https://hk.trip.com/moments/tag-320062-%E7%94%A8%E5%BF%83%E5%93%81%E5%9A%90/
【日系清新Cafe - 係西貢都睇到富士山🗻】
Cafe位於西貢市中心街頭，裝修以純白色+木系為主，設有上下兩層，環境及座位寛敞，感覺簡約舒適。
假日黎到上下兩層都座無虛席，職員安排左小編坐下層，坐定揀好食物就出去收銀處落單。
————————————♥———————————
- - - - - - - - - - - - - - - - - - - - - - - - - - -
♥️ 蒜香時令海蜆手工意粉 $128
一上枱已經聞到好香蒜味，蒜香汁味道濃郁，海蜆鮮甜美味冇沙，意粉質感偏軟，有種煮耐左既口感。
♥️ 日式蘋果咖哩慢煮牛肋條飯團 $118
暖暖地飯團🍙外層沾滿飯素，本來想用紫菜包著飯團食，不過塊紫菜淋哂就放棄左，牛肋條腌得入味，肉質軟腍，甜甜地日式咖哩夾埋飯團一齊食，有種食唔停既感覺。
♥️ 富士山雪糕梳打 $56
一入到餐廳已經見到有客人飲緊，賣相好吸引眼球👀。上面有一球雲呢拿雪糕，中間係透明梳打，底層係藍色梳打汽水，望落就似一個小型富士山🗻，淨係飲梳打味道普普通通，溝埋雪糕一齊飲味道昇華左。
💕 放假想係西貢搵地方Chill下，依間Cafe係唔錯既選擇！
- - - - - - - - - - - - - - - - - - - - - - - - - - -
————————————♥———————————
🍽 NN Coffee
📍西貢市場街47號地舖
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#西貢 #西貢美食 #海蜆 #手工意粉
#日式蘋果咖哩 #富士山 #雪糕梳打
【葵芳爆Chill「豬🐽」餐廳 - 足料手撕燒烤豬肉三文治】
The Salted Pig位於新都會廣場5樓，係一間專食豬肉既西餐廳，裝修設計風格偏簡約，加入左豬豬🐷既元素，餐廳分為左右兩邊，一邊係半開放式，一邊係室內。
當日天氣太好所以小編揀左坐半開放式，頭頂係玻璃天花，天然光滲入餐廳，環境闊落，零壓迫感，成個感覺好舒服。
餐廳菜式多元化，海鮮、漢堡、烤肉等等…….樣樣都好吸引！
————————————♥———————————
- - - - - - - - - - - - - - - - - - - - - - - - - - -
♥️ 招牌手撕燒烤豬肉三文治、薯條 $178
手撕烤豬肉配上麵包，睇相已經好吸引🤩，一客有兩件三文治🥪，麵包充滿牛油香，夾著一絲絲烤豬肉，混合椰菜沙律，再配上煙熏味十足燒烤醬，味道酸酸甜甜，口感一流。
♥️ 蒜辣欖油大蜆意粉 $172
因應A先生口味，所以叫左小辣，大蜆份量好多而且鮮甜，大概數過有十多隻，意粉煮得岩岩好。
♥️ 牛油焗薯 $58
薯蓉淡淡牛油香，質感軟綿，份量好實在。
♥️ 藍莓芝士忌廉奶昔 $68
夢幻粉紫色外表，保留藍莓🫐酸甜味，配搭奶味香濃奶昔，清爽解膩。
♥️ 美祿奶昔 $68
奶昔質地香滑，淡淡美祿味，唔會好甜，夏天解暑恩物。
總結✨餐廳環境舒適，食物份量實在，係一間性價比幾高既西餐廳，好適合一家人/三五知己飯聚。
- - - - - - - - - - - - - - - - - - - - - - - - - - -
————————————♥———————————
🍽 The Salted Pig
📍葵芳興芳路223號新都會廣場5樓531&540號舖
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#葵芳 #葵芳美食 #TheSaltedPig
#手撕燒烤豬肉 #大蜆意粉 #藍莓奶昔 #美祿奶昔
【大圍正宗馬拉菜 - 酥脆薄餅值得回頭】
小編口痕係大圍覓食 經過見到餐牌好吸引，有齊哂平時食馬拉菜必食既食物，店員熱情招呼於是就試下啦！
餐廳裝修帶有南洋風味，分為上下兩層，主打正宗馬拉菜，所有醬料都係由馬來西亞空運到港。
————————————♥———————————
- - - - - - - - - - - - - - - - - - - - - - - - - - -
♥️ 鮮牛油咖央多士 $38
幼滑咖央醬配搭鬆脆金黃色多士，再加上鮮牛油🧈奶油入口即化，一啖咬落去多重口感，味道昇華不少而且甜度岩岩好。
♥️ 馬拉沙嗲串燒（三串）$64
串燒即叫即燒有3款肉類選擇，小編揀左牛、豬、雞各一串，肉質唔乾配上特製馬拉沙嗲醬，甜甜地之餘帶有獨特香料味道。
♥️ 我知你啦薄餅 $52
店主幾有創意😆個名好搞笑，熱辣辣薄餅好香牛油味，外層金黃酥脆內裏煙韌，可以蘸香辣咖喱汁/牛肉汁，蘸醬汁食好惹味。
♥️ 馬來西亞茶（熱）$18
茶香突出口感幼滑，係一杯出色馬來西亞茶👍🏻
💕整體而言
食物味道唔錯，價錢相當親民，店員服務態度親切，唔會限時限刻趕人走，唯一不足係坐得近廚房會有啲嘈。
- - - - - - - - - - - - - - - - - - - - - - - - - - -
————————————♥———————————
🍽 捌哥‧馬拉籽
📍大圍積存街14號兆苑地舖
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#大圍 #大圍美食 #捌哥馬拉籽
#馬拉菜 #咖央多士 #沙嗲串燒
【澳門打卡笑臉雞蛋仔 - 獨有馬介休口味】
行緊去大三巴途中，誤打誤撞見到依間鋪頭有得賣笑臉雞蛋仔，貪得意買份黎試下。
店鋪除左雞蛋仔總有飲品同卡仕達牛角窩夫，店內設有堂食位置，食物即叫即整，所以等候時間比較長，小編等左20分鐘左右。
————————————♥———————————
- - - - - - - - - - - - - - - - - - - - - - - - - -
♥️ 蔥油麻薯馬介休雞蛋仔 $31
雞蛋仔上面印有表情造型，形狀同雞蛋🥚差唔多，有7款唔同口味選擇，小編揀左蔥油麻薯馬介休，職員話係佢地鋪頭獨有既口味，雞蛋仔外面鬆軟，內餡麻薯口感煙韌，馬介休味道唔算特出，咸味一閃即逝。
♥️ 朱古力卡仕達牛角窩夫🥐🧇 $28
牛角窩夫口感做得唔錯，酥脆而不油膩，朱古力醬冇乜朱古力味，整體甜度偏淡，唔係特別到一定要試。
- - - - - - - - - - - - - - - - - - - - - - - - - -
————————————♥———————————
🍽 PaPa Soup
📍高士德賈伯樂提督街55號繁榮大廈地舖
- - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#澳門 #澳門美食 #PaPaSoup
#笑臉雞蛋仔 #牛角窩夫 #馬介休
【澳門歐式風格Cafe - 高質鬆軟梳乎厘鬆餅】
【澳門歐式風格Cafe - 高質鬆軟梳乎厘鬆餅】
上網做哂功課見到依個Cafe既梳乎厘好評如潮，就特登黎試下，紅日晏就黎竟然唔洗排隊。
Cafe裝修偏歐式風格，環境寧靜幾舒適，座位都算闊落，晏就想靜靜地享受Me Time品嘗甜品，依間Cafe係唔錯既選擇！
————————————♥———————————
- - - - - - - - - - - - - - - - - - - - - - - - - -
