🍽一汁一菜
📍旺角亞皆老街8號朗豪坊B2層26-27號舖
@ichijuissaihk
#fon旺角 #fon日式 #旺角 #旺角美食 #日式 #mongkok #mongkokfood #japanese #japanesefood
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【雙魚座咖啡館 - 鬧市小清新純白cafe🤍嘆假日套餐】
呢間新cafe開設喺T.O.P對岀小巴站附近，一整排白色牆身喺鬧市中相當亮眼✨店內走簡約設計，以白色拼木色，感覺好乾淨舒服，嚟呢到做下文青或者打個卡都唔錯！呢度假日都會提供午市及晚市套餐，輕食主食都有架～
🥪特選龍蝦碎蛋包 配 脆炸薯條 ($168)
龍蝦包餡料豐富，中間爆餡嘅龍蝦肉配上碎蛋沙律，呢個組合好正！龍蝦肉大大粒又有鮮味，口感唔錯；麵包充滿牛油香味，旁邊仲有炸得好酥脆嘅幼薯條同沙律菜，好滿足🥰
🦐韓式大蝦燴扁意粉 ($126)
扁意粉口感柔軟彈牙，掛上微微酸甜嘅醬汁，仲帶有橄欖油香幾開胃😋醬汁唔太濃稠，反而更加突出大蝦味道，蝦肉食落好鮮甜，而且肉質彈牙，整體來講不錯～
🦞龍蝦湯 ($38)
龍蝦湯味道濃郁但唔會太過杰身，所以感覺都唔會好膩，反而口感順滑，仲食到粒粒龍蝦肉添！
🍹Cocktail ($78)
呢到嘅cocktail係調酒師最近自家調配，暫時餐牌仲未定架🤣
呢杯cocktail味道雖然甜度較高，但飲落都幾refreshing，女仔易入口；Cocktail以vodka作基酒，再搭配青檸、菠蘿等水果，飲落濃烈得黎帶少少酸酸甜甜，幾開胃～
🍷House Red Wine ($68)
估唔到cafe都有幾多酒類選擇🤣
Cabernet Sauvignon散發住陣陣果香，飲落酸酸地幾易入口，而且解膩一流！
總結：休閑氣氛幾啱同三五知己嚟傾偈打卡～
🍽雙魚座咖啡館
📍旺角通菜街123號地下A 及 B號舖
@piscescoffeehk
#fon旺角 #fon_cafe #fon西式 #旺角 #旺角美食 #西式 #雙魚座咖啡館 #mongkok #mongkokfood #hkcafe #lobster #pasta #cocktail #wine
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【蟲二 - 空中花園嘆田園風日式料理🌿】
餐廳名字 ❛ 蟲二 ❜ - 風月二字去除外框 (虫二)，意即風月無邊，取名好特別、十分貼合餐廳氛圍。餐廳座落於旺角活化工廈618嘅頂樓，設有室內外位置，周圍唔少植物佈置，彷如鬧市中嘅空中花園🪴望住啲花花草草進餐真係好寫意好有慢活嘅感覺☁️
🍽Brunch - 自家製黑啤農夫包配沙律 ($125)
• 醬燒雞腿肉×煎日本極上蛋
• 烘烤自家製黑啤乳酪紅莓農夫包
• 嫩葉沙律配自製杏脯醬沙律醋
呢個咁有田園氣息嘅Brunch夠哂豐富🤩🥗
餐廳用上Guinness黑啤調味烘烤自家製乳酪紅莓農夫包，食落鬆脆可口，外脆內裏軟綿，配埋上面嘅醬燒雞腿肉一齊食好夾🥰
雞腿肉嫩滑juicy，加埋沙律醬好滋味！
農夫包上仲搭配幾片蘋果片一齊食，可以減輕油膩感，旁邊仲有沙律菜好清新👍🏻
大推呢個Brunch!!😍
🍫肉桂朱古力蟲二西多 ($98)
蟲二黑啤吐司以肉桂蛋漿長時間浸泡，食落好香蛋味、香脆又鬆軟，配上邪惡嘅HERSHEY朱古力醬，食落真係滿足感十足！
吐司表面撒上可可粉，仲有青提子作點綴，賣相不錯幾澎湃👍🏻而且整體感覺又唔算太甜，雲尼拿雪糕令到口感更清新🤍
