https://hk.trip.com/moments/tag-298236-%E6%88%91%E7%9A%84%E7%BE%8E%E9%A3%9F%E6%97%A5%E5%B8%B8/
全場卡位🙌🏻聚會打卡好地方~
想打邊爐,又怕俾人趕,朋友提議不如食火鍋私房菜,就帶我嚟呢度,餐廳全場卡位,都幾好坐👍啱晒聚會聊天!
每款都插着食物嘅煮食時間牌,真係唔識煮嘢嘅,都食到最佳口感,呢方面值得一讚👍我哋order咗雙拼鴛鴦鍋,普通辣拼皮蛋香菜湯,一邊可以刺激味蕾,另一邊清熱氣,兩款湯底好夾。四川重慶風味嘅辣鍋湯底辣得來帶少少甜味,唔會太麻,食開BB辣嘅我哋,今次普通辣都OK。
食材新鮮,上枱都好快,我哋多數都係order半份,咁就可以食多幾款,重慶耗兒魚、鮮鵝腸、珊瑚蚌、嫩牛肉、乾貢菜、鰻魚(白鱔)、串鮮蝦、小水母、鮮腐竹、韭菜豬肉水餃、鮮活海蟶、油條、紅糖冰粉
特別一提幾款: 重慶耗兒魚放辣湯,特別鮮嫩,而且肉質細膩,口感麻辣鮮美。鮮鵝腸30秒就食得,入口肥美爽滑。嫩牛肉肉質細嫩冇筋,同麻辣湯底超夾。小水母清脆爽口,別具特色。仲有時令海鮮 鮮活海蟶,大大隻,肉質飽滿彈牙,海鮮清香四溢,個人覺得係必食🙌🏻
🍲方叔叔重慶老火鍋
📍中環皇后大道中139號The L. Place 14樓
是次人均消費: $400
#香港美食 #foodie #中環美食 #中式 #dinner #美食 #香港探店 #restaurant #like #foodiehk #我的美食日常
走進黑白的藝術世界~
#每月27日會員日免費換貴賓室
家庭聚餐,嚟到呢間灣仔區嘅特色Cafe,店鋪採用大面積嘅黑白色調圖案鋪陳,營造出簡約時尚嘅視覺效果,空間寬敞明亮,感覺格外舒適,處處都係打卡點!
🐶卡通拉花latte
咖啡味香濃醇厚,泡沫有奶香,甜甜地,柴犬嘅拉花睇落充滿少女心,好得意,打卡一流!
牛油香煎原條龍脷柳
魚柳外皮煎到金黃色,非常香脆,配搭有濃郁奶香嘅醬汁,清新可口。
泰式燒鹹豬手
大大件豬手肉質紮實,表層帶焦香,咬下去皮脆肉嫩,配搭甜甜地又微辣嘅泰式醬,酸甜鹹香交織,完美搭配😍
京式烤鴨薄餅
鴨肉薄片鋪在脆脆嘅餅皮上,食到有京蔥,醬汁甜甜地,估唔到中西合璧會咁夾。
卡邦尼意粉
超濃郁奶香和芝士🧀️,加上流淌嘅溫泉蛋,入口juicy!
海鮮冬陰功年糕
年糕Q彈有嚼勁,湯頭帶微辣帶酸,泰式風味,回甘十足!
ULURU (灣仔)
📍灣仔春園街1-11號春暉大廈1樓
#香港美食 #foodie #灣仔美食 #西式 #cafe #dinner #美食 #香港探店 #restaurant #like #foodiehk #我的美食日常
做Trip.com鑽石級會員好正,有啲酒店價錢會平啲,有次仲有送早餐禮遇添!
高質手工餃子專門店🥟~
至尊松茸豬肉煎餃
招牌永無失望😍煎餃外觀金黃,咬下酥脆,滿滿嘅松茸餡料,散發出誘人香氣,與豬肉鮮嫩完美結合!
粟米豬肉湯餃子
選擇了湯餃子,餃子外觀呈半透明狀,粒粒飽滿,充滿餡料,粟米口感清脆,配合豬肉,湯汁鮮甜。
雲吞湯麵
選了無辣口味,湯底鮮味,雲吞細細粒,份量都幾多。
蜜餞雞翼
雞翼煮得入味,入口鮮嫩多汁,味道偏甜,充滿蜂蜜香。
日本龍鳳蛋配白松露醬
半熟蛋內裡柔嫩鮮嫩,入口juicy,松露醬味道濃郁,令本身無味嘅蛋液更好吃!