♥️ 焙茶焦糖蘋果梳乎厘鬆餅 $118
梳乎厘即叫即整等約20-30分鐘，一上枱就聞到濃濃蛋香味，質地軟綿綿，唔會淨係食空氣咁，焙茶奶油茶味香濃，不過質感比較實，開頭以為係雪糕🙈，夾埋酸酸甜甜蘋果一齊食，味道變得清新。
♥️ 水果茶 $48
入面放左幾款當季水果，酸酸甜甜帶有茶香，清新又解渴。
♥️ 黑糖拿鐵 $40
第一啖飲落去甜甜地，慢慢開始滲咖啡味，有回甘味道。
- - - - - - - - - - - - - - - - - - - - - - - - - -
————————————♥———————————
🍽 Mr. Lady (高士德)
📍高士德高士德大馬路5-G號信佳閣地下C舖
🈺️：12:00-20:00
- - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#澳門 #澳門美食 #MrLady
#Cafe #梳乎厘 #水果茶
【澳門排長龍老字號麵店 - 必試人氣咖喱撈麵】
朝早11:00左右去到已經排緊差唔多2x人，的士司機話依間餐廳係幾好食，不過開關後太多遊客排，本地人就唔選擇食佢。
大約排左1個鐘就入座，鋪頭細細位置唔多，裝修同茶餐廳差唔多，好有懷舊風味，落完單大約等左15分鐘左右麵食終於到齊。
題外話：當日我聽到有幾枱女仔都話係小紅書見到水吧大隻仔💪🏻慕名而來😆事實係幾大隻既，大家有興趣可以留意下👀！
————————————♥———————————
- - - - - - - - - - - - - - - - - - - - - - - - - - -
♥️ 腸仔雞翼撈粗麵
見到個個都食腸仔，於是叫左個雙拼，腸仔炸到八爪魚咁🐙好得意，雞翼腌得好入味，肉質嫩滑，淨係腩汁撈都好好味。
♥️ 豬扒撈油麵
小編揀左加咖喱汁，咖喱味濃烈🌶️夠香夠辣，炸豬扒厚度適中啖啖肉，口感鬆軟，油麵掛汁彈牙，整個麵食好惹味。
💕美食其實好簡單，一碗簡簡單單既撈麵已經可以俘虜人心。
- - - - - - - - - - - - - - - - - - - - - - - - - - -
————————————♥———————————
🍽 百樂門粉麵店 (祐漢)
📍祐漢祐漢新村第一街16號
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#澳門 #澳門美食 #百樂門粉麵店
【澳門極高質葡國菜 - 必食香蒜炒鮮蜆】
黎到澳門必定要食餐葡國菜🇲🇴，係OpenRice見到依間餐廳，小編21:00黎到見到門口排長龍，職員話21:30 last order，如果21:30之前入唔到去就冇得食，排到21:25左右大家都好忐忑，好好彩截龍位置係小編後一枱，最終21:40順利入到去。
餐廳裝修以懷舊葡國風格為主，座位舒適闊落，職員好Nice大部分以英文溝通，完全冇因為就黎收工而趕落單催人走，可惜最出名既葡式燴海鮮飯已經賣哂。
————————————♥———————————
- - - - - - - - - - - - - - - - - - - - - - - - - - -
♥️ 欖油香蒜炒鮮蜆 $148 重點推介👍🏻
一上枱就聞到好香蒜蓉牛油味，蜆肉鮮甜冇沙，份量夠哂多，湯底好出色，超級多芫荽🌿唔食芫荽既人士要注意‼️
♥️ 薯蓉焗馬介休 $198
馬介休係鱈魚經鹽醃製而成，味道咸咸地，口感一絲絲有啲似乾瑤柱，軟綿綿薯蓉溝埋酸忌廉，酸酸地幾開胃。
♥️ 燴牛尾 $178
牛尾處理得幾好，燴得軟腍入味，將啲配菜沾牛尾汁食一流。
♥️ 燒羊扒伴薯條 $188
份量都幾多，一碟有3塊羊扒，外面燒得好香內裏肉質嫩口，濃烈香草味，食落有微微羶味。
♥️ Sangria (glass)RED $58
基本上每枱都必飲，飲落淡淡果味，紅酒味唔太濃烈，整體味道有啲似有汽梳打。
- - - - - - - - - - - - - - - - - - - - - - - - - - -
————————————♥———————————
🍽 船屋葡國餐廳
📍下環河邊新街289號
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#澳門 #澳門美食 #船屋葡國餐廳
#香蒜炒鮮蜆 #馬介休 #燴牛尾 #燒羊扒
【旺角純白水泥風’’窮‘’Cafe - 必試惹味煎腸粉😋】
旺角女人變化都幾大
以前專做遊客買賣生意多
而家好多小店都進駐女人街店鋪
餐廳分為上下兩層 以白色水泥風為主調
店員安排左二樓榻榻米位置
二樓空間感十足 座位寛敞
小編一般都怕咕𠱸污糟唔敢掂
今次咕𠱸目測好乾淨冇污漬😌坐得幾舒服
————————————♥———————————
- - - - - - - - - - - - - - - - - - - - - - - - - - - -
♥️ 慢煮牛面頰港式煎腸粉 $158
食物一上枱已經聞到濃濃花生香🥜
牛面頰份量多 牛肉味香濃 肉質嫩滑軟腍
沙嗲汁好惹味🌶️不過比較辣
唔食辣既朋友要留意啦！
依個菜式無論腸粉定牛面頰亦或係沙嗲汁
味道都不分高低 全部都好似主角咁
♥️ 車厘茄 巴馬火腿瑞可塔芝士多士 $78
酸種麵包入面有粒粒提子乾同果仁
切開麵包外圍脆身內裏軟熟
♥️ 濃爆 72% REAL朱古力鮮奶 $56
用牛奶樽裝著朱古力奶
另外有杯仔裝著一粒72%朱古力同棉花糖
店員建議先食朱古力嘗試原本味道
之後再品嘗手打朱古力奶 味道濃郁 唔會太甜
朱古力同牛奶比例岩岩好 唔會互相蓋過
♥️ 紅棗蘋果茶 $46
用精緻玻璃壺同杯盛裝☺️儀式感滿滿既養生茶
倒出黎時候聞到好香水果味同淡淡肉桂味
有一粒粒蘋果肉 味道酸酸甜甜 好開胃解膩
♥️ 不是飲品 涷檸茶 $78
好得意既甜品名🥰搞到小編好期待
原來係心太軟+ 🍋檸檬雪芭
心太軟入面係茶味流心餡 切開流心度剛好
雪芭味道酸酸甜甜
兩款甜品夾埋一齊食 味道好似凍檸茶
💕整體而言
店員服務態度唔錯☺️對菜式清晰了解
食物質素唔錯 環境舒適
一班朋友/閨蜜情侶黎食都好適合！
- - - - - - - - - - - - - - - - - - - - - - - - - - - -
————————————♥———————————
🍽 GRIND SIZE
📍旺角通菜街10號地舖
- - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #打卡Cafe #打卡餐廳
#旺角 #旺角美食 #GRINDSIZE
#慢煮牛面頰 #港式煎腸粉 #朱古力鮮奶
#紅棗蘋果茶 #心太軟
【元朗人氣石燒店 - 高質黑松露吉列牛🐃】
對上一次食依間餐廳，已經係幾年之前既事，其實我有啲怕食依一種石燒，因為食既時候會瘋狂彈到，今次都唔例外係咁彈到手😅！
星期日夜晚竟然唔洗等位，餐廳裝修以木系為主，燈光偏暗黃，餐桌剛好放到兩個石燒定食，唔會好逼夾。
💕依種石燒有個好處，燒到幾熟可以自己控制，滿足到我地需求不一既情侶。
————————————♥———————————
- - - - - - - - - - - - - - - - - - - - - - - - - - -
♥️ 秘燒黑松露吉列牛配定食 $196
(秘之飯素，楓糖流心蛋，日式大根湯〉
份量都多，吉列牛周邊包左一層黑松露麵包糠，外脆內軟，燒既時候有淡淡黑松露香，牛肉厚度適中。