🍹Homemade mocktails ❛蟲二調製❜
─ 没有買回來的syrup，都是餐廳自煮的
• 櫻花忌廉草莓泡泡啤 (無酒精) ($55)
呢款粉紅泡泡啤賣相好靚💗忌廉梳打加泡泡，好似飲緊啤嘅口感，幾過癮🤣味道酸酸甜甜，個底仲飲到草莓粒，感覺幾清新🥰
• 蟲二酒釀桂花啡 ($55)
呢個組合好特別都係第一次試，清甜桂花香氣及淡淡的酒香，同黑啡撞埋一齊又幾夾喎😋杯底沉咗啲酒釀糯米，表面仲有桂花花瓣，裝飾之餘飲落仲甜甜的🌼
總結：食物款式新穎又有心思，天台環境寧靜舒適，lunch嚟呢度慢活下都不錯☺️
🍽蟲二
📍旺角上海街618號頂樓
@poach_hongkong
#fon旺角 #fon_cafe #旺角 #旺角美食 #蟲二 #mongkok #mongkokfood #poach #hkcafe #coffee #brunch #alldaybreakfast #beer #dessert
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【吃扒 - 生酮餐單 x 懷舊扒房🧀招牌熱熔芝士鐵板牛】
行街見到呢間餐廳嘅全紫色門面💜咁亮眼嘅牆身吸引咗唔少人埋去睇menu，估唔到原來呢到主打港式懷舊扒餐，仲加入生酮元素，迎合健康飲食潮流🤩
套餐包餐包、餐湯、飲品及甜品，餐湯點咗中西各一，中式係豬骨蘿蔔湯，而西式係羅宋湯，兩款都用料十足～
🥩熱熔芝士紐西蘭牛柳 ($188) (+$25跟餐)
幾乎每枱必點‼️
店員會喺你面前捧着火焰煎pan，將熱辣辣嘅芝士淋喺牛柳上面，簡直係視覺享受🔥🧀芝士鋪滿哂成塊牛柳勁邪惡，仲要有拉絲效果🤤
牛柳叫咗Medium，肉味香濃、柔嫩多汁，配埋濃郁嘅熱熔芝士食冇得輸！
🐟香煎挪威比目魚柳 ($148) (+$20跟餐)
呢個係Keto Menu其中一款😍
比目魚柳外層魚皮煎得酥脆，散發住陣陣魚油香味，而且魚肉啖啖肉超嫩滑！旁邊烤椰菜花同樣岀色，燒得焦香好滋味，呢道生酮菜式健康低卡又美味🤍
🫘雪糕紅豆冰 (+$15)
紅豆份量好多，加球雲呢拿雪糕飲落真係透心涼🧊
🍍雪糕菠蘿冰 (+$15)
菠蘿粒香甜清新，清爽解膩😆
跟餐甜品係忌廉蛋糕，另外仲加咗個朱古力心太軟配雪糕 ($58)，一啖熱辣辣嘅心太軟、一啖冰凍雪糕，為呢頓晚餐畫上完美句號🥰
總結：雖然佢係高級版嘅港式扒房，但睇表演都值回票價🤣而且扒房買少見少，有時間都可以去鋸下扒，感受下懷舊風味🕰
🍽吃扒
📍旺角豉油街108地舖
@chiba.108
#fon旺角 #fon港式 #旺角 #旺角美食 #港式 #扒房 #mongkok #mongkokfood #hkfood #meat #beef #icecream
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【J.moon - 夢幻月球主題酒吧餐廳🌕】
夜晚想同朋友dinner再直落去邊好？🌃
呢間喺旺角嘅lounge用月球做主題🌕室內天花懸吊咗160盞月球波波燈，連枱面都有一盞可以變色嘅月球燈，拍下佢就可以轉白燈或者黃燈，非常有情調✨約朋友gathering之餘仲打卡一流！
🥗J.moon All-Day Breakfast ($108)
Sourdough, Scrambled egg, Pork sausages, Mushroom, Smoked Salmon, Hash browns and Cherry tomato salad
呢個組合豐富得嚟幾平均，炒蛋嫩滑creamy，有時ADB食到最後會好滯，但呢款嘅沙律配咗黑醋同新鮮車厘茄，可以balance返油膩感🌿