人均消費:$125
餃掂手工餃子雲吞專門店 (上環)
📍上環蘇杭街100號地舖
#香港美食 #foodie #上環美食 #中式 #dinner #美食 #香港探店 #restaurant #like #foodiehk #我的美食日常
唔洗去深圳都食到正宗烤魚🐟
我哋揀咗凌波魚,黃金蒜香豆花不辣口味,凌波魚肉質鮮嫩細軟,主要係冇咩骨,好易起肉,小朋友都食到,湯汁濃郁金銀蒜香味,豆香與蒜香結合,一滾起就香噴噴。
本身湯汁已夠惹味,我哋另外order稻庭烏冬和炸魚皮,兩者都勁吸湯。烏冬口感彈牙有嚼勁,吃起來非常順滑。炸魚皮炸至金黃色,外皮脆脆,味道鹹香可口。
蒜香牛油燒扇貝
扇貝表面怖滿超多蒜蓉,燒焗至金黃色,牛油和蒜香味道融入扇貝中,增添了豐富香氣,味道鮮美,值得encore!
炸鮮奶
即叫即炸,外層似係麵包,好酥脆,內部奶香味濃郁,口感柔軟細膩,唔錯😍
是次人均消費: $250
小魚兒 (寶漢大廈) (銅鑼灣)
📍銅鑼灣波斯富街24-30號寶漢大廈1樓
#香港美食 #foodie #銅鑼灣美食 #中式 #dinner #美食 #香港探店 #restaurant #like #foodiehk #我的美食日常
走糖唔走甜~香港生酮飲食餐廳
成日同朋友呢度附近食tea都會去infinitc ,鍾意環境靚,處處都係打卡點,另外佢哋嘅生酮麵包蛋糕好食又健康,對於本身皮膚比較敏感嘅靚媽,都唔怕食多2件😚!嚟緊原來店舖結束堂食,轉為以零售及網店形式經營,想再食到酮本烘焙by infiniti C 嘅出品,就要網購了!
今次登記做埋會員,第日就可以繼續網店訂購蛋糕、冰鮮面包、Bagel、Donut、甜品杯😍冰鮮類可以放冷藏格儲存三十天,每次想食嘅時候,拎出嚟解凍10分鐘就食得,好方便!
Infiniti C (Nan Fung Place)
📍中環德輔道中173號Nan Fung Place 地下G03號舖
#走糖唔走甜 #令您食得更健康 #我的美食日常
嚟呢度可以盡情食海鮮燒烤😍
香港唔多地方有得食自助燒烤,仲係有無限量嘅海鮮食添!呢間燒烤店長期都好full,除咗可以任夾游水蝦,仲可以食各類海鮮和肉串,見到好多枱都有燒大大條魚,睇住啲蝦游嚟游去真係好療癒!個人最鍾意食牛油蒜蓉扇貝,醬汁可以依照自己嘅口味調配,扇貝大大隻又多汁,入口好有鮮味,我哋食咗好多轉😁店員教我哋剪開啲鮑魚同扇貝一齊燒,可以避免個殼裂開,熟得快又容易食👍一舉兩得。
我哋上層燒海鮮,下層就燒肉類和瓜串,推介翠玉瓜,加少少牛油燒,坐喺度都聞到香噴噴!我仲搵到有Anson Lo代言嘅飲品🥤勁開心🥳
蝦蝦燒 (佐敦)
📍佐敦白加士街10-24號永富大廈1樓
#我的美食日常 #foodphotography #like #美食指南 #香港探店 #bbq場 #任食
打卡特色台灣菜餐廳~仲可以睇海景
必食~Oreo 奶奶麻糬
麻糬外觀圓潤,入口Q彈又冰涼,充滿濃郁奶香味,邊食邊沾上滿滿嘅Oreo 碎,小朋友超愛😍
招牌滷肉飯
賣相誘人,滷肉均勻地鋪在白飯上,口感鮮嫩多汁,飽滿口感在口中散開,滷汁濃郁微甜,越食越滋味。
三色台腸
三種係墨魚、黑椒和蜜汁口味,切成薄片,入口香脆,又帶有一點點嚼勁,香氣四溢。
擔擔牛肉麵
用上牛展肉,煮得夠哂入味,口感軟嫩,湯底鮮香濃郁,帶有微辣微甜風味,可以配搭刀削麵或者台式寬粉,我揀咗好吸湯嘅寬粉,口感彈牙又入味👍
是次人均消費$250
臺北棧 (世貿中心) (銅鑼灣)
📍銅鑼灣告士打道280號世貿中心4樓7號舖
#香港美食 #foodie #銅鑼灣美食 #台式 #lunch #美食 #香港探店 #restaurant #like #foodiehk #我的美食日常
沉浸在壽司🍣的世界~
上環呢頭美食林立,作為街坊嘅我哋,真係好幸福🥰見到平日都好多人收工會過嚟呢度dinner,好熱鬧,充滿用餐氣氛。
燒三文魚腩
即叫即燒,大慨要等20分鐘,表面烤至金黃色,散發出微焦嘅燒烤香氣。內裹魚肉呈淡粉紅色,肉質鮮嫩細軟,啖啖入口都有汁,給人一種絲滑口感,好高質😍
鰻魚飯
上到枱仲熱騰騰,旁邊怖滿蛋絲,鰻魚有光澤又厚身,肉質柔軟,醬汁帶有濃郁甜味和微微鹹香,配一口珍珠米飯,好夾!
特上壽司拼盤
呢度有多款廚師即整嘅壽司拼盤,呢款特上,有大吞拿魚腩、中吞拿魚腩、海膽、帶子、三文魚腩、金目鯛、牡丹蝦、鰻魚、油甘魚腩、三文魚子和葱吞拿魚腩細卷六件,多種時令海鮮組成,款款都好新鮮,每一件壽司都精心擺放,令人食指大動🥰最深刻係大吞拿魚腩壽司,肉質口感非常Juicy,入口即化。另外海膽都好出色,口感滑膩又鮮甜,感覺奢華。一大盤,絕對能夠滿足對壽司嘅期待😚
鮨政 (上環)
📍上環蘇杭街105號地舖
人均消費$400
#SushiMasa #鮨政 #上環 #上環美食 #香港美食 #SUSHI #like #foodiehk #香港探店 #日式 #我的美食日常 #foodie
🍲 宮廷風~麻辣火鍋專門店
#櫻花2024
Toby姐姐早排迷上咗睇飲食節目😄
一直都話想試下小龍蝦🦞,其實香港真係唔多地方有得食。
今日嘅蒜蓉小龍蝦售罄,一於挑戰下麻辣口味,其實辣辣地先係正宗🙌🏻
呢度嘅小龍蝦得一個size,都夠三人份量嘅,個人覺得辣度適中,辣椒、花椒等調料鋪係表面,賣相吸引,麻香十足,肉質爽口,小龍蝦完全吸收汁料,口感豐富,值得一食!
食完麻辣小龍蝦,我哋就揀咗養身高湯骨鍋做湯底,中和返啲味覺。
最鍾意手切牛,雪花夠均勻,肉質鮮嫩有咬口又冇筋,整體食材用得高質,雖然價錢略高,但點心類都係師傅親手整,淨係呢度已經值回票價🥰
人均消費$200
九龍坎麻辣火鍋 (僑冠大廈) (北角)
📍北角英皇道395號僑冠大廈地下28-31號舖
#北角美食 #dinner #香港美食 #美食 #香港探店 #火鍋 #hotpot #foodiehk #我的美食日常
😋🙌🏻正宗新加坡的味道~~
#櫻花2024
㗎央多士 $38
呢度嘅多士,丹麥味好重,入口又香又脆,一人一份都不過份!
馬來炒貴刁 $128
即叫即炒,用鑊仔上,一上枱就聞到香氣四溢,貴刁似比較幼身嘅河粉,搭配芽菜、鮮蝦、炒蛋、花生碎,啖啖都充滿口感,醬汁微辣香濃,帶甜味,入口好開胃。
參峇醬燒豬頸肉 $85
賣相誘人,豬頸肉經過燒烤後,表面呈現金黃色,帶微焦,肉質爽口有汁,最特別係個醬汁,酸酸辣辣嘅味道,好夾!
百香果芒果沙冰$38
冰沙質地細膩,入口即化,百香果和芒果嘅酸甜味道好夾,酸爽又清新。
有加一服務費,人均消費$130
LeeLaksa (上環)
上環皇后大道中302號地舖
#我的美食日常 #foodiehk #美食指南 #上環美食 #香港探店
港人至愛~嘆一盅兩件
#櫻花2024
灌湯小籠包
估唔到酒樓都有呢個水準,薄薄嘅外皮有光澤,輕輕咬下去,好爆汁,熱騰騰又充滿鮮肉香氣,入口甜甜地,高質😍
香芋蒸排骨
排骨口感鮮嫩,芋頭入口即化,好綿密。
豉汁蒸鳳爪
鳳爪好入味,豉汁味濃郁,帶少少微甜。
紅油炒手
炒手皮薄餡多,口感細膩。紅油嘅香辣味好出,每粒炒手都被紅油包裹著,入口滑嫩,好有風味!
力寶軒 (金鐘)
📍金鐘金鐘道89號力寶中心地舖
#香港美食 #foodie #金鐘美食 #中式 #飲茶 #lunch #美食 #香港探店 #restaurant #like #foodiehk #我的美食日常
隱世包羅萬有火鍋放題~
#報名酒店試睡員
隱世包羅萬有火鍋放題~
天氣咁凍,又係烚吓烚吓嘅時候,朋友帶路嚟到呢間壹火鍋🍲。
一坐低,就送上勁大海鮮船和牛肉拼盤,見到都心心眼😍海鮮船好高質,有龍躉魚片、珊瑚蚌、貴妃蚌、生蠔、鮑魚、海蝦、蜆和帶子,有幾款海鮮重可以任食添,款款都好肥美,尤其海蝦,送上枱仲郁緊,好新鮮,烚5分鐘就食得,爽口彈牙,我哋都encore左幾轉!
牛肉拼盤方面,個人特別鍾意封門柳,肉質無筋夠淰,有牛味又有咬口👍
Menu都幾多款選擇,牛柏葉、魷魚、手打丸、蟹柳、午餐肉等,我不能盡錄,飲品同埋甜品係自助區嗰度有得攞,真係夠晒滿足!
人均消費: $350
壹火鍋 (旺角)
旺角西洋菜南街1N號兆萬中心16樓
#我的美食日常 #香港探店
冬天圍爐取暖😄
#新年好去處2024
同另一半lunch撐枱腳,去公司附近方叔叔打邊爐,最近做緊午市湯底免費,我哋order咗雙拼鴛鴦鍋,一邊加$20轉羊肉湯,呢啲天氣啱晒暖下身,另一邊係招牌麻辣湯底~普通辣口味,辣度可以自由選擇。
今次有特色鮮拼九宮格,每格細細份,我哋二人都好夠食。至愛手打黑松露墨魚丸和竹笙蝦滑,越煮越吸湯,唔需要點醬油,已好夠味!滷豬手都唔錯,熱一熱就食得,入口好juicy!
大大杯水仙烏龍檸檬茶,口感清爽,唔會太甜,同打邊爐好夾。
今次因為九宮格已經好大份,我哋就另外只order少少,韭菜豬肉水餃、白鱔、嫩牛肉、鮮鵝腸,款款都好新鮮,每款都會有牌仔指示煮食時間,挺方便的 !
人均消費: $400
🍲方叔叔重慶老火鍋
📍中環皇后大道中139號The L. Place 14樓
#香港美食 #foodie #中環美食 #中式 #dinner #美食 #香港探店 #restaurant #like #foodiehk #我的美食日常
冬日探店,思南慧公館
慧公館是小南國旗下的高端品牌,上海總共有三家,周日來到思南公館的分店试试。店子主打粵菜及本幫菜,但吃下來卻有點fusion菜的感覺。
💠江南煙雨五味拼盤
如詩如畫的擺盤,賞心悅目,味道也很好。
🦆糟鹵鴨舌- 微微的酒香,Q彈的鴨舌。
🥦萵筍花- 刀功了得,口感爽脆。
🥣菌王湯
銀耳配竹蓀,非常清香,熱度夠,在寒冷的中午喝真是最好不過了。
🦀清炒生拆蟹粉(配土司)
蟹粉量足,配土司是神來之筆。
🦋紅燒肉配蝴蝶餅
招牌菜,醬汁頗濃的紅燒肉但不覺油膩。
🥬時令蔬菜
新鮮,量較少。
🍜蔥油拌面
小小的一碗,正合我意。
#上海美食 #上海美食探索 #上海探店 #我的美食日記 #我的美食日常
精緻本地特色cake shop~
自從中環街市活化之後,多咗好多特色商店進駐,其中呢間Asoi蛋糕店好亮眼,充滿泰式風情嘅店面好易認,一個個造型蛋糕都好得意!我哋其實都想試多幾款口味,就要咗幾款小蛋糕😍
榴槤蛋糕
照足榴槤外觀整成,內裏充滿榴槤蓉餡料,口感濃郁而滑順,唔太甜,充滿榴槤香氣。
椰青蛋糕
整成一個椰青嘅外觀,好得意,個蓋仲可以打開,打開見到椰青凍整成嘅內餡,入口清新,淡淡椰青味,底下係蛋糕,有多重口感!
芒果糯米飯蛋糕
賣相獨特,表面係芒果汁整成嘅芒果,下層係cream打成嘅白色糯米飯蛋糕,口感豐富,入口綿密又稍微帶點似糯米飯嘅黏性
Asok Thai Cake (中環)
📍中環皇后大道中93號中環街市1樓121號舖
是次消費: $300
#foodie #yum #tasty
#中環 #香港美食 #foodie #中環美食 #甜品店 #happybirthday #香港探店 #like #foodiehk #我的美食日常
銅鑼灣人氣拉麵店又有新攪作~
兩個寶寶都好愛食湯底濃郁嘅日式拉麵,呢間餐廳係我哋經常會幫襯嘅,銅鑼灣分店店面唔算大,長期都要排隊,真係超高人氣!
味玉辣麻味噌拉麵🍜
玉米筍味噌拉麵🍜
~辣麻味噌嘅湯底係媽媽我嘅至愛,湯頭呈現濃郁嘅橙紅色,散發誘人辣香,熱騰騰。走辣原味就啱小朋友,豬骨湯頭超濃郁,好似飲豬骨湯咁。
粗嘅麵條彈牙有嚼勁,好上汁!配搭炒至微焦嘅粟米筍,口感脆嫩,越食越上勁。我哋後來仲再單點一份粟米筍🌽添!
最近嘅新攪作就係日式煎餃
外皮微脆,餡料份量唔算多,勝在食落口感柔軟有汁,同拉麵好夾。
鬼金棒 (銅鑼灣)
📍銅鑼灣謝斐道530號地舖
#香港美食 #foodie #銅鑼灣美食 #日式 #dinner #美食 #香港探店 #restaurant #like #foodiehk #我的美食日常
再次回訪🙌🏻今次增添越南風味菜式
傳統風味嘅茶餐廳都食到越南菜~
香茅豬扒撈檬
大大塊豬扒望落已經覺得好吸引,即叫即整,熱辣辣,厚厚嘅肉質彈牙又多汁,香茅撈上酸味濃郁嘅調味汁,賦予獨特風味!
嚟到茶餐廳,點可以唔食港式風味食品🫶🏻
仿鮑絲火腿通粉
鮑魚絲和火腿份量豐富,加上濃郁雞湯,好吸湯嘅通粉最能配搭。
西多士
外皮金黃酥脆,內餡花生醬,麵包質感鬆軟,口感結合了酥脆和鬆軟層次感。
咖哩牛筋腩飯
黃澄澄嘅外觀色澤誘人,炆煮後嘅牛筋腩,肉質軟嫩,搭配特製咖哩醬汁,口味甜甜地,味道濃郁,最宜佐飯!
紅島冰廳 (旺角)
📍旺角彌敦道594-596號地舖
人均消費: $150
#我的美食日常 #香港探店 #旺角美食 #港式茶餐廳
上環九如坊美食~
香港好少有主打食雞肉嘅串燒店,上環新店開咗冇幾耐,已經成日人頭湧湧,下次嚟之前都要book定位😁
串燒方面,款款即叫即燒,入口有微微焦香,好新鮮。
雞翼
炭燒至金黃色嘅外皮酥脆,帶有咸香,很有風味。
雞腿串
肉質鮮嫩有彈性,有黑胡椒和孜然味。
炭燒白鱔
肉質鮮嫩彈牙又多汁,高質!
味噌松板豬
肉質爽滑無筋,散發濃郁味噌香氣,甜甜地。
鹽燒黑毛和牛牛小排、黑毛和牛牛小排
前者牛味重,後者牛脂豐富,肉質鮮嫩多汁,燒得啱啱好。
主食
薯仔沙律
薯仔軟棉,同醬油蛋好夾,凍冰冰,入口好開胃。
濃香雞湯素面、親子丼
兩者都有配搭嘅雞湯係我最欣賞,湯頭甘甜,入口好似老火湯咁濃郁。
甜品: 焦糖蕃薯配雪糕
用上日本蕃薯🍠入口香甜,焦糖脆卜卜,一齊食,另有一番風味,個人覺得係必食🥰
炭火地雞 (中環)
📍中環九如坊6-10號林氏大廈地下C-D號舖
#上環美食 #BBQ #日式串燒 #香港探店 #香港美食 #我的美食日常
#報名郵輪試坐員
打風下的dinner time🩷🩷
預咗開學日會打風,夜晚就同friend兩個撐枱腳,去下街先😁
韓式烤牛肉
Outdark 新品,烤牛肉經過特殊醃製,濃郁嘅韓式醬汁入口甜甜地,肉質鮮嫩有汁,配搭燒過嘅年糕和金菇,烤得微焦,充滿香氣。
香蒜蜜糖炸雞
~食韓國菜點可以唔食炸雞,即叫即整,炸雞外皮金黃酥脆,肉質嫩滑有汁,蜜糖嘅香甜味,為炸雞增添了味道層次,配料嘅炸薯,有薯條、薯塊和薯格,三種不同口感,外脆內軟綿,好驚艷!
Outdark
📍尖沙咀厚福街8號H8 17樓
人均消費: $250
##我的美食日常 #foodiehk
米芝蓮fusion創意料理~
第一次食呢間位於IFC嘅4口,餐廳主打創意料理,時令食材,真係款款都好特別!
蒲燒鰻魚飯套餐
有多款小食和湯品可以選擇,我揀咗臘味雞卷和姫松茸竹笙排骨湯
主食賣相精緻,鰻魚厚身無骨,外皮焦香,肉質鮮嫩多汁,搭配蒲燒醬汁,甜蜜口感一流。特別一提湯品,湯頭清澈,散發出濃郁湯香,唔錯。
冰梅小蕃茄:
每一顆小蕃茄都爆汁,清涼口感和微妙嘅甜酸味道,清爽又開胃。
蒜蓉豆豉焗鰻魚:
而家嘅時令食材,蒜蓉豆豉好惹味,一口咬下去,都能品味到濃郁蒜香和鰻魚鮮美,好夾!
鮮果荔枝蝦球
賣相好像一粒粒荔枝,食落其實就係炸蝦球,蝦球以蝦膠打成,嫩滑彈牙,都幾飽肚😆
4口酸菜魚泗粉
魚肉超嫩多汁,泗粉帶有一定嚼勁,口感柔軟且富有彈性。好吸湯。整體味道酸辣,酸菜嘅酸味和魚肉鮮美完美結合,高質!
4口 (中環)
📍中環金融街8號國際金融中心商場2樓2012號舖
#香港美食 #foodie #中環美食 #中式#dinner #美食 #香港探店 #restaurant #like #foodiehk #我的美食日常
心超人氣cafe,嚟香港必玩
#報名酒店試睡員
🌿
表妹仔嚟香港玩,話聽講香港好多特色Cafe,好想去🥰姨媽我就帶佢哋呢間餐廳,食dinner之餘又開心!餐廳新店地方寬敞,樓底高,燈光光猛,環境好舒適🫶🏻
Dinner Set包咗(飲品、沙律、餐湯)各二
溫泉蛋煙肉野菌卡邦尼扁意粉
用上黃色嘅扁意粉,入口富蛋味,同柔軟嫩滑嘅溫泉蛋好夾,每條麵條都好掛汁,有濃郁嘅奶油味道。
西班牙燒烤醬黑毛豬肋骨
燒烤過嘅豬肋骨,表面微焦,散發出濃郁香氣,肉質鬆軟有汁,除咗BBQ汁味,帶有點焦糖香,甜甜地,口感豐富,好有風味!
🌻URBAN Cafe (兆萬中心) (旺角)
📍旺角西洋菜南街1號兆萬中心14樓
#尖沙咀美食 #特色cafe #貓貓 #dinner #香港美食 #美食 #香港探店 #restaurant #like #foodie #foodiehk #我的美食日常
親子餐廳~最近仲換咗夏日主題風☀️
#報名酒店試睡員
呢間餐廳係靚媽一家人成日都會去嘅🥰慶祝生日、帶朋友聚會都會嚟,鍾意食物質素,而且又係打卡餐廳🙌🏻每個角落都係打卡位!
放暑假lu🌞,經過門口都見到店內裝飾換咗夏日主題風!決定dinner就喺度啦,仲有為小朋友而設嘅Candy Bar,兩個寶寶見到超開心🥳
👧🏻👧🏻小朋友最愛兒童餐~肉醬意粉、炸魚薯條
兩款份量都唔少,肉醬醬汁濃郁,啲意粉好上汁。炸魚外皮金黃酥脆,中間魚肉口感柔軟,沾上他他醬,酸酸地,好開胃,小朋友愛吃!
三文魚凱薩沙律
我每次嚟到一定order沙律🥗呢度用上有機菜,入口爽脆好Fresh,同煙三文魚好夾🫶🏻
卡邦尼意粉
賣相精緻,奶味和忌廉味平衡得啱啱好,口感順滑,唔錯!
燒法國黃油全雞
鐵板上,微焦嘅烤雞上到枱依然熱辣辣,外皮金黃色,入口酥脆,內裡有汁,底下鋪咗長柄西蘭花🥦,略為覺得淋咗少少,好在都幾入味嘅。
西班牙豬鞍架
旁邊嘅醬汁類似蘋果蓉,甜酸口味好特別,幾清新!好有外國風味!
大人小朋友都咁開心👨👩👧👧
Chill and Grill (西環)
地址: 堅尼地城加多近街57號地鋪
#親子餐廳 #親子好去處 #打卡 #優惠活動 #香港美食 #foodie #西環美食 #Cafe #西式 #dinner #香港美食 #美食 #香港探店 #restaurant #like #foodiehk #我的美食日常
環境似八十年代茶樓,充滿香港情懷~
朋友聚會帶我嚟呢間私房菜,餐廳位於樓上舖,環境似八十年代茶樓,充滿香港情懷~
首先上桌嘅是一鍋熱氣騰騰嘅時令老火湯😍大大件粉葛和豬骨,湯汁濃郁而不膩,入口甘甜,連湯渣都令人驚艷,滿滿嘅豬什,又淰又入味,真心正!
另外我哋都order咗時令海鮮~豉油王大蝦
大蝦肉質爽彈,汁料完美地融合在蝦身,連蝦殼脆卜卜,好有鑊氣!
酥炸鯪魚球配蜆芥
份量豐富,每粒都炸到金黃酥脆,咬落去仲有啲咇汁添!蜆芥味道清爽,有酒香。
乾扁肉碎四季豆
爆炒過嘅四季豆好入味,質感鮮嫩,口味濃郁,整道菜式富層次感。
八珍豆腐鍋
豆腐為主料,湯汁濃稠,豆腐吸收了湯汁精華,口感鮮嫩細膩,十分入味,入口甜甜地,送飯一流!
特別一提,呢度服務真係好好,店員親切有禮貌,會主動換碟,會主動送上甜品,殷勤度滿分🫶🏻
輝哥私房菜 (佐敦)
佐敦長樂街18號18廣場2樓
#佐敦美食 #私房菜 #中式 #dinner #香港美食 #美食 #香港探店 #restaurant #like #foodie #foodiehk #我的美食日常
銅鑼灣區~特色地道新加坡菜
一段時間無嚟,發現又有新菜式~
參峇蟹肉 炸饅頭
蟹肉加上參峇醬,好特別!味道鮮美,同炸饅頭好夾,沾上醬汁,外酥內軟,有鹹香。
海南雞飯拼喇沙米線
兩者都係新加坡經典菜品,黃澄澄嘅雞肉都幾嫩滑,無雪味。有三款醬汁,甜豉油、辣醬、薑蓉都有。喇沙湯由椰漿、香料和辣椒製成,湯汁超濃郁,配上粗條米線,好惹味!呢份餐份量豐富,都夠兩個人食。
參峇醬燒豬頸肉
燒過嘅豬頸肉反而減少咗油膩,沾上辣辣地嘅參峇醬,入口爽滑,唔錯!
另外,我哋order咗甜品
恐龍蛋
兩球波波係奶茶雪糕和椰子雪糕,個人覺得椰子雪糕更加香濃,奶茶雪糕則偏甜奶味不多。
花漾 (銅鑼灣)
銅鑼灣勿地臣街1號時代廣場6樓625-626號舖
#我的美食日常 #foodiehk #夏日搵食推介 #香港美食 #香港探店
聽住悠揚嘅音樂,恍如置身日本居酒屋場景🥰
🌿
香草蒜蓉包
大大件蒜蓉包,外皮金黃酥脆,香草和蒜蓉份量足夠,一口下去,內裡口感柔軟綿密
孜然燒蒜蓉茄子
茄子口感柔軟,孜然和蒜蓉香氣和味道完美融合,而且唔會太油,如果想食辣嘅,可以order川味茄子🍆
牛油蒜蓉焗雜菇
牛油蒜蓉味道濃郁,菇類份量多,口感豐富。
鹽燒翠玉瓜
口感嫩滑,微鹹,很清新。
焦糖青蘋果鵝肝多士
份量好滿足,蘋果酸甜和鵝肝嘅濃郁味完美融合,焦糖甜味增加了層次感,必食!
燒手釣墨魚鬚
表面微焦,色澤金黃,墨魚鬚經過燒烤後,口感酥脆,內裡彈牙而帶鮮香味。
鹽燒和牛牛小排、鹽燒A4宫崎和牛
兩者雪花均勻、無筋,牛小排口感肉質爽滑,和牛則比較鮮嫩,入口即化,燒得恰到好處,夠哂油脂,好滿足。
食完串燒之後,我哋order嘅炒飯就嚟到
鰻魚炒飯
口感鬆軟,鰻魚肉份量都多,唔錯!
記得一定要order新鮮椰青
口感清爽,甜味適中,同串燒好夾,嚟食串燒,又唔飲酒嘅,就啱晒!
人均消費: $400
燒烤堂 (中環)
📍中環安慶臺1號安慶大廈地下A號舖
#中環美食 #串燒 #日式 #dinner #香港美食 #美食 #香港探店 #restaurant #like #foodie #foodiehk #我的美食日常
台式鴨血麻辣鍋 白玉酸菜鍋,一次過滿足兩個願望
以前去台灣必食嘅鼎王麻辣鍋空降香港,終於有時間去朝聖。打電話來預約book枱,餐廳俾卡位我哋,地方寬敞,好好坐,而且樓底夠高,唔會侷促和大味。近日天氣好熱,另一半覺得口淡淡,我又想食麻辣,所以我哋點咗鴛鴦鍋,呢度嘅鍋底係以位計算,我哋可以再Refill酸菜、鴨血、豆腐,真心正!
我哋點咗份滷牛筋,經過滷製,入口有著豐富膠原感,後,肉質軟綿,甜甜地,好有風味!
火鍋料都上得幾快,等候時間短,
手切牛頸脊
肉質富口感,雪花豐富,打邊爐都食到油脂香。
日本帝王蟹棒
賣相美觀,大大條蟹棒,都食到鮮味。
日本廣島蠔
一隻隻好肥美,肉質飽滿,口感豐富,有著淡淡海水味,值得海鮮愛好者品嚐。
鼎王麻辣鍋 (金巴利道) (尖沙咀)
📍尖沙咀金巴利道26號地下5號舖
#尖沙咀美食 #火鍋 #hotpot #dinner #香港美食 #美食 #香港探店 #restaurant #like #foodie #foodiehk #我的美食日常
Holiday mood~
接寶寶放學,去學校附近嘅特色cafe 食lunch,餐廳裝潢採用簡約風格,周圍佈置好多綠色植物,環境舒適。
芝士肉醬意粉
意粉麵條煮得剛剛好,口感QQ,肉醬和芝士比例,溶化嘅芝士份量超多,啖啖都拉絲,充滿香氣,小朋友勁愛!