♥️ 板燒安格斯牛小排配定食 $156
(秘之飯素，楓糖流心蛋，日式大根湯）
薄薄牛小排係石板上輕輕燒一燒，咬落去油香十足，牛味濃郁，質地柔軟。
⭐️提提大家：餐廳只收現金，平小帶現金出街既人士，要留意啦！
- - - - - - - - - - - - - - - - - - - - - - - - - - -
————————————♥———————————
🍽 秘
📍元朗教育路105號鴻運樓地下3號舖
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #HKFoodieBlogger
#香港 #香港好去處 #香港美食 #美食推薦
#HongKong #HKfood #HKfoodShare
#生日飯 #紀念日 #Cafe #餐廳
#元朗 #元朗美食 #秘
#石燒 #黑松露吉列牛 #安格斯牛小排
【荔枝角D2 Place - 性價比偏低日式餐廳】
見到門口張壽喜燒poster幾吸引，於是就入去試下，餐廳裝修以木系為主，侍應安排左我哋坐卡位，座位都幾闊落。
到埋單嘅時候發現原來有加一服務費，除左上菜係由侍應送餐，其他都係自助式，用QR code落單，水係自己斟，埋單都係自行出櫃面。
————————————♥———————————
- - - - - - - - - - - - - - - - - - - - - - - - - - - -
♥️ 豪華和牛肉壽喜燒定食 $198
牛肉壽喜燒唔係用熱鍋上，未食到一半已經開始凍，牛肉份量多，肉質嫩口，入邊有少量菜、豆腐、洋蔥、冬菇，壽喜燒汁偏甜，白飯可以任添。
♥️ 香蔥柚子蜆肉烏冬 $85
整個湯底冇乜柚子味，湯底清清地，蜆肉冇沙，烏冬煙煙韌韌。
♥️ 藍莓芝士忌廉窩夫🧇 $68
*即叫即製，需時15-20分鐘
睇相既時候以為係脆脆嗰果種窩夫，事實係熱香餅既質感，藍莓醬偏酸，芝士忌廉冇乜芝士味。
- - - - - - - - - - - - - - - - - - - - - - - - - - - -
————————————♥———————————
🍽 紅葉茶屋 @momijichayahk
📍荔枝角長順街15號D2 Place Two1樓110-111號舖
- - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #HKFoodieBlogger
#香港 #香港好去處 #香港美食 #美食推薦
#HongKong #HKfood #HKfoodShare
#生日飯 #紀念日 #Cafe #餐廳
#荔枝角 #荔枝角美食 #紅葉茶屋 #日式
【大坑泥水風高質Cafe - 必食豬柳蛋漢堡】
話說係香港生長左咁多年，第一次去大坑，原來有咁多餐廳。等男朋友泊車既時候，發現到依間Cafe💕，餐牌同環境都好吸引。
餐廳以簡約泥水風裝修，冇太多裝飾品佈置，入到去感覺好舒服，不過座位就迫咗少少。
————————————♥—————————————
- - - - - - - - - - - - - - - - - - - - - - - - - - - - - - - -
♥️ oma 豬柳蛋漢堡 $95
由自家製蕃茄香草麵包夾著豬柳漢堡、日本太陽蛋、車打芝士製成，豬柳唔會有好濃烈既味精味道，成個漢堡充斥着芝士香，整體發揮得好好！套餐包含椰菜花薯仔湯及沙律菜。
♥️ 雞皇闊條麵 $100
由天然無激素雞柳配上白菌、忌廉、墨西哥辣椒汁製成，雞胸肉嫩滑，麵質煙韌，忌廉汁Creamy加埋少少辣汁，令到成個菜式更惹味。
♥️ 單品巧克力🍫 $55
揀左秘魯(果香風味)，帶有微微苦澀，唔會好甜，朱古力味偏淡。
本來想試埋佢地既甜品，但係想食果款已經賣晒，唯有下次再黎食過。
- - - - - - - - - - - - - - - - - - - - - - - - - - - - - - - -
————————————♥—————————————
🍽 Oma Specialty Coffee @omacoffeeroaster
📍大坑浣紗街9號地舖
- - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #HKFoodieBlogger
#香港 #香港好去處 #香港美食 #美食推薦
#HongKong #HKfood #HKfoodShare
#生日飯 #紀念日 #Cafe #餐廳
#大坑 #大坑美食 #Oma #OmaSpecialtyCoffee
【元朗回頭率高火鍋店 - 世一澳洲和牛牛丸】
之前係荃灣分店食開，次次都排到人山人海，終於近近地係元朗YohoMall開左間🤩！
餐廳環境寬敞，今次坐卡位幾闊落，最欣賞空氣流通，唔會覺得比蒸氣圍攻，小編揀左澳洲極上和牛吃到飽2小時任食 $338/1人，先同職員揀湯底，之後就用QR code落單。
除左網站既食物飲品，總有個自助食品區同飲品區有更多選擇，醬料區有一個每次必食既醬料🧅洋蔥牛肉醬，香香微辣🌶️淡淡牛肉味，點牛肉食超正👍🏻。
————————————♥—————————————
- - - - - - - - - - - - - - - - - - - - - - - - - - - - - - - - - - -
♥️ 台中蒜頭雞鍋
湯底入邊有巨量蒜頭再加半隻雞，小編平時比較怕食煲湯既雞，驚啲肉會好”鞋”，依個雞鍋竟然保持嫩滑🤩。
♥️ 澳洲和牛牛丸 推介👍🏻
😍超…級…好…味！！！
依個套餐每人限定有一份(2粒)，一咬口滿滿肉汁，肉質彈牙，牛味超級香濃。
♥️ 新鮮沙白 推介👍🏻
沙白鮮甜，大隻無沙，肉質飽滿。
♥️ 牛胸爽
期間限定既食品，牛胸爽入口嫩滑，口感爽脆。
♥️ 安格斯牛小排
肉質柔軟，雪花均勻，油脂幾香。
♥️ 豬雪花肉片
豬肉片肉質爽口，味道有啲似豬頸肉。
♥️ 干貝鮮魚漿
鮮魚漿上面灑上干貝，軟綿綿既口感。
♥️ 期間限定-SRF美國黑牛牛腿肉 推介👍🏻
口感煙韌豐富，牛味濃郁，脂肪小分佈平均，岩哂小編鍾意食有咬口既牛肉。
♥️ 澳洲和牛M5牛肩卷
肉質冧身，油脂分佈平均。
♥️ 安格斯一口牛肉粒
♥️ 鮮甜海蝦
新鮮又大隻，肉質爽口彈牙。
♥️ 安格斯特選牛板腱
半肥半瘦，肉質較有彈性。
♥️ 梅甘酥脆薯 推介👍🏻
一試就愛上既小食，落左梅粉既炸番薯粒🍠。
♥️ 甜品有雪糕或者仙草凍
- - - - - - - - - - - - - - - - - - - - - - - - - - - - - - - - - - -
————————————♥—————————————
🍽 牛大人台灣火鍋吃到飽
📍元朗元龍街9號形點二期3樓A316號舖
- - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #HKFoodieBlogger
#香港 #香港好去處 #香港美食 #美食推薦
#HongKong #HKfood #HKfoodShare
#生日飯 #紀念日 #Cafe #餐廳
#元朗 #元朗美食 #牛大人 #台式火鍋
#打邊爐 #和牛 #牛小排 #牛胸爽 #牛腿肉
【沙田抵食台灣餐廳 - 湯麵湯底出色】
餐廳位於沙田偉華中心，主打台灣菜，主食有6款飯類/麵食選擇。
餐廳運作模式有啲似快餐店，先去櫃枱點餐付款，拎到牌仔就可以搵位入座，店員就會送餐。
—————————————♥———————————————
- - - - - - - - - - - - - - - - - - - - - - - - - - - - - - - - - - -
♥️ 台灣古早味烤豬肉湯麵🍜 $78
湯底清而不淡，麵條滑身，整體好好味。
♥️ 三杯蜜汁烤雞排便當 $76
雞排有甜甜蜜汁味，肉質非常嫩滑。
♥️ 追加小食：懷念鹽酥雞 $14
真材實料既鹽酥雞，炸粉偏薄，唔會食到成口粉。
♥️ 追加小食：鹽蒜四季豆 $14
微甜四季豆配上金黃色蒜蓉，幾惹味。
♥️ 茉香蘋果茶
擰開樽蓋就聞到淡淡茉莉香，飲落有啲微微蘋果甜，味道好清新。
♥️ 油切綠茶
味道發揮正常，大大樽，好抵飲。
- - - - - - - - - - - - - - - - - - - - - - - - - - - - - - - - - - -
—————————————♥———————————————
🍽 小胖台灣便當 @chubbybento.hk
📍沙田沙田正街11-17號偉華中心2樓3B-3C號舖
- - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#hkfoodie #hkfoodieBlogger
#香港 #香港好去處 #香港美食 #美食推薦
#hongkong #hkfood #hkfoodShare
#生日飯 #紀念日 #cafe #餐廳
#沙田 #沙田美食 #小胖台灣便當 #台灣菜
#炸豬肉 #鹽酥雞 #便當 #冷泡茶
【旺角懷舊風味 - 香港街頭小食】
朋友話想食鼓油皇炒麵，上OpenRice搵到依間有，於是就黎試下。
餐廳位置好方便，地鐵E出口行前少少就係。
鋪頭裝修有種香港懷舊風味，食物款式多樣化，落單需要填紙仔，所有串燒即叫即燒。
本來諗著食埋豆腐花，點知已經賣哂，店員話一過左晏就時間就唔會有，見到咁好賣，更加心思思想食😂。
————————————♥———————————————
- - - - - - - - - - - - - - - - - - - - - - - - - - - - - - - - - - -
♥️ 腸粉 (Rice Rolls) $20
店員已經落左豉油，醬料自行調配，鍾意多麻醬既我可以瘋狂落🥰，麻醬唔夠香，腸粉都幾滑。
♥️ 豉油皇炒麵 (Fried Noodle) $20
大大碟炒麵，有大量芽菜，唔會乾爭爭。
♥️ 印尼捞麵 (Indomie) $20
冇乜特別就係一個普通既Indomie。
♥️ 燒豬頸肉 (Grilled Pork Cheek)$25
肥瘦適中，落左孜然粉燒，口感爽脆。
♥️ 燒墨魚丸 (Grilled Cuttlefish Ball) $20
調味岩岩好，不過粉味太重，冇乜墨魚味。
♥️ 燒菠蘿(Crilled pineapple) $25
依個係我最近食過最出色既燒菠蘿，面頭有層脆脆地既焦糖，菠蘿多汁冇渣，總好貼心切開一塊塊，食果啲超方便🫶🏻。
- - - - - - - - - - - - - - - - - - - - - - - - - - - - - - - - - - -
————————————♥———————————————
🍽 八公 @8kung_mongkok
📍旺角奶路臣街6A-6E號地舖
- - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#hkfoodie #hkfoodieBlogger
#香港 #香港好去處 #香港美食 #美食推薦
#hongkong #hkfood #hkfoodShare
#生日飯 #紀念日 #cafe #餐廳
#旺角 #旺角美食 #八公
【曼谷必去迷你馬爾代夫 · 漂浮主題Cafe】
依間Cafe最近爆人氣，去過通通都讚好👍🏻
聽聞一開門已經開始排隊啦
我一落機就Call左車過黎，車程1個鐘
12:00左右去到，都有4-5組人等緊
其後陸續多人，有5成都係香港人
職員會問你想坐室內定室外
之後會俾張飛仔安排坐係側邊等嗌號碼
等左15-20分鐘左右就入得去啦
一入到去嘩左一聲，置身係世外桃源咁🤩
藍色既水池靚到不得了😍😍😍
職員安排左我坐樓下，有個鞦韆位打卡
唯一不足係場地好大，職員數量有限
等佢地俾餐牌落單需要耐心等待⌛️
搞笑小插曲🤪職員係咁同我講泰文
我同佢講Hong Kong🇭🇰 佢話okok
之後俾左個泰文餐牌我😂
最後靠偉大Google translate先睇得明
—————————————♥———————————————
- - - - - - - - - - - - - - - - - - - - - - - - - - - - - - - - - - -
♥️ 52.招牌咖喱炒軟殼蟹 ฿319
咖哩微微辣，炸過既軟殼蟹上枱已經淋哂，如果保留小小脆口會天好味。
♥️ 103.招牌烤豬頸肉 ฿159
有種食緊半肥瘦蜜汁叉燒既口感。
♥️ 131.松露鹹牛肉炒飯 ฿599
輕微黑松露香味，牛肉偏乾身，炒飯粒粒分明，整體味道唔錯。
♥️ 162. Mango Cheesecake Signature Smoothie ฿189
♥️ 169. Thai Tea Lod Chong Smoothie ฿169
強烈推介✨✨✨
整體食物質素好高，任何一個位置📸影相都好靚
男朋友都激讚環境好Chill，食下攤下係到Stay幾耐都冇問題
🚖雖然離市區比較遠，Call Grab都好多車黎接
- - - - - - - - - - - - - - - - - - - - - - - - - - - - - - - - - - -
—————————————♥———————————————
🍽 Bubble In The Forest Cafe @bubbleintheforest
📍 Sam PhranPhutthamonthon Sai 5 Road, Soi Charoen Tha, Bang Toey, Nakhon Pathom
營業時間：10:00-21:00
- - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#hkfoodie #hkfoodieBlogger
#泰國 #thailand #曼谷 #bangkok
#曼谷美食 #cafe #打卡 #bubbleintheforestcafe
【曼谷高CP值💆🏻♀️四手泰式按摩】
隔左幾年冇去泰國🇹🇭 最最期待一定係按摩💆🏻♀️今次行程緊密啲 想用最短既時間享受雙重放鬆
於是就Book左Let’s Relax四手泰式按摩
今次係KKday購買再用email預約時間
預約提供訂單編號、預約時間日期📅、分店、購買療程項目
手續超級方便 收到確認電郵就完成架啦！
去到店舖出示KKday購買憑證
職員會嘟一嘟QR code
之後係側邊飲杯茶等待按摩師接待
首先接摩師會幫你洗腳 再帶入房換衫
換好就開始按摩之旅🥰
—————————————♥———————————————
- - - - - - - - - - - - - - - - - - - - - - - - - - - - - - - - - - -
♥️ 兩人四手泰式按摩(60分鐘) HK$302
Four-Hands Thai Massage (60min)
全程會有兩位按摩師按摩
開頭以為係一個按左邊一個右邊
原來係一個按上身一個按下身
兩位按摩師配合得幾好 節奏一致
按摩手法同一般泰式按摩大同小異
成個過程超級舒服🫶🏻按左10幾分鐘就訓著左
雖然只係按左60分鐘
身體放鬆程度好似按左120分鐘咁
因為我地項目過左指定金額
就送左芒果糯米飯🥭超級超級好味道🤤
🌟強烈建議大家上飛機果日可以去試下
用最短時間享受雙重舒服按摩
- - - - - - - - - - - - - - - - - - - - - - - - - - - - - - - - - - -
—————————————♥———————————————
🍽 Let’s Relax (Bangkok Terminal 21 Asoke)
📍6th Floor Hollywood Terminal 21 Shopping mall 2, 88 Sukhumvit Soi 19 (Wattana) Sukhumvit Road North Klongtoei, Wattana, Bangkok Thailand
開放時間：10:00-24:00
- - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#hkfoodie #hkfoodieBlogger
#生日飯 #紀念日 #cafe #餐廳
#泰國 #thailand #曼谷 #bangkok
#letsrelax #曼谷按摩 #按摩 #四手按摩
【元朗日底拉麵小店🍜奶白色豚骨湯底】
依間拉麵店🍜開左好多年，一直都想黎試下，鋪頭位於元朗建業街，門口掛著大燈籠🏮，店內裝修以深木色會主調，有種日本小店感覺。
係OpenRice見到收11點，10點左右入到舖頭，廚房有位男士應該係老闆示意我地可以入座，但侍應就望著我地冇反應，直至老闆係廚房走出黎招呼我地坐底，侍應先至俾餐牌同水，侍應服務有種趕客感覺。
—————————————♥———————————————
- - - - - - - - - - - - - - - - - - - - - - - - - - - - - - - - - - -
♥️ 白前 $79
奶白色既豚骨湯底，唔會好油膩，配料有叉燒、溏心蛋、筍、黑木耳、蔥，粉紅色叉燒肉質軟熟，整體食完都幾口乾，有啲重味精。
♥️ 海鳴 $92 加叉燒$26
湯底較白前濃郁，重口味人士之選，配料有虎蝦、帆立貝、黑木耳、碎海苔、京蔥，帆立貝幾大粒，虎蝦肉質爽口。
♥️ 日式醬油豬軟骨 $48
有3-4塊豬軟骨，味道偏甜，煮得好夠淋同入味。
♥️ 吉列池魚 $48
新鮮炸起熱辣辣，金黃色既外表好吸引。
- - - - - - - - - - - - - - - - - - - - - - - - - - - - - - - - - - -
—————————————♥———————————————
🍽 一人前拉麵
📍元朗建業街7號地下
- - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#hkfoodie #hkfoodieBlogger
#香港 #香港好去處 #香港美食 #美食推薦
#hongkong #hkfood #hkfoodShare
#生日飯 #紀念日 #cafe #餐廳
#元朗 #元朗美食 #一人前拉麵 #日式
#拉麵 #豬軟骨 #池魚
【泰國🇹🇭人氣甜品店 - 遊泰必食最幼細刨冰】
After You係曼谷有成幾十間分店，疫情前每次 黎到Terminal 21分店都要排一段時間先食到，今次早黎到就唔洗排隊。
—————————————♥———————————————
- - - - - - - - - - - - - - - - - - - - - - - - - - - - - - - - - - -
♥️ Baby milo kakigori ฿185
痴線😍😍😍依間刨冰真係好好好味
依個Baby Size兩個人食岩岩好，刨冰🧊好綿密幼細，口感細緻，面頭有奶蓋，美祿味濃烈到好似真係飲緊一杯美祿咁，刨冰中間有5-6粒麵包粒，另額外有朱古力醬俾客人自行添加，係泰國真係抵食好多👍🏻。
- - - - - - - - - - - - - - - - - - - - - - - - - - - - - - - - - - -
—————————————♥———————————————
🍽 After You (อาฟเตอร์ ยู) @afteryoudessertcafe
📍 Khlong Toei Nuea Terminal 21, 1st Floor, Soi Sukhumvit 19, Sukhumvit Road, Watthana, Bangkok
每日營業：10:00 – 21:00
- - - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#hkfoodie #hkfoodieBlogger
#生日飯 #紀念日 #cafe #餐廳
#泰國 #thailand #曼谷 #bangkok
#terminal21 #afteryou #甜品 #刨冰 #美祿 #milo
【曼谷全白大浴缸🛁網紅打卡酒店】
最近係YouTube見到好多人介紹，白色大浴缸打卡好似好靚咁，就Book左住一晚For影靚相📸️。
——————————————♥———————————————
- - - - - - - - - - - - - - - - - - - - - - - - - - - - - - - - - - -
酒店同摩天輪夜市好近，大概行10分鐘左右就到，夜晚10點幾Check In ，前台職員好有禮貌，職員主動幫我地拎行李🧳上樓，上到去景觀麻麻地，同對面住宅太近距離。
入到房同傳聞中一樣，樓底都幾高，浴缸又大又靚，洗好左個浴缸就預備浸浴，浸左一陣間泡泡浴，發現浴缸底有啲污糟😨，但明明岩岩先洗得乾乾淨淨。
驚嚇既事就發生，原來係浴缸隔污糟野個塞跌左出黎，浴缸底勁多黑色一點點同埋頭髮🤮🤮🤮，嚇到我即刻跳左起身，男朋友諗著整返個塞入去啦，點知個塞係吸唔實架🤦🏻♀️只係輕輕插著係到。
到而家都總係好有心理陰影🥺，諗返起都毛管戙，下次會醒目啲買浴缸套先浸。
⭐️ 提提大家
☀️朝早有太陽射入黎影相📸️靚好多，所以想影多啲靚相就早啲Check In啦！
- - - - - - - - - - - - - - - - - - - - - - - - - - - - - - - - - - -
——————————————♥———————————————
🏨 Hotel Once Bangkok 曼谷文思酒店
📍 2074/99 Soi Charoenkrung 72/2, Wad Phrayakrai, Bangkorleam, Bangkok 10120, Bangkok Riverside, Bangkok, Thailand, 10120
- - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#hkfoodie #hkfoodieBlogger
#生日飯 #紀念日 #cafe #餐廳
#泰國 #thailand #曼谷 #bangkok
#曼谷酒店 #打卡酒店
【曼谷綠洲水療體驗 - 在鬧市中尋找寧靜】
第一次體驗Oasis 感覺好好👍🏻
從迎賓到按摩再到離開 服務非常到位
Oasis係BTS PromPong站有接送服務
因為我地係偏遠地區所以自行Call Grab
到埗既時候職員係大門迎接我地
帶我地行一條小樓梯👣去接待處
入到門口燈光柔和舒服😌環境幽靜
職員招呼我地坐低 奉上熱茶🍵同毛巾
今次療程係Klook 購買 再自行打電話預約
預約後會收到確認電郵📧
接待員scan購買QR code📝再俾一份表格填寫
內容主要填寫力度、重點按摩位置、病歷等等
私人房間只容納二人👫🏻空間好大
每間房間均設有淋浴間，衛生間
淋浴間有兩個花灑🚿可以二人同時沖涼
——————————————♥———————————————
- - - - - - - - - - - - - - - - - - - - - - - - - - - - - - - - - - - -
♥️ 綠洲帝王按摩 King of Oasis 120分鐘
兩小時帝王按摩💆🏻♀️用草球加香薰按摩方式進行，首先用泰式草藥球沿著肌肉熱敷，再用熱油按摩，
♥️ 綠洲女王按摩 Queen of Oasis 120分鐘
兩小時女王按摩，結合東西方按摩手法，用熱石加香薰按摩方式進行，主要為女性保健，過程中按摩師會重點按女性腹部，按摩結束🔚子宮有種暖立立感覺，手腳冰冷、宮寒女士可以一試。
結束按摩後 接待員會問你之後去邊
然後幫你安排Call Grab
司機到達後 接待員會送你出門口上車
如果尋求高質按摩體驗，Oasis係一個好好既選擇👍🏻
- - - - - - - - - - - - - - - - - - - - - - - - - - - - - - - - - - - -
——————————————♥———————————————
💆🏻♀️ Urban Oasis Spa (Thonglor20)
💆🏻♀️ 曼谷綠洲水療館 (大都會店)
📍 Urban Oasis Spa, Thonglor is located at 59 Soi Ekkamai 21, Khlong Tan Nuea, Watthana, Bangkok
🗓️每日營業: 10:00 - 22:00
- - - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#hkfoodie #hkfoodieBlogger
#泰國 #thailand #曼谷 #bangkok
#曼谷按摩 #水療 #bodymassge
【葵廣必食之選 - 烤焗炸樣樣齊】
相信大家對依間烤焗工房都唔陌生，由TOP世界搬左出黎，生意明顯旺左好多，不過員工態度照舊冷淡，炸物、意粉都好出色，我最欣賞意粉系列。
——————————————♥———————————————
- - - - - - - - - - - - - - - - - - - - - - - - - - - - - - - - - - - -
♥️ 芝士蒜香煙鴨胸意粉🍝 $41
一拎到手即刻聞到濃烈蒜香味，芝士燒到焦香，半溶芝士包著一條條意粉，夾起時有拉絲效果，意粉份量都幾多，兩個人食剛好。
- - - - - - - - - - - - - - - - - - - - - - - - - - - - - - - - - - - -
——————————————♥———————————————
🍽 烤焗工房 @Bakegrillk
📍葵芳葵富路7號葵涌廣場3樓33-36號舖
有任何試食🥰歡迎大家inbox我！
- - - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#hkfoodie #hkfoodieBlogger
#香港 #香港好去處 #香港美食 #美食推薦
#hongkong #hkfood #hkfoodShare
#生日飯 #紀念日 #cafe #餐廳
#葵芳 #葵涌廣場 #葵芳美食 #烤焗工房 #意粉
【尖沙咀惹味口水雞 - 原來同🍉可以咁夾】
鍋點位於K11 Musea，之前已經食過一次，佢既麻辣汁令我一試難忘，於是又去食下，店員知道我鍾意麻辣汁，就推薦我食口水雞，當刻果斷決定就食依個。
——————————————♥———————————————
- - - - - - - - - - - - - - - - - - - - - - - - - - - - - - - - - - - -
♥️ B9 大紅西瓜口水雞飯 $88
落單既時候俾麻辣汁蒙蔽雙眼😂，到拎餐時望到西瓜🍉係口水雞隔離，先開始擔心會唔會好怪。
第一啖先食沾左麻辣汁既西瓜，完全估唔到可以咁夾喎😯，西瓜既甜同麻辣汁既麻辣，兩個味道冇排斥之餘反而提升左大家既味道，好有驚喜🤗
口水雞肉質唔算嫩滑，麻辣汁係依道菜竟然變得冇咁好食🤔，有陣辣到苦苦地既味道，對比返上次食和牛更突出到麻辣汁既香。
- - - - - - - - - - - - - - - - - - - - - - - - - - - - - - - - - - - -
——————————————♥———————————————
🍽 鍋點
📍尖沙咀梳士巴利道18號Victoria Dockside K11 MuseaB2樓B203號舖
有任何試食🥰歡迎大家inbox我！
- - - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#香港 #hongkong #香港好去處
#hkfoodie #hkfoodieBlogger #hklover
#hkfood #hkfoodpic #hkfoodShare
#香港美食 #香港小食 #美食推薦
#生日飯 #紀念日 #cafe #餐廳
#尖沙咀 #尖沙咀美食 #鍋點
#川味 #西瓜口水雞 #口水雞
【元朗墨綠色復古餐廳🫖精緻英倫風下午茶】
Couple's Kitchen位於元朗市中心，裝修以墨綠色歐陸復古風為主，環境舒適😌，進入用餐位有個半拱門設計既門口，設計份外高貴，座位相當寛敞，適合同閨密、情侶一齊近近地黎食下午茶🫖傾下偈。
今日同男朋友叫左AFTERNOON TEA SET，價錢經濟實惠，靚靚既食物需要耐心等待，即叫即整，製作時間需要30分鐘。
——————————————♥———————————————
- - - - - - - - - - - - - - - - - - - - - - - - - - - - - - - - - - - -
♥️ COUPLE'S AFTERNOON TEA $298
For 2 (Bird Cage Tea 1set)配雀籠花茶1套
粉紅色雲石紋茶杯套裝好適合打卡，鍾意影相📸️既我，愛不釋手影左好多張😆，花茶味道帶點酸酸地，非常適合中和甜點既甜味。
英式提子鬆餅
提子鬆餅牛油味十足，外表酥脆內裏口感鬆軟，配上蘋果醬，酸酸甜甜地更開胃。
迷你窩夫餅(士多啤梨味)
精選泡芙(雲呢拿味)
法式馬卡龍 (檸檬味🍋、開心果味)
迷你薄荷朱古力蛋糕
日式蜜瓜卷
甜點我最鍾意♥️日式咖啡卷，香濃咖啡味，甜而不膩，迷你薄荷朱古力蛋糕有驚喜，起初以為質感鬆軟，原來係煙煙韌韌，口感幾特別。
黑松露芝士雜菌焗酥盒
鵝肝多士配無花果醬
精選風味撻
藜麥沙律五色杯
三文魚籽蟹肉伴脆餅
鹹點個人最推介♥️三文魚籽蟹肉伴脆餅，三文魚籽用圓形鐵盒裝著，矜貴度🆙🆙🆙！份量隨著個人喜好添加，加上鮮甜蟹肉，份外好味🤤，總有黑松露芝士雜菌焗酥盒都唔錯，黑松露味道濃郁，加上芝士雜菌內餡，味道更香濃。
- - - - - - - - - - - - - - - - - - - - - - - - - - - - - - - - - - - -
——————————————♥———————————————
🍽 Couple's Kitchen (元朗) @coupleskitchenhk
📍 元朗教育路63-69號福照樓地下2-3號舖
有任何試食🥰歡迎大家inbox我！
- - - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#香港 #hongkong #香港好去處
#hkfoodie #hkfoodieBlogger
#hkfood #香港美食 #香港小食 #美食推薦
#生日飯 #紀念日 #打卡餐廳 #coupleskitchen #多國菜 #歐陸式 #burger #扒房 #德國脆皮豬手 #食在元朗 #元朗美食 #氣酒 #手工啤 #紅酒 #特飲 #couplesdate #carpediem
"令人失望的麻糬曲奇"
【令人失望😔麻糬曲奇】
Twinkle Baker Decor港九新界設有超過10間門市，以靚靚造型蛋糕成名成為人氣蛋糕店，前排推出麻糬曲奇，曲奇餅同麻糬夾埋係點架呢🤔？
QQ麻糬曲奇有6款口味選擇：
❀岩鹽朱古力
❀榛子
❀宇治抹茶
❀伯爵茶
❀黑芝麻 ⇢ 新產品🆕
❀摩卡咖啡 ⇢ 新產品🆕
——————————————♥———————————————
- - - - - - - - - - - - - - - - - - - - - - - - - - - - - - - - - - - -
每件都用小袋仔裝著，上面印左麻糬貓貓🐱被人摵既樣，好可愛😍，曲奇餅屬於正常Size，一摵開就見到拉絲既QQ麻糬，口感煙韌，但餅皮就……純粹試過就算
♥️ 岩鹽朱古力QQ麻糬曲奇🍪 $28
Chocolate With Rock Salt QQ Mochi Cookies
可可味並唔濃郁，微微甜，岩鹽好低存在感，甚至有一刻覺得唔存在。
♥️ 榛子QQ麻糬曲奇🍪 $28
HazeLunt QQ Mochi Cookie
榛子🌰同朱古力差唔多味，完全冇榛子獨特既味道。
- - - - - - - - - - - - - - - - - - - - - - - - - - - - - - - - - - - -
——————————————♥———————————————
🍽 Twinkle Baker Decor @twinklebaker
📍尖沙咀河內道18號K11購物藝術館B1樓101B號舖
有任何試食🥰歡迎大家inbox我！
- - - - - - - - - - - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#香港 #hongkong #香港好去處
#hkfoodie #hkfoodieBlogger #hklover
#hkfood #hkfoodpic #hkfoodShare
#香港美食 #香港小食 #美食推薦
#生日飯 #紀念日 #cafe #餐廳
#尖沙咀 #尖沙咀美食 #twinklebakerdecor
#麻糬曲奇 #岩鹽朱古力 #榛子
【葵芳屋邨木系Cafe - 食物質素有待提升】
Cafe位於屋邨商場地鋪，係葵涌廣場斜對面，葵芳地鐵站行2分鐘左右就到，不設訂座，假日有機會需要等位。
裝修以白色拼木系為主調，唔會過於花巧，簡簡單單感覺幾舒適，當日侍應安排左Bar枱位置，矮小既小編平時一定Say No，點解今次又肯坐，因為張凳有得較高低，依個位幾貼心。
————————————♥———————————
- - - - - - - - - - - - - - - - - - - - - - - - - - -
♥️ 古法卡邦尼亞意粉🍝 $118
有別於一般食開港式味道，古法卡邦尼做法蛋黃+煙肉+芝士+意粉mix埋一齊。意粉擺盤好靚，令到小編期望都高左，醬汁太濃稠完全冇蛋香味，煙肉偏咸。
♥️ 蒜香雞翼 加配$20
蒜味濃郁🧄雞翼煎得香脆，味道雖然唔錯但如果知道係$20/2隻係唔會加配既。
♥️ 法國黑松露蘑菇貓耳朵粉 (素) $98
醬汁調味唔錯，不過橄欖油落得太多，未食到一半已經覺得膩，而且貓耳朵粉非常掛汁，就係因為依個特質令到油膩感加強左。
♥️ 牛奶咖啡☕️ $42
Latte上面有個靚靚拉花，味道正常冇乜特別。
♥️ 焦糖咖啡(冷) $60
飲品一上枱有種好邪惡既感覺，上面有幾粒爆谷加焦糖醬，咖啡味不太濃郁。
整體環境唔錯適合打卡，本來諗著食完正餐叫甜品，但食物味道好一般，所以放棄左，價格偏貴同食物質素唔成正比，用餐時間有限制🚫唔適合聚會傾偈。
- - - - - - - - - - - - - - - - - - - - - - - - - - -
————————————♥———————————
🍽 ROSIE
📍葵芳興芳路177號葵芳廣場地下18號舖
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#葵芳 #葵芳美食 #ROSIE
#古法卡邦尼亞 #蒜香雞翼 #貓耳朵粉
【元朗貓頭鷹西餐廳 - 和牛漢堡值得一試】
餐廳位於橫街小巷，鄰近永順食店，裝修格調同一般西餐廳差唔多。
侍應聲稱室內滿座需要等位，但眼見有幾張枱都冇人坐，小編揀坐室外就可以即時入座。
————————————♥———————————
- - - - - - - - - - - - - - - - - - - - - - - - - - -
♥️ 前菜 - 甘筍湯+牛角包
♥️ 雙層芝士和牛漢堡 $128
每款午餐可以揀兩款配菜，小編揀左甜蕃薯角、露筍，麵包鬆軟🍔 和牛食落幾香，漢堡Size偏大個，一個女仔食都幾飽。
♥️ 紐西蘭西冷扒 $178
配菜揀左露筍、芝士瘋薯加$25，上枱既時候見到薯條呆左😨，加左$25就係多左幾滴芝士醬，真心覺得好唔抵！
西冷扒揀左七成熟，廚師火候控制得幾好👍🏻剛好七成熟，成塊扒肉質柔軟但冇乜牛味，調味亦相當不足。
- - - - - - - - - - - - - - - - - - - - - - - - - - -
————————————♥———————————
🍽 The Yell-Owl Seafood And Grill
📍元朗泰利街1-29號大興大廈地下6-7號舖
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#元朗 #元朗美食 #西餐 #TheYellOwlSeafoodAndGrill
#和牛漢堡 #紐西蘭西冷扒
【旺角型格樓上酒吧 - 🌕月球下的約會】
意想不到係旺角商業大廈入面有間咁有情調既酒吧，驚喜😍！
裝修幾特別，設有室內區及半戶外區座位，室內區天花板佈滿160盞白色同粉色波波燈，座位好舒服。半戶外區燈光較暗偏向型格，感覺比較Chill。
————————————♥———————————
- - - - - - - - - - - - - - - - - - - - - - - - - -
♥️ French Fries with Truffle Mayo $68
脆卜卜薯條面頭灑上海苔粉，蘸上黑松露蛋黃醬別有一番風味。
♥️ Fried Chicken Wings with Teriyaki Mayo $72
單骨雞翼🦴外皮薄脆，味道微辣🌶️好惹味。
♥️ J.moon Pizza $148
薄批餅底脆度剛好，中間有好大粒流心蛋，芝士番茄醬配上火箭菜、蘑菇、意大利香腸、水蜜桃，酸酸甜甜好開胃。
♥️ Tomato and XO Cream Sauce Spaghetti with Scallop $138
番茄加XO醬既味道出奇地有種龍蝦汁既味道🤩，意粉烹調得軟硬適中，有幾隻帶子，味道唔錯。
🌕J.moon主打精心設計Cocktail，✡️十二星座Cocktail都係特色之一，每款都有獨有語錄講述星座故事，睇返自己星座既語句都幾有意思。
♥️ Gemini $108
依款雙子座♊️係J.moon獨家調配沙冰Cocktail，一杯飲品兩種口感，飲落酒精味偏重，濃烈薄荷同青蘋果味🍏。
♥️ Aquarius $108
由職員了解左小編喜好而推介，小編平時飲開Snow Ball亦係少飲酒人士，依款水瓶座♒️雞尾酒就岩哂，用左乳酪底加蘋果檸檬🍋調製，酒精濃度偏低，味道酸酸甜甜，好易入口。
總結✨ 食物質素有驚喜，環境氣氛好好，室內好適合情侶閏蜜食野談心，一大班朋友就可以選擇半戶外區Chill下。
- - - - - - - - - - - - - - - - - - - - - - - - - -
————————————♥———————————
🍽 J.moon
📍旺角西洋菜南街1A-1K號百寶利商業中心4樓10-11號舖
- - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#旺角 #旺角美食 #Jmoon
#露天酒吧 #shisha #shishaland #Cocktail
【觀塘高質韓國餐廳 - 激推！溶岩芝士炸雞】
係觀塘處理完事務，屋企人提起想食拉絲芝士，係OpenRice見到依間韓國餐廳可以滿足佢地，於是就去左食晚飯。
晚飯時段都幾多食客，餐廳裝以開放式裝修，食物款式都幾多選擇，價錢唔貴，食物質素唔錯。
————————————♥———————————
- - - - - - - - - - - - - - - - - - - - - - - - - - -
♥️ 溶岩芝士炸雞麵包 $168 推介👍🏻
賣相有啲似布甸麵包，將香脆炸雞放入麵包，拎出黎就變成芝士炸雞🍗，芝士味非常濃郁，拉絲程度一流，切開麵包入邊鋪滿芝士🧀️，非常滿足到作為芝士控既小編。
♥️ 芝士大醬雞翼鍋烏冬 $68
烏冬麵質滑身，揀左番茄湯底，酸酸甜甜幾開胃。
♥️ 辣炒豬肉石鍋飯 $88
熱辣辣既石鍋盛著泡菜、豬肉、白米飯，醬汁自行加入飯內拌勻，醬汁味道比較辣而且重口味，配搭埋豬肉一齊食幾惹味。
♥️ 明蝦辣拌麵 $88
麵質有嚼勁配上辣醬配料，甜甜辣辣幾過癮！
♥️ 炸芝士薯條 $28
即炸脆口幼薯條，上面灑滿芝士粉同芝士醬🧀️芝士味道濃郁，芝士迷必食。
♥️ 蜜糖朱古力窩夫🧇 $78
窩夫鬆脆香口，配埋雪糕食味道唔錯。
♥️ 凍比利時朱古力 $36
一上枱摸到個杯係熱既，冰塊🧊好快就溶晒，搞到杯朱古力好淡口。
♥️ 紅柚荔枝梳打 $55
將玻璃樽裝既梳打插係杯入邊，賣相好適合打卡，依款Soda入落冇乜氣，味道酸酸甜甜。
- - - - - - - - - - - - - - - - - - - - - - - - - - -
————————————♥———————————
🍽 小火焰韓式咖啡廳
📍觀塘觀塘道410號觀點中心1樓1號舖
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#觀塘 #觀塘美食 #小火焰韓式咖啡廳
#炸雞 #辣拌麵 #石鍋飯 #溶岩芝士
【澳門歷史悠久上海酒菜館 - 咸肉豆腐湯值得一試】
朋友介紹依間餐廳既片皮鴨好食，於是就黎試下，小編冇預約所以都怕片皮鴨賣哂，好彩總有一隻。
餐廳裝修偏向酒樓風格，冇太大特色而且偏舊，座位闊落，餐牌有好多款菜式選，酒菜館係會收茶芥，價錢成為$15/1位。
————————————♥———————————
- - - - - - - - - - - - - - - - - - - - - - - - - - -
♥️ 烤北京填鴨兩食 $420
◾️ 北京片皮鴨
上枱見到有啲失望，用兩隻碟盛著，每隻碟分別有九塊鴨皮，淨係得皮一啲肉都冇，食落口全是油，冇乜鴨香，唯一欣賞餅皮好滑身。
◾️炒鴨鬆
用生菜🥬包著鴨肉食，炒得唔錯，唔會過油/過濕。
♥️ 京蔥爆牛肉 $108
好香京蔥味，牛肉唔會韌。
♥️ 回鍋黑豚肉 $108
♥️ 蒜泥白肉卷 $88
五花肉包著青瓜🥒淋上蒜泥醬汁，白肉肥瘦相連，口感Q彈。
♥️ 咸肉豆腐湯 $148 推介👍🏻
全餐飯最出色🏆，份量夠7個大人飲，豆腐嫩滑，咸肉味道岩岩好令湯味道昇華不少。
♥️ 肉絲炒麵 $98
♥️ 瑤柱蛋白炒飯 $118
♥️ 小籠包 $110
上海菜必食既小籠包，一籠有六隻，外皮厚薄適中，入面有滿滿湯汁。
- - - - - - - - - - - - - - - - - - - - - - - - - - -
————————————♥———————————
🍽 四五六上海酒菜館
📍南灣葡京路2號澳門葡京酒店新翼閣樓(2樓)
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#澳門 #澳門美食 #四五六上海酒菜館
#上海菜 #北京填鴨 #蒜泥白肉 #小籠包
【元朗屏山隱世食店 - 一試難忘特式肉餅】
餐廳位於屏山，位置比較偏係圍村入面，搭交通工具需要行一段路，店鋪裝修有種住家感覺，食飯時間有機會要等位。
睇到Menu會嚇親🙈各式各樣類型肉餅都齊全，有一般中式傳統口味，亦有一啲你諗唔到既西式口味，有創意到連生果口味既肉餅都有。
————————————♥———————————
- - - - - - - - - - - - - - - - - - - - - - - - - - -
♥️ 黑椒煙肉煎肉餅飯 $51
肉餅份量十足，火候控制得幾好，外皮煎得香口脆身，入面仍然保留到肉汁，食到淡淡🥓煙肉香味，唔需要加豉油已經好夠味。
- - - - - - - - - - - - - - - - - - - - - - - - - - -
————————————♥———————————
🍽 屏山老地方
📍元朗屏山塘坊村32-33號地下
- - - - - - - - - - - - - - - - - - - - - - - - - - -
#微胖女孩的食記 #有伏我中先 #用心品嚐
#HKFoodie #香港 #香港好去處
#香港美食 #美食推薦
#HongKong #HKfood #HKfoodShare
#生日飯 #紀念日 #Cafe #打卡餐廳
#元朗 #元朗美食 #屏山老地方 #肉餅