🍄Truffle Portobello on Sourdough with Onsen-egg (v) ($74)
酸種麵包鬆軟唔韌，盛載大量啡菇，仲有兩隻溫泉蛋🥚咬落去濃郁嘅truffle 味喺口中徘徊，點埋蛋汁好正，不錯的配搭😋
🦑Calamari with Honey Yuzu Sauce ($72)
魷魚圈炸得香脆可口，而且唔會油膩，點埋個蜂蜜柚子醬甜甜地清新解膩🍯呢個小食送酒一流！
🍸J.Moon ($118)
呢杯Signature cocktail真係好igable😍📸店員會喺你面前用氣泡槍打起個泡泡，爆咗之後啲煙散開都好靚，見到真係忍唔住瘋狂打卡🫧
飲落係清新西柚味，甜甜地易入口好啱女仔飲👍🏻
♊Gemini ($108)
(Vodka, Prosecco, Elderflower liqueur, Lemon juice with Cucumber flavour)
除咗上面嘅signature cocktail，呢到其餘12杯cocktail係用12星座做主題架，好有創意🔅
呢款嘅酒杯係一個懸掛住嘅球形嚟，仲有乾花作點綴，賣相好靚🌼呢杯cocktail比起上面杯J.Moon味道會更甜，以vodka作基酒，檸檬味道幾突出，帶淡淡接骨木花香，加埋青瓜感覺好refreshing🥒
總結：由環境佈置到cocktail嘅設計，都見到餐廳好有心思🤍🌗想揾地方飲野傾計絕對要嚟chill下！
🍽J.moon
📍旺角西洋菜南街1A-1K號百寶利商業中心4樓10-11號舖
@j.moon.lounge
#fon旺角 #fon西式 #旺角 #旺角美食 #西式 #水煙 #mongkok #mongkokfood #jmoon #lounge #shisha #shishahk #alcohol
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【成都老碼頭火鍋 - 華麗宮庭風⛩正宗麻辣火鍋】
呢間樓高兩層嘅中式火鍋店，招牌非常搶眼🤩遠處已經見到 ’老碼頭‘ 三字，店舖門面仲裝修得古色古香，好有氣派；踏進店內仿如置身於宮殿⛩唔講以為自己穿越咗返古代😆🏮
🔸自助醬料 ($25/位)
最特別係有老碼頭火鍋秘製香油，能夠降低食物溫度，達到減辣降溫效果；除咗唔同嘅醬料同生果，仲有特長筷子同圍裙提供，非常貼心👍🏻
🔸自選鴛鴦湯底 ($188)
🌶無渣紅油麻辣湯 (香港風味) - 必試招牌湯底‼️ 嚟呢度緊係要試下正宗嘅四川麻辣火鍋啦！不過鐘意食辣但又唔太食得😂揀咗香港風味嘅輕辣，如果想挑戰嘅可以試正宗成都原味🔥
麻辣湯陣陣飄香，有原條乾辣椒同花椒，辣得好過癮，但一啲都唔油膩～
🐖鮮淆豬骨湯 - 豬骨湯估唔到幾足料，大量冬菇、火腿片同京蔥，令湯底味道更鮮甜☺️
🔸日本A4牛頸脊 ($208)
色澤紅潤，雪花紋好靚😍牛肉大大片，入口軟滑，唔洗用力咀嚼🤣
🔸老碼頭筷子牛肉 ($88)
牛肉切成長長嘅條狀，好似筷子咁幾得意🥢🤣肉質厚實嫩滑，表面撒上芝麻，香味更突出；
溫馨提示：牛肉經香料醃製後已帶有微辣，唔食得辣嘅朋友要留意下🔥
🔸極品鵝腸 ($88)
呢度嘅鵝腸係掛住上菜，同平時鵝腸上碟唔同，好得意～鵝腸好長好肥美⏱淥10秒就食得！食落好爽口有鮮味，擺落麻辣湯吸收哂湯汁精華，超惹味呀🥰
🔸滑溜溜鴨血 ($36)
厚切鴨血果然如其名，好爽滑Q彈，識食一定係全部放哂落麻辣湯🤣麻辣鴨血超入味，真係食唔停口！
🔸鹹蛋流沙魚蛋丸 ($38/4粒)
蛋黃控必試😍一咬落去金黃鹹蛋爆岀嚟，香味濃郁食落彈牙，推薦🌟