All Day Breakfast
材料有烤腸、炒菇、黑松露炒蛋、烤蕃茄、沙律菜和牛角包,款款豐富新鮮,尤其烤蕃茄令人驚艷,店家加咗少少糖去烤,平衡咗蕃茄本身嘅酸味,入口甘甜又juicy!
甜點:棉花糖牛角包窩夫配雪糕
小朋友見到已經心花怒放,牛角包窩夫做得鬆軟香脆,配搭融融地嘅雪糕,更是絕配。
Paintable Cafe (上環)
📍上環差館上街16號地舖
#上環美食 #cafe #輕食 #lunch #香港美食 #美食 #香港探店 #restaurant #like #foodie #foodiehk #我的美食日常
2小時大滿足🤩
#報名酒店試睡員
一般打邊爐,其實得幾款湯底可以選擇,呢度做火鍋放題,依然着重湯底,今次我就選擇咗季節限定~冬瓜養生雞鍋,湯底勁足料,湯頭甘甜清潤,好適合近期嘅天氣!
我哋選擇咗中間價位嘅set,已經可以食到美國極黑和牛、安格斯牛板腱、西班牙豬五花、象拔蚌片,兩款牛各有千秋,安格斯牛板腱比較厚身,口感豐富,有肉汁。美國極黑和牛就比較薄身,肉質嫩滑,油花豐富,肉質極佳,咀嚼起來柔軟。
自助區擺放整齊,沙律和日式冷盤都有十幾款,寶寶特別喜愛甜甜地嘅芝麻八爪魚,入口依然凍冰冰,refill咗好多轉。仲有好多特色丸子添!
牛站(駅)麻辣火鍋放題 (尖沙咀)
📍尖沙咀加連威老道2-6號愛賓商業大廈1樓102號舖
#尖沙咀美食 #放題 #台式火鍋 #香港美食 #美食 #香港探店 #restaurant #like #foodie #foodiehk #我的美食日常
蟶子皇、龍𧄌、海蝦、蟹、蠔、白鱔任點任食
我講緊嘅係呢間人氣店阿爺八鮮鍋,表姐嚟香港出trip ,好耐冇見喇😍三個女仔聚會,食好野!
先上一煲雞煲,我哋揀咗麻辣,雞肉質韌而不柴,湯汁濃郁,口感豐富,少辣少麻口味,好惹味!食完雞煲,才上火鍋,所以我哋都忍唔住夾多幾件先😄
另外每位都會送上龍蝦拼盤,龍蝦都好多件,肉質紮實,好鮮甜。
任食火鍋料,每次可以order八款,我哋每款都係order半份,時間可以任食兩個半鐘,夠晒充裕,慢慢傾偈慢慢嘆🫶🏻
我哋都order咗好多輪😁蟶子皇、龍𧄌頭腩、海蟹、海蝦、象拔蚌片、大蜆、白鱔、大魚頭、魚鰾、手切安格斯牛、山根、紫菜響鈴…等等,多到數唔晒。
款款都勁新鮮,特別一提幾款,蟶子皇口感鮮美,味道香甜,有口感。龍𧄌頭腩平時買都幾貴㗎,肉質爽彈,味道鮮美,有著淡淡甜味。海蟹肉質豐滿,有蟹膏,帶有淡淡海水味。海蝦好大隻,目測每隻都有超過10 cm,肉質爽口,入口鮮甜,好值得不斷encore🙌🏻
食到尾聲,我哋order咗紫菜響鈴,滾幾秒就食得,好吸湯!
阿爺八鮮鍋 (旺角)
📍旺角登打士街43H號登打士廣場3樓
#旺角美食 #港式 #火鍋 #hotpot #海鮮 #香港美食 #美食 #香港探店 #restaurant #like #foodie #foodiehk #我的美食日常 #阿爺八鮮鍋
#報名酒店試睡員
旺角新店地方好寬敞呀~
而家就嚟放暑假了,每天充斥着放假嘅心情!
兩姊妹好鍾意溫柔嘅貓貓,帶佢哋嚟好出名嘅Urban cafe,食個dinner,睇住猫猫行嚟行去,又可以隨意摸佢哋,真係好療癒🥰
三重芝士肉醬闊條麵
麵食賣相精美,扁身嘅闊條麵好上汁,搭配上豐富肉醬和三色芝士,啖啖都拉絲,芝士濃郁味道令人愛不釋手。
菲力牛柳配黑松露燒汁
牛柳外層烤得略帶焦點,肉質細嫩多汁,黑松露燒汁嘅菇味不算強烈,勝在都幾滑溜,每一口能感受牛味和燒汁濃郁味道,唔錯!
URBAN Cafe (兆萬中心) (旺角)
旺角西洋菜南街1號兆萬中心14樓
#旺角美食 #西式 #親子餐廳 #香港美食 #美食 #香港探店 #cafe #like #foodie #foodiehk #我的美食日常