🔸芝士小籠包 ($48/4粒)
小籠包形狀嘅芝心丸，入面滿滿芝士🧀
一口爆汁，小心燙口～
🔸即炸響鈴 ($48)
響鈴比一般大很多，炸得好香脆👍🏻唔中意食太淋身嘅話，建議5秒拎返上嚟食就最正😋
🔸紫薯寬粉 ($38)
粉紫色好靚好夢幻💜煮熟後晶瑩剔透，入口順滑，煙煙韌韌幾有咬口😍
總結：食物選擇非常豐富，包括肉類、手打丸類、海鮮、特色小食，甚至甜品都一應俱全🤩而且好多都可以叫半份，可以試多幾款👑招牌麻辣火鍋食完唔會口渴，環境有特色又闊落多卡位，想試正宗麻辣火鍋就要嚟呢度喇！
🔸7:30pm前離座或9:30pm後入座，可享有68折優惠
🍽成都老碼頭火鍋
📍旺角塘尾道61號地舖
#fon旺角 #fon中式 #fon火鍋 #旺角 #旺角美食 #中式 #成都老碼頭火鍋 #火鍋 #打邊爐 #麻辣火鍋 #mongkok #mongkokfood #chinese #chinesefood #spicy #hotpot
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【汀汀烤活魚 - 玩味十足🐟霓虹燈下食烤魚】
旺角嘅汀汀烤活魚最近由地舖搬咗上樓，新店位於百寶利商業大廈，一岀𨋢就見到牆身色彩繽紛嘅塗鴉🎨店內亦玩味十足，霓虹燈下食烤魚都幾有feel😎仲有唔少型格裝飾，打卡一流！
🐟烤沙巴龍躉鍋 ($368)
普通烤魚就食得多，烤龍躉真係未試過🤩即刻叫黎試下先！原條龍躉好大條足料😍唔食得太辣嘅關係，所以叫小辣試下🙈
湯底非常濃郁，除咗有辣椒、仲加咗好多芫荽、芽菜、大蔥、豬皮、蘿蔔、豆卜等作配料😍龍躉肉質嫩滑，唔算多骨👍🏻而且魚肉吸收哂湯底精華，食落好惹味🔥
🐂二人安格斯肥牛 ($128)
打邊爐點可以冇肥牛！
二人份量都不少，厚度適中，脂肪分佈均匀，牛味濃郁又軟滑😋
🦀8吋巨蟹棒 ($48)
名副其實超級長🤩煮完唔會散哂，口感不錯👍🏻
🥒萵荀 ($48)
鮮甜爽脆，食咗咁多肉解膩一流！
總結：新店環境闊落，店員不時會協助換上乾淨碗碟，服務貼心～
🍽汀汀烤活魚
📍旺角西洋菜南街1A-1K號百寶利商業中心5樓
@dingdingfreshfish
#fon旺角 #fon中式 #fon川菜 #旺角 #旺角美食 #中式 #汀汀烤活魚 #雞煲 #烤魚 #邊爐 #mongkok #mongkokfood #chinese #chinesefood #fish #spicy #hotpot
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
【創意餃子酒場 新店請你飲清酒🍶】
作為餃子控，之前食過中環店念念不忘，因為呢度提供各式各樣嘅創意餃子🥟仲有多款小食同飲品～最近旺角都開咗新分店當然要去支持😍
新店開張拎咗酒牌，餐廳為咗俾大家體驗日式餃子配清酒嘅樂趣，每位年滿18歲嘅客人都會贈送一杯清酒！
🍶鮮榨生貯藏酒 (贈送，原價$88/300ml)
大吟釀嘅香氣撲鼻而來，既清新又易入口～
🍶二段酵母仕込 ($78/300ml)
飲完上面嗰杯唔夠喉，另外叫咗呢款試下🤣
入口清爽之餘多了一份醇厚嘅口感，配雞軟骨呢啲濃味食物就最適合不過！
🥟餃子大阪燒 ($58)
三一名物其中一款，幾有特色✨
餃子底揀咗招牌餃子貳號，即係蔥花豬肉餡，相當足料～餃子冰花外層煎得香脆，餡料多汁😋配埋餃子上嘅大阪燒醬、沙律醬、紫菜、木魚絲，食落幾新穎，簡直係突破餃子新食法😆
🥟餃麵/餃飯 (松露餃/芫荽餃) ($54; 雙拼+$4)
想食餃子又驚唔夠飽？叫呢個set就啱哂啦！
呢個set除咗餃子之外，仲可自選湯底再跟麵或飯 (係溫泉蛋紫菜拌飯，一啲都唔hea)，唔想食咁飽仲可以揀菜底，真係非常貼心🥰
⟐ 豆漿蝦湯跟菜底
⟐ 雙拼黑白松露豬肉餃+芫荽豬肉餃
豆漿蝦湯幾特別，甜甜地又有蝦嘅鮮味，餃子浸住呢個湯底嚟食都特別鮮甜多汁🤤
松露豬肉餃不錯👍🏻松露味道濃郁得嚟，唔會蓋過豬肉嘅新鮮；召喚芫荽控，必試呢個芫荽豬肉餃❗芫荽味突岀，超級多荽一定會鐘意😍
🦪吉列炸蠔 ($46)
炸蠔幾肥美😍重點係炸粉好薄身，咬落超酥脆！炸蠔食落鮮甜，少少腥味都無👍🏻點埋沙律醬一齊食中和返油膩感～
🍢關東煮 ($38)
超級豐富咩都有：蘿蔔、墨丸、竹輪、冬菇、魚片頭，仲比一般關東煮多咗隻溫泉蛋😍除咗溫泉蛋，件件都打孖上，兩個人share就啱哂😋湯底用上清甜嘅鰹魚湯，蘿蔔好入味，正到想飲埋啲湯！
🍡為酒而炸雞軟骨串 ($33)
雞軟骨炸得爽脆有咬口，撒上小小椒鹽好惹味😍
呢款佐酒小食配清酒真係一流！
🍵白桃烏龍茶 ($28)｜桂花烏龍茶 ($28)
兩款茶都係手工冷泡，茶味清香解渴解膩一流，私心更喜愛桂花味😋
總結：餃子款式超多，仲可以唔同配搭，鐘意食餃子嘅嚟食返個餃子放題啦！
🍽三一餃子
📍旺角通菜街71號地舖
@ttdumplings
#fon旺角 #fon日式 #旺角 #旺角美食 #日式 #三一餃子 #餃子酒場 #mongkok #mongkokfood #japanese #japanesefood #dumplings #sake #alcohol
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom
申子居酒屋🏮
Bookmark咗呢間居酒屋好耐，但一直都未去到，早排聽講呢間居酒屋做緊午市優惠，即刻去食個日式午餐！🤣
⭐️惠顧第一客「極上。午市🈹烹」，第二客「嚴選午市🈹烹」可享半價優惠⭐️
🍚申子三式丼 ($298)
海膽⋄拖羅蓉⋄三文魚子
海膽鮮甜帶甘又creamy，加咗魚子醬更突顯海膽嘅甜味👍🏻配搭一粒粒三文魚子同新鮮拖羅蓉，口感非常豐富💕非常足料，絕對撈得哂成碗飯～
🐠日本宮島穴子丼 ($129)
平時食丼飯都係供應鰻魚居多，呢度竟然有穴子🤩
穴子其實即係星鰻，係宮島名物，比起鰻魚冇咁多脂肪，肉質更細膩軟嫩🥰穴子燒得好香，食落鮮味突出，醋飯撈埋鰻魚汁好好味，推薦！
🍳蓬鬆玉子 ($98)
呢個要俾滿分‼️🤩
玉子燒真係好蓬鬆超滑溜，一切開仲有流心效果同拉絲芝士，加埋沙律醬同燒汁真係食唔停口，可以話係食過最好食嘅玉子燒🥰
🐮極上塩燒牛舌芯 ($88)
呢碟牛舌雖然係厚切，但燒得剛剛好，咬落一啲都唔韌，反而仲好爽彈juicy😍牛味好濃郁，旁邊有柚子鹽、蔥、鹽可以點嚟食，不過試完都係覺得原汁原味係最滋味！
🍶白真弓純柚子酒 ($78) | 白桃酒 ($78)
兩款都易入口兼帶有淡淡嘅果香，清爽解渴！
總結：疫情下冇旅行去，居酒屋真係可以一解思鄉之愁🤣成餐飯每一道菜都好滿意，真係好似返咗鄉下呀～咁高水準真係要大大力支持！
🍽申子居酒屋
📍旺角黑布街74-76號藝興大廈地下1號舖
@shinkohk
#fon旺角 #fon日式 #旺角 #旺角美食 #日式 #申子居酒屋 #居酒屋 #壽司 #刺身 #mongkok #mongkokfood #shinkohk #japanese #japanesefood #izakaya #sushi #sushilovers #sashimi
#foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom