https://hk.trip.com/moments/tag-38519-urbanexplorer/
暑假好去處|澳門新濠影滙🇲🇴
全澳門最大 #urbanexplorer 新濠影滙 #水上樂園
設有室內同戶外兩個園區任您探索
室內無懼任何天氣🎪戶外暢享陽光🌞
多個水上設施滿足鐘意玩水又追求刺激嘅你🔫💦
更有適合小朋友盡情放電嘅水上嬉戲區域⚡️
一家大細一齊創造刺激難忘嘅回憶👪
🔻🔻新手指南必玩推介🔻🔻
【🎪室內園區】
#藍月噴泉 的陣陣波浪絕對可以帶來至chill體驗!
長達246米的 #星空激流 更有多個水上景點和游戲可以玩耍🌊
【👙戶外園區】
挑戰高達20米的 #沖天水龍捲
近乎極速的垂直落差和離心力滿分的#超旋風🌪️
更有刺激滿Fun的 #黃金大水桶 🪣
十分適合鐘意同陽光玩遊戲的你🌞
《#新濠影滙水上樂園》
📍澳門路氹填海區路氹城大馬路與路氹連貫公路交叉口
🎫普通日子|標準HKD 470;小童HKD 320
🎫特定日子|標準HKD 520;小童HKD 350
—————————————————————
#澳門 #澳門打卡 #StudioCity WaterPark #新濠新玩法#全天候水上樂園 #LetsGetSplashedWithSTUDIOCITY #濠游太空 #濠玩夏令營 @StudioCityMacau
呼吸星球-土瓜灣的呼吸空間
餐廳- 呼吸星球
地址 - 香港土瓜灣馬頭角道91號地舖
人均價錢- $200+
認真用心製作的食物,配搭有質素的服務,以及遠離繁囂的位置,造就一個呼吸的空間。由餐廳有心思的復古擺設去到餐牌中仔細的畫工,都感受到店主的誠意。置身於其中簡直就好像時光倒流,可以把一切煩惱都拋開。餐廳位置鄰近牛棚藝術村,用餐之後更可以探索土瓜灣!
餐廳是沖繩石恒牛專門店,推介給每一位牛魔王。:)到訪當日有期間限定的石恒牛漢堡,口感鬆軟,肉味十足,配搭自家製的薯仔沙律和醃製蕃茄仔更是清新!每一份餐的份量剛剛好!除了主食之外,飲品也很吸引!驚喜地,當天全個餐牌更有7折!!!!!!!!!!!!!!!!!!!!!!!
適合情侶,姊妹打卡,輕鬆過一天!
環境: 5/5
清潔:5/5
食物:5/5
性價比:5/5
#foodie #本地遊 #beef#urbanexplorer #cafe
Soba by Men-taisho
Love ❤️ soba 蕎麥麵 good nutritious noodle in hot thin, fresh and fragrant broth. Add in a Japanese egg cooked in hot spring.
Accompanied with a tiny bowl of rice. The delicious Gomoku 五目飯, rice cooked with 5 great ingredients, carrot, mushroom, chicken meat, fried puff tofu and last not least sliced burdocks with Japanese mirin and soy sauce. Will definitely try to cook at home.
At B1 Cityplaza 2, Apita Supermarket, Soba served in Hot or cold at your choice.
Prefer visiting at tea time without crowd, the place was quieter and spaces available.
#yuppije2023 #restaurant #foodie #本地遊 #urbanexplorer #japanesefood #cityplaza
Lemna bar vs Lemna of The Alchemist
朝啡晚酒,漆黑的 Lemna bar 靠著燭光,微弱的吊燈和酒吧枱的暖燈泡; 富有格調和氣氛。
美食亦可以是呈現藝術的一種方式。
Lemna of The Alchemist
Beetroot salad with Greek feta cheese & honey mustard balsamic vinaigrette
迷人的粉紫色來自原生紅菜頭,爽脆多汁,經處理後完全沒有苦澀味。紅菜頭多得堆成一個山丘,非常健康。
Linguine with mentaiko, shrimp & tarragon in cream sauce
以明太子奶油伴扁意粉,是最佳的配搭。奶油包裹著每一條意粉,香濃幼滑;大蝦非常爽脆彈牙,質素很高。
Four cheese pizza
熱辣辣的pizza,芝士香氣四溢, 溶化的四重芝士造成拉絲效果,餅底煙韌。
#牧羊少年 #文青 #art #exhibition #photography #展覽 #explorehongkong #hongkongexplore #foodblogger #hongkongfood #hkfood #restaurant #foodlover #hk #hongkong #cafe #香港美食 #food #igfood #lunch #dinner #delicious #tasty #hkcafe #urbanexplorer
文化中心裡漂泊尋藝的浮萍
Lemna of the alchemist 牧羊少年與他的浮萍 (Cafe區)
| 浮萍 |
水生飄浮植物,常見於池塘湖泊;四處飄零。
牧羊少年跟隨他的浮萍,來到香港文化中心;成群的浮萍築成咖啡廳。咖啡廳中庭有植樹的浮島, 室外直立著一幅如馬賽克的磚牆,水池流水淙淙。
浮萍專注於藝術,定期設有音樂、電影、讀書分享等文藝活動,咖啡廳設有小型藝術展。
#牧羊少年 #文青 #art #cultural #exhibition #photography #photo #展覽 #explorehongkong #hongkongexplore #foodblogger #hongkongfood #hkfoodie #hkfood #restaurant #hk #hongkong #尖沙咀美食 #cafe #香港美食 #hkcafe #vibes #chill #urbanexplorer #hkcafe
Abbotsford的鬱金香節- 愛鬱金香人士一定不可以錯過
到咗夏天又係欣賞花嘅時候
鬱金香花田平日嘅入場費只係$12
就可以去到一個非常大地方睇鬱金香
佢嘅花有不同顏色 亦俾你行入田欣賞
但係要好好愛護啲花唔好摧毁到佢地
入面都有教花田有啲咩花喺其他季節
臨走嘅時候仲有5支鬱金香送返俾你值回票價!#境外遊 #canada #urbanexplorer
Super Amazing Hida Beef, 超正嘅飛驒牛!
去到飛驒市、除咗飛驒牛壽司之外,一定要食燒肉。丸明高質素、價錢都唔算貴。舖頭開11點、早半個鐘已經開始排隊、想食記得早啲到啊!
Super delicious A5 Waygu beef in Hida, Japan. Extremely soft and fatty beef melts in your mouth, highly recommended. Restaurant opens at 11am, remember to go line up early for a table.
#celebratewithtrip #境外遊 #foodie #summervacation #passionpassport #mytripvlog #cafe #urbanexplorer #foodpic #beef #wagyubeef
澳門巴黎人 倫敦人
好耐也冇來澳門🙉
宜家開關終於可以去Lu~~
仲可以坐巴士去~
真係正😄
如果喜愛行街影相shopping 可以去吓巴黎人同倫敦人~
外形真的突然之間以為去咗歐洲😆
影相打卡一流😍
入面超級大😵真係一個鐘都行唔曬😆
還可以行埋去隔離四季買大牌子如Hermes /Chanel 😍
喜愛shopping 真係行到買到出血🩸#awesomepic #境外遊 #mytripvlog #tripblazers #summervacation #urbanexplorer #passionpassport #staycations #shoppinghaven #shoppingtime #shoppingmall #shoppingmall #shoppingcentre
新酒店𝐒𝐭𝐚𝐲𝐜𝐚𝐭𝐢𝐨𝐧🏨
要過多幾個月先再飛🥹
為左止下旅行隱
最好就係香港𝐒𝐭𝐚𝐲𝐜𝐚𝐭𝐢𝐨𝐧‼️
今次去左位於東涌嘅新開酒店🏨
酒店係連接住今年將會新開嘅商場11 Skies
仲係直接連接住機場博覽館
而且有Shuttle接駁去✈️機場或者東薈城
等到11 Skies商場都開埋真係好方便😌
唔洗搭車出去已經可以🛍️食買玩
今次入住航天城客房,張床🛏️超大!床褥枕頭都好舒適。房內仲有43吋電視,可以睇到本地、中國內地、南韓、日本嘅電視台!酒店頂層仲有個天際平台,可全方位飽覽大嶼山景色。最特別係有健身區域,夜晚用踩單車機做運動都幾心曠神怡。仲可以好近距離睇到飛機!
酒店仲有3間餐廳選擇,有扒房、中菜、西餐廳。3樓仲設有室外泳池,亦有自助洗衣機。如果早機出發都好啱嚟住翻晚😙
📍麗豪航天城酒店
地址:香港赤鱲角香港國際機場航展道8號
網址:https://bit.ly/CookandbakeladySkycity
預約酒店平台: @regalaskycityhotel
#staycation #tripcom酒店試睡員報告 #roomtour
#staycations #urbanexplorer #hkfoodie #hkkol #discoverhongkong #hongkongtrip #hongkongtravel #hkhotel #hongkonghotel #regalaskycityhotel #cheklapkok #hkstaycation #麗豪航天城酒店 #香港酒店 #香港 #香港機場附近酒店 #五星級酒店 #香港本地遊 #新酒店
staycation
tripcom酒店試睡員報告
滋味輕食夠心機,拉花咖啡有驚喜
餐廳:Paws Pantry Cafe (大圍)
地址:大圍積存街74-76號地下
大圍呢間新開咗接近兩個月嘅Paws Pantry Cafe @pawspantryhk 喺一間Pet Friendly Cafe☕️,開星期二至日嘅10am至5pm。老闆嘅狗狗Logan仲成為咗Cafe嘅店長同生招牌,不定期喺店入面招呼大家🐶,唔知你又有無緣見到店長一面呢🤪
Cafe主打各款輕食:牛角包🥐、Bagel🥯、Croffle,仲有幾款主食同啱晒毛孩嘅Pets Menu,當中毛孩必試嘅有Cafe老闆自家品牌Mr. LOGAN嘅三款無化學色素花生醬啦🥜。而去得Cafe當然唔少得打卡必嗌嘅靚靚拉花咖啡啦😍
✝️Pizza Of The Day $78
是日嘅薄餅喺辣肉腸芝士番茄Pizza🍕,份量喺一人size,分開咗四件,即叫即烤焗🔥,上枱嗰陣仲聽到啲芝士同辣肉腸被高溫烤到「滋滋」聲💥。雖然拎上手唔喺好有拉芝效果🧀,不過香脆嘅Pizza底配埋各種餡料食落都已經夠晒經典滋味😋
✝️鰻魚滑蛋牛角包 $78
巨型牛角包夾住大大份炒滑蛋,份量多到滿瀉👏,就咁食會大份得濟會食到有啲論盡,切開一份份細細啖放入口就啱晒。面頭放上兩件鹹香厚肉嘅鰻魚,加上底層嘅蛋黃醬,酥香牛角包同其他食材嘅口感交錯,好食到令人食唔停口😽
✝️Tea Set $68
下午2:30pm至5pm可以叫呢個Tea Set,可以任揀餐牌上面一款牛角包窩夫同一杯飲品,凍飲就另外加$2,計返散叫條數都平唔少👍。Croffle揀咗香蕉榛子醬牛角包窩夫🧇,先喺碟上擠上朱古力醬,再喺牛角包窩夫上面搽上厚厚嘅榛子醬🌰,放埋香蕉切片喺面🍌,睇落都已經夠晒吸引,雖然食落會有少少溜🤏,不過鍾意甜嘢或者Nutella愛好者一定抗拒唔到😎
兩杯咖啡Flat White同Cappuccino($43)有超靚拉花🤩,一杯喺海馬而另一杯喺龍貓,真喺相當Cute同似模似樣,值得一讚🥰
#urbanexplorer #foodie #本地遊
町町丼丼值得試,性價比高有下次
餐廳:町町丼丼 (中環)
地址:中環威靈頓街182號LG樓
香港人慣咗步伐急促👣,成日都處於好忙嘅狀態,尤其返工嗰陣放lunch,真喺希望可以搵到啲平靚正嘅餐廳🍴,喺九龍同港島有6間分店嘅日式丼飯專門店——町町丼丼 @machidonburi ,有多款平價日式主食提供,蕎麥冷麵、鍋物、蛋蓋飯、咖喱飯、牛丼同滑蛋丼等應有盡有🍛,仲要平均四十幾到六十幾蚊就食到,都咪話唔吸引,性價比都幾高🤩
今次去咗中環呢間分店,店內主要以吧枱為主,有9張凳比客人可以坐喺度堂食,但更多人選擇外賣🥡,去食嘢嗰陣訂單響個不停
✝️日式咖哩吉列豬扒蛋蓋飯 $59
唔好以為用外賣兜裝住就一定唔好食,一件切成八塊嘅超香脆吉列豬扒,薄脆嘅吉列外層包住鮮嫩有濃厚豚肉香嘅豬扒🐷,配埋嫩滑帶有少少蛋汁嘅炒滑蛋,連埋日式咖喱同白飯一齊食,呢個價錢呢個質素真喺唔話得👍,絕對值得你一試
✝️韓式牛肉部隊鍋 $60
一嚟到嘅時候有少少失望,因為喺面頭只喺見到脆皮腸、午餐肉、金菇、豆腐、泡菜、娃娃菜、紫菜呢啲部隊鍋一般有嘅食材,但喺將烏冬加落湯入面再撈勻,先發現原來部隊湯底下面有勁多肥牛肉🤣,有成十幾塊,即刻覺得好抵食😆
✝️鰻魚串 $40
除咗各款日式主食同丼飯之外,町町丼丼仲有唔少日式小食提供,叫咗呢個一客有兩串嘅鰻魚串,唔算好厚肉但喺都有濃郁嘅鰻魚鮮香味,加上黑白芝麻同蒲燒汁就更加香濃惹味😋
✝️芝士奶蓋黑糖珍珠伯爵奶茶 (+$15)
跟餐加$15就可以叫到呢杯原價$30嘅特飲🧋,特飲有25款選擇,有芝士奶蓋系列、冷泡茶系列、果茶系列,仲有鮮茶同日本茶等等。香醇嘅伯爵茶茶底帶有陣陣黑糖香,煙靭嘅珍珠粒同面頭奶滑嘅芝士奶蓋豐富咗成杯茶飲嘅滋味同口感,飲完雖然邪惡但喺好有滿足感🥰
#foodie #本地遊 #urbanexplorer
麻辣牛肉飯超值,三十九蚊有得食
餐廳:加藤屋 (太子)
地址:太子花園街232-242號黃禮賢大廈地下M號舖
原來加藤屋由第一間分店開張到依家,已經陪香港人渡過咗7年,5間分店力推香港製造嘅高質平價日式丼飯🍚,當中以佢哋嘅牛丼最為受歡迎,就算高級少少食鍋物定食🥘、鐵板飯都喺四十幾至六十幾蚊不等,下午茶時段更加最平三十蚊就有,難怪成為咗唔少香港人嘅食堂😍
加藤屋由3月20至4月30號推出《上癮級麻辣牛肉飯體驗祭》,除咗慈雲山店(因租約期滿三月尾結業)之外,期間全線分店只需要$39就可以食到佢哋日賣超過500碗、呢幾年賣超過100萬碗嘅香港獨創口味牛肉飯🐮,真心唔可以錯過‼️
✝️麻辣牛肉飯 $39
加藤屋用咗多年時間研發嘅秘製麻辣醬汁,除咗牛肉之外,見到用咗辣椒🌶️、花椒同洋蔥作為香料🧅,辣道可以揀小辣、中辣、大辣、特辣(+$1),仲有得揀多汁或者小汁,咁就可以fit晒唔同需要嘅食客👍。我今次試咗小辣,麻中帶香,辣味唔會攻鼻/嗆喉,更加唔會得個辣字或者鹹字,配上半肥瘦嘅牛肉同粒粒分明嘅珍珠米,咁樣先可以品嘗到非常令人上癮嘅麻辣特色🤤
小食追加咗個加藤式泡菜(+$10)同魷魚蝦枝(+$12),前者喺加藤屋自家研發嘅風味泡菜,爽口酸香幾開胃,配埋麻辣牛肉飯一齊食都幾唔錯🤩;後者長長嘅造型已經夠晒吸引,食落似足春卷嘅外層包住魷魚同蝦肉🦑🦐,就好似食緊長條形嘅魷魚炸雲吞咁🤪
$39一個牛肉丼飯,為咗我嘅胃口同荷包著想,真喺要把握呢一個幾月嘅時間食多幾次😍
#urbanexplorer #本地遊 #foodie
元朗人氣泰菜館,食物質素為根本
餐廳:芭堤雅泰國餐館 (元朗)
地址:元朗安樂路1-11號明珠樓地下1號舖
講親好食嘅泰國菜餐廳只喺識九龍城?其實香港18區都隱藏住唔少臥虎藏龍,今次就比我搵到間位於元朗安樂路嘅性價比高泰國菜館——芭堤雅泰國餐館 @pattaya_since2013 🇹🇭
平時唔多嚟元朗,難得入到嚟緊喺唔可以錯過搵啲地區美食嚟試吓😋,星期日傍晚未夠六點餐廳門外已經大排長龍,好彩一早book咗位,如果唔喺想食都無得食🙈,原來佢哋日日都好爆棚,如果你想食嘅話都記得早啲book位喇📱
Pattaya Thai House啱啱開咗第10個年頭,以全新面貌再次歡迎每一位客人。對比起以前傳統泰國餐廳嘅裝修🇹🇭,依家佔地兩層嘅餐廳主打簡約、舒適風格,有一種西式Cafe嘅休閒感覺,唔少一家大細、年青人,無論新客熟客都專程過嚟排隊食佢哋嘅高質素泰國菜😋
講到正宗泰國菜風味,除咗所有廚師都喺泰國人之外👦🏽,鍾意食好西嘅老闆十年嚟仲堅持每日親自去揀食材同海鮮✊,為嘅都喺希望提供最有質素嘅食物比誠意拳拳嚟到客人,呢份心意同態度真喺唔話得💕
✝️新鮮生蝦 $138
一份有8隻🦐,擺碟相當精美整齊,每隻生蝦都剝咗蝦腸,非常新鮮,加上辣椒、生蒜頭同自家製泰式辣醬一齊食簡直辣得過癮又夠晒開胃🤩
✝️炭燒豬頸肉 $88
差唔多每一次去泰國餐廳都會食嘅炭燒豬頸肉🔥,雖然份量無我想像中咁多,大概有10塊左右,不過爽嫩微脆嘅肉質,同惹味香口嘅豬頸肉真喺令人食唔停口🤤,加上自家製酸香嘅秘製酸辣汁,食得出魚露、醋同香料味,令本身已經好好食嘅豬頸肉更上一層樓🔝
✝️鴨肉生菜包 $98
一定要試嘅心機菜!平時食生菜包就食得多,用手工切粒嘅純鴨肉生菜包你又試過未🦆,有啲生菜包嘅餡料好Dry,呢度嘅鴨肉伴菜夠juicy而且有好香濃洋蔥🧅、辣椒🌶️、青蔥等香味,陣陣鴨羶香難以抵擋,用新鮮爽脆嘅生菜包住食一流🥬
✝️特製蒜蓉包 $38
用漢堡包去特製成蒜蓉包,喺餐廳其中一款熱門菜式💯,用手打新鮮蒜頭同牛油搽喺麵包當中,烘烤至麵包外脆內軟熟🥯,仲有一粒生蒜頭喺麵包中間,令麵包有輕輕辛辣香,面頭同時有芝麻香,果然夠晒與別不同🤓,平時鍾意食蒜蓉包嘅你一定一定唔可以錯過‼️
✝️泰式炒椰菜苗 $78
翠綠嘅椰菜苗用生蒜炸蒜、辣椒、魚露同其他泰式香料爆香快炒,令椰菜苗爽脆多汁之餘💦,仲不失鑊氣同惹味,就算唔鍾意食菜嘅人相信試過都會即刻愛上🤪
餐廳仲有多款泰式特飲🍹,叫咗個泰國椰青($42)同泡沫泰式奶茶($35),大大隻嘅椰青有清甜嘅椰子汁同爽甜嘅椰子肉🥥;微甜嘅泰式奶茶唔喺想像嗰隻死甜,當中加入煉奶同奶泡,飲落帶有陣陣紅茶茶葉香🌱,無論喺打卡定飲落都一樣咁正😍
#foodie #本地遊 #urbanexplorer
A place for Watches, Whisky & Coffee lovers
赤恒良計Watch Whisky Coffee is a very modern classy Coffee/Whisky café with a watch collection upstairs free to see. The service is great, they can’t speak English but they are very professional and welcome to everyone. It’s a nice place to hangout with friends. Highly recommend this.
Address - 慈恩东路398号温德姆公寓G-1-10号商铺
Ambiance/Facilities - Watch Whisky Coffee
Highlights - Watch collection
Avg. Price per Person - ¥55
Rating - 4.1⭐️
#lemonamericano #coffeeshop #chilling #urbanexplorer #mytripvlog #cafe #2023travelwish
lemonamericano
coffeeshop
咖啡青年尋夢記,多年堅持零捨棄
餐廳:Four X Four (大圍)
地址:大圍上徑口村143號地下
4個年青老闆🧑🍳🧑💻🧑🙋♂️,憑住佢哋對咖啡嘅熱誠同喜愛,喺大圍上徑口村2個鋪位先後經營咗Four X Four @fourxfour2019 呢間Cafe 4年,由餐廳裝修到餐牌設計,上至管理下至對客都喺親力親為,4年嘅堅持,為嘅只喺追尋佢哋嘅夢想🫧,香港人,呢4年你同我又喺為緊啲咩嘢而堅持呢✊?
Cafe唔算好大,一眼睇得晒,以灰色牆身同木色枱櫈襯托出簡約風格🪑,牆上仲有唔少食客同街坊寫俾餐廳嘅留言同埋諷刺社會時代嘅掛飾📝,喺度嘆番個下晝都幾舒服🥰
11:30am-3pm喺Lunch Time時間,有10個午市套餐可以揀,而所有套餐都包指定嘅飲品☕️,黑白咖啡都唔使加錢,另外仲可以加錢叫其他小食同甜品🍰。加$12可以叫餐湯或者沙律,是日靚湯喺番茄濃湯🥫,而沙律就喺煙三文魚沙律🥗
✝️黑醋忌廉蒜蓉蛋黄醬大雞扒•燒菠蘿片配菠蘿包及薯條 $108
呢個每日限量發售嘅套餐真喺合晒我嘅心意😍,呢個「漢堡」除咗有燒菠蘿🍍、生菜🥬,同勁大塊嘅Juicy嫩滑雞扒做餡料之外🐔,仲有我平時早餐成日都會食嘅菠蘿包做包皮,雞扒加咗黑醋忌廉蒜蓉蛋黄醬,食落味道層次更加豐富同唔會dry,菠蘿包金黃微脆,咁樣整成漢堡都幾有新意同第一次見☝🏽,另外有香脆可口嘅粗薯條做伴碟🍟
✝️沙茶醬忌廉紅蝦青口扁意粉 $88
以兩款海鮮——青口同兩隻紅蝦作為配料🦐,扁意粉就用咗自家製沙茶醬同忌廉汁炒香,意粉味道唔會太過濃味,輕輕微辣嘅沙茶味香而不膩🌶,幾有特色
飲品叫咗杯凍嘅Rose Latte(+$10)同熱嘅Flat White,平時飲一杯White coffee都要三十幾四十蚊,跟餐有得送其實又真喺幾抵🤩
#urbanexplorer #foodie #本地遊
主打台式饞麵食,叫埋台飲又幾值
餐廳:饞。台式食堂 (尖沙咀)
地址:尖沙咀梳士巴利道18號Victoria Dockside K11 MuseaB2樓201號舖
尖沙咀K11 Musea呢間饞。台式食堂 @chan.taiwan.cuisine 喺第3間分店,有別於荃灣同灣仔店,尖沙咀店主打台式麵食🍜、台式飲品,另外特設台式茶飲外賣專櫃🧋,除咗台式奶茶、芝士奶蓋特飲、水果茶同沙冰之外,仲有黑白咖啡可以買,連愛啡之人嘅需要都顧及埋😎
餐廳由90後台灣女生主理,或者都喺同我一樣咁為食,所以將餐廳名改有「饞」字代表住「貪食、鍾意食嘢」嘅意思😆,部份食材甚至喺台灣原產,難怪台式風味咁濃厚🤩。簡約嘅木系裝修設計,配上明亮嘅燈光,更加比人煥然一新嘅感覺✨
✝️饞·牛肉三寶麵 $88
店員話牛肉麵喺餐廳嘅招牌食物之一,所以叫咗呢個牛腩、牛肚同牛筋都有嘅三寶麵🐂,配上自選嘅紅燒湯底同刀削麵。三款牛類食材經滷水醃製過,炆得好腍而且入味,每樣大概有三至四舊,仲有生菜同台灣酸菜,都幾大碗食完好飽肚👍,湯底仲唔會好濃味或者得味精嘅死鹹,食得出師傅嘅心機❤️
✝️藥膳排骨飯 $78
未食已經聞到微弱嘅藥膳香味,飲落唔會有令人難受嘅藥材味,反而入口順喉幾易接受👏,加埋杞子粒喺當中就更顯健康。排骨有七八舊,肉質香嫩軟腍,蘸埋自家製排骨醬,增加咗鹹鹹辣辣嘅惹味層次就更好食😋,加$12可以轉埋手工滷肉飯,不過感覺就貴咗些少🤏
✝️滷味拼盤 $74
呢個滷水拼盤有牛筋、貢丸、豆腐、筍乾同台灣酸菜,滷水汁唔會好鹹好重口味,唔會食到頸渴或者猶豫食唔食下一舊好,食材都喺台灣特色食物,鹹香得嚟加多碗白飯其實就可以當一餐🤣
叫任何飯或者麵類,叫任何飲品仲可以享有減$10優惠。叫咗杯走冰微甜嘅蒟蒻球百香果綠茶(+$18)同Flat White(+$26),可以喺食我最鍾意嘅台灣美食嘅同時,飲我最鍾意飲嘅白咖啡真心將享受滋味Double up🥰。值得一提嘅喺餐廳所有奶類飲品都喺用明治鮮奶去調製🥛,Flat White飲落有明治奶嘅獨特香味,抵讚🤓
#本地遊 #foodie #urbanexplorer
隱世柴灣避難所,想享受非去不可
餐廳:Shelter Cafe (柴灣)
地址:柴灣永泰道60號柴灣工業城1期1307室
香港嘅Cafe真喺有成千間,地舖嘅樓上嘅各有特色,有啲主打飲咖啡☕️,有啲主打玩Board games♟,有啲主打食甜品🍰,有啲主打寵物/主題特色,真喺想要咩就有咩。不過有無發覺大部份Cafe都喺坐得好迫夾、食物質素參差、有最低消費、會趕人走……
好難得去到柴灣工廠區呢間隱世嘅避難所Cafe——Shelter Cafe @sheltercafe1307 ,電子Menu上面一句「The Hidden Place to Be」真喺講中晒呢間Cafe嘅精髓😎,開咗一年多啲,真心希望每一個嚟嘅人都可以喺度透吓休息吓,遠離繁囂急速嘅市區,而我確實感受到呢一點
無Minimum charge;唔會趕你走,由中午12點坐到夜晚九點收鋪都得🕘;座位唔多而且闊落有私隱度,唔洗同陌生人逼住坐埋同一枱;有大玻璃可以望到少少海景🌊;仲有好客搞笑好傾得嘅店員,同幾個與別不同嘅空間,可以睇吓書📚、欣賞吓同旅行有關嘅油畫、搖滾音樂同擺設區🎷,相信每個人上到嚟都會搵到屬於自己嘅心靈小角落💕
✝️黑松露鮮蘑菇忌廉湯 $26
足料嘅蘑菇濃湯🍲,無加任何味精,用新鮮蘑菇同黑松露加上忌廉打成🍄,每啖飲落都有粒粒蘑菇碎,配合埋黑松露嘅香味同忌廉嘅奶滑,喺我飲過性價比比較高嘅一碗蘑菇湯
✝️美國安格斯牛小排日式咖喱飯 $98
吉列豬扒咖喱飯就食得多,用頂級美國安格斯牛小排做配料嘅日式咖喱飯你又食過未🍛?混合西式同日式元素,將鮮嫩多汁、肉質細緻又帶有煙韌口感嘅牛小排,每塊都食得出陣陣牛脂香,令人一試難忘🤩,加上色香味俱全嘅咖哩飯,估唔到兩者嘅配搭又幾夾
✝️泡菜煙鴨胸忌廉烏冬 $80
Shelter Cafe嘅大廚真喺好鍾意試唔同嘅新組合😆,將韓式泡菜加入日式溫泉蛋,配埋意式忌廉烏冬,整成呢個非常開胃嘅主食。除咗泡菜嘅爽口酸辣🌶,仲有煙鴨胸嘅鹹香,令人食唔停口
本身以為下午茶先有呢個$55一份甜品加一杯咖啡嘅Tea Set,點知原來全日都可以用呢個優惠😍,平時一杯咖啡都要三十幾四十蚊,依家呢個組合真心抵🤑。要咗個朱古力批同朱古力鬆餅,鬆餅上枱嗰陣仲喺熱辣辣🔥,濃郁嘅朱古力香味配上外層焦脆內層鬆軟嘅鬆餅,配埋杯用梵高作品《星夜》為設計圖案靚靚杯裝住嘅Cappuccino/Flat White☕️,加上精細嘅拉花,喺度享受返一個傍晚真心夠晒正🌆
#foodie #urbanexplorer #境外遊 #本地遊
招牌湯底用心製,手打魚腐夠架勢
餐廳:愛上米線 (尖沙咀)
地址:尖沙咀漆咸道南45-51號其士大廈地下D號舖
尖沙咀寶勒巷同漆咸道南交界呢間愛上米線開咗一年有多,原來九龍同香港島總共開咗5間分店,最近仲新推出咗午市套餐,更加吸引一眾愛米線之人去幫襯🍜
餐廳裝修以黑⚫️、白⚪️、紅🔴三色為主,當中佢哋嘅白底黑間條設計仲成為咗一大特色。而有別於一般米線店,愛上米線容許客人直接掃QR code網上落單同即時網上比錢💲,好迎合依家非實體交易方式嘅趨勢
✝️泡椒酸菜魚湯米線 $56
午市套餐除咗米線之外仲包一杯飲品🥤,有六款選擇比你揀,今次試嘅呢個「激爽多魚」即喺泡椒酸菜魚,雖然所謂嘅酸菜魚喺用咗魚柳,不過魚柳嘅份量都唔少同幾嫩口,加上激辣辛香嘅泡椒酸菜湯底確實幾過癮,令人食上癮😋
✝️自選米線 $61
師傅每日一大早新鮮熬製嘅麻辣、酸菜同番茄湯底喺餐廳嘅招牌湯底,絕對唔會留過夜👍。呢個用新鮮番茄整嘅有機番茄湯🍅($36),配上自選配料:唐生菜🥬($7)、鮮冬菇月($7)同至滑雞髀肉($11),以鮮甜蕃茄香為主,唔會有味精或者調味料嘅味道,飲多兩啖湯底都無咁大罪惡咁😆
✝️惹味流心芥末恐龍蛋 $32
每粒80g、直徑6cm嘅特大芥未流心魚丸,師傅用鯪魚肉加蛋白半手打打到起膠🐟,加入果皮、粟米芥末醬喺當中去除魚腥味,面頭再灑上海苔粉,除咗外層香脆之外,內層啖啖爽口嘅魚肉香同豐富濃郁嘅流心芥末令口感滋味double up😍
✝️一齊黎一串 $22
一串魚腐丸試勻曬冬陰公、櫻花蝦同甜粟米三款口味🍡,粒粒彈牙嘅魚腐面頭輕輕炸香再配上海苔粉,令鯪魚鮮味提升,食落無咁dry,喺出面都未必食得到,幾特別🤓
#本地遊 #urbanexplorer #foodie
矚目法式小酒館,必試甜品每一款
餐廳:CANELÉ (中環)
地址:中環士丹頓街10-12號御珍閣地下及1樓
中環士丹頓街呢間位於十字路口、喺正轉角位嘅法式小酒館CANELÉ 開業接近四個月,將十九世紀著名風格派藝術家蒙德里安(Piet Mondrian)嘅作品成為酒館嘅設計靈感👨🏼🎨,成為中環新嘅矚目地標,吸引唔少人過嚟打卡影相📷
餐個佔地兩層,地下喺洒吧,主打各式各樣手工雞尾酒同佐酒小食🍹,樓上1樓就喺Dining Area,坐露台仲可以望住中環半山電梯嘅人來人往街景,佢哋主打法式休閒fine dining套餐,晚餐餐牌嘅精髓在於精簡,選擇唔多,淨喺提供一個三道菜嘅晚市套餐,以海鮮同牛扒為主🥩,當然唔少得佢哋自家製嘅甜品啦😋
✝️Homemade Sourdough
一開始上枱嘅酸種麵包已經為今餐打響頭炮💥,每日新鮮自家製造,未食已經聞到麵包香🤤,上到枱仲喺啱啱烤焗完熱辣辣🔥。成個菠蘿包咁大切開六份,麵包外層相當鬆脆香口,包裹住煙韌得嚟又夠晒Airy嘅鬆軟麵包內層,配埋一啲都唔油膩、非常夾嘅海鹽牛油一齊食真喺無得彈🧈,如果可以直接買佢哋嘅麵包一定會再食多個!
✝️Canelé Appetizer Platter
呢個拼盤有特色沙律🥗,當中有核桃、紅菜頭、車厘茄、沙律菜,加上柚子汁、日本醋、橄欖油同Adela酒4款酒汁嘅配搭,味道相當開胃又特別,愛酒之人一定好鍾意😎;另外仲有蟹肉沙律雲吞、煙三文魚同西班牙嘅伊比利亞火腿,呢個時候配返杯Signature cocktail ——COFFEE, TEA OR BOTH($128)就啱晒🍸 ,飲落先有抹茶嘅香味🍵,底層再有鮮奶🥛、陣陣咖啡同美式威士忌波本(Bourbon)嘅烈酒香,面頭仲有一塊餐廳Canelé logo嘅白朱古力,影相打卡一流📸
✝️Angus Tenderloin $388
足8安士、切成4件厚身嘅美國安格斯牛柳扒🥩,叫咗5成熟,鮮嫩嘅色澤均勻相當吸引,外層嘅香烤焦脆、中層嘅熟成肉香、內層豐腴嘅肉汁同嫩口牛肉🐮,亦都以牛柳嘅特性——脂肪比例少同肉質較結實而帶出獨特口感,就咁食已經細味到牛肉嘅鮮香,仲未蘸兩款自製嘅燒肉汁同特製芥末醬🤓
✝️Whole Boston Maine Lobster $428
原隻美國波士頓龍蝦🦞,出色之處在於輕輕用蒜蓉牛油烤香就品嚐到新鮮龍蝦極致嘅鮮味🧈,用叉撕出啖啖龍蝦肉,咬落爽口而飽滿,肉汁都算豐富,吮埋龍蝦鉗入面嘅龍蝦肉先最過癮😜
除咗主食,你仲可以無限添食自家脆炸嘅幼薯條同烤蔬菜,包你食到飽飽先走😆,不過唔好唔記得仲有好戲在後頭——甜品。叫曬餐廳自家製嘅兩個甜品,分別喺Signature Chocolate Soufflé($88)同Homemade Yuzu Cheese Cake($48),前者用咗法國好出名嘅Valrhona 72%黑朱古力製成,用高溫烘焗朱古力梳乎厘做到外層焦脆內裡柔軟,黑朱古力嘅醇香甘甜令人回味無窮😍;後者喺用日本cream cheese加上柚子汁整成嘅柚子蛋糕,食落有粒粒柚子肉,清新細膩🍰,兩者仲配埋雲呢拿雪糕同糖霜餅,連埋本身嘅甜品一齊食又有另一番層次同滋味。最後送上招牌甜品——可麗露Canelé,喺大廚落足心機逐粒用銅模去整,甜而唔溜,超級滿足🥰
#foodie #urbanexplorer #本地遊
套餐任飲氣泡酒,月光之下共聚首
餐廳:MiLuna Cafe & Ale House (尖沙咀)
地址:尖沙咀漆咸道南115號達成商業大廈3樓
尖沙咀漆咸道南沿路都有唔少地舖餐廳,如果刻意去搵嘅話,其實路度好多大廈嘅樓上都有唔少選擇🍽,唔使嚟嚟去去都喺食嗰幾間。達成商業大廈3樓就有一間開咗接近半年嘅樓上Cafe/西餐廳——MiLuna Cafe & Ale House ,佢哋近期推出咗個5 Course Set Menu for 2 ($788),咗唔少人專登過去打卡同食飯,究竟有咩咁吸引呢🤩?
一入到餐廳就見到一個巨型月亮🌙,成為咗唔少食客嘅打卡位📸,木系裝修同深綠色嘅設計,構成咗一種時尚復古嘅感覺,牆上嘅油燈🪔、乾花💐、木櫃,仲勾劃出一份歐陸色彩,睇得出老闆喺設計餐廳嘅裝修同佈置上別有心思💕
呢個5 Course Set Menu,其中一個賣點就喺可以90分鐘無限任飲意大利氣泡酒🥂,鍾意飲酒嘅人就一定唔可以錯過
✝️First Course
先嚟嘅喺煙三文魚他他配牛油果藜麥沙律,另外仲有西班牙火腿肉拼盤。雖然一上枱嗰陣啲煙三文魚他他碎都幾鬆散,不過配上牛油果同藜麥整成嘅沙律蓉一齊食又幾清新自然🌱,甚至可以話喺開胃;火腿肉拼盤有風乾火腿、辣肉腸同莎樂美腸,就咁食的確會有啲heavy,不過連埋鮮甜嘅哈密瓜一齊食就即刻中和晒heavy嘅感覺🍈
✝️Second Course
再嚟嘅喺火焰菜式二選一,揀咗伏特加火焰帶子,上枱之後店員喺帶子周圍淋上Vodka再點火,熊熊嘅烈火上演咗一場好啱打卡嘅「火舞表演」🔥,嚟自日本嘅帶子兩邊煎香🇯🇵,加上餐廳自製嘅野菌白汁,再連帶住爽甜嘅帶子肉有陣陣炙燒香味😋
✝️Third Course
食完前菜,就到是日餐湯,可以喺食主食之前稍為清清口腔,呢款自家打磨嘅黑松露野菌忌廉湯飲落有粒粒野菌蓉,鮮香濃郁,唔會有好兀突嘅調味料味道👍
✝️Fourth Course
主食五款入面揀兩款,揀咗比目魚柳堡雲酥配忌廉椰菜花飯同烤美國Prime肉眼牛扒。前者嘅堡雲酥比目魚柳用咗麵包糠同香料整成粒粒酥脆嘅外層,加上煎香咗香脆嘅魚皮,雖然比目魚鮮香味唔算好出眾,不過魚肉尚算嫩滑🐟,賣相同擺碟都有驚喜🎉,喺生酮飲食嘅一個好選擇;肉眼牛扒比較薄身,但相當大塊,差唔多佔咗成隻碟嘅三份二🤣,可惜脂肪比例有啲多,好處喺能夠為肉眼扒帶嚟更多牛脂香味,不過唔食脂肪嘅人就要喺咁切走脂肪🤪,但整體嚟講肉汁都唔少,肉質細膩帶有少許筋部形成牛扒獨有嘅咬口,就算切咗好多脂肪走塊扒都仲喺好大塊🥩
✝️Fifth Course
甜品揀咗Tiramisu同雜莓奶凍,Tiramisu以可可粉香味為主,咖啡同Rum酒香唔算出,口感似蛋糕比較鬆軟,而無乜Mascarpone Cheese嗰種好Smooth好細滑嘅質感,不過我幾鍾意食完唔會溜同埋有幾層layers嘅口感😆;雜莓奶凍加咗紅莓醬同藍莓粒🫐,奶凍幼滑,奶香味足夠,喺面頭嘅紅莓醬比較甜,撈勻一齊食個味道就會balance返唔少😌
飲品除咗氣泡酒之外,仲送每人一杯Long Black或者Fine Tea🍵,叫其他飲品仲可以享50%折扣優惠。叫咗杯Latte同Cappuccino,半價咗之後都喺$18杯,咖啡豆屬於深烘焙,豆味甘香香醇而突出☕️,我幾鍾意❤️
#本地遊 #urbanexplorer #foodie
望住海邊食西餐,西貢碼頭嘆一番
餐廳:Turtle by the Sea (西貢)
地址:西貢惠民道1號海濱公園
相信唔少人都會對某啲嘢有一份情意結,可能喺一個地方,可能喺一樣物品,可能喺一間餐廳。而最近放假去咗西貢,對住西貢公眾碼頭有一間新開咗接近半年嘅Cafe, bar & Restaurant——Turtle by the Sea 🐢
餐廳嘅老闆喺西貢土生土長嘅原居民,佢對西貢呢個地方同埋海龜有一份情意結,希望藉住呢間多國菜西餐廳為西貢居民做少少嘢作出貢獻,除咗創造一個舒適休閒嘅地方同埋好嘢食比居民同食客,仲同本地NGO合作,為海洋尤其海龜進行保育工作,盼望為環保️出一分力♻
餐廳佔地幾千呎,分為Cafe同Dining Area兩邊,無論你喺想同朋友飲杯咖啡☕️,舒舒服服咁望住個海傾吓計🌊,抑或同伴侶好友食個靚靚晚餐🍽,飲杯cocktail同欣賞日落美景🌅,相信Turtle by the Sea都可以滿足到你嘅需要😎
✝️自製咸牛肉酸種麵包三文治 $135
粗鹽醃牛肉喺北美同英國地區相當流行嘅食物,尤其十七、十八世紀無乜儲存肉類嘅方法,用粗鹽醃製就成為咗相當好用嘅保質方法🧂。餐廳自製嘅香脆酸種麵包🥪,配上接近5cm厚嘅千層鹹牛肉片,加上清新爽脆嘅生菜同醃青瓜,保證你食完第一啖之後就食唔停口🤤。牛肉無想像中咁鹹,一咬落去有些少肉汁流出💦,陣陣牛肉香配上好似風乾火腿咁嘅千層口感,只有少少脂肪層食落一啲都唔膩
✝️煙三文魚牛油果沙律 $178
以煙三文魚同牛油果為主打🥑,配上鮮甜嘅時令水果:藍莓🫐、紅柚同士多啤梨🍓,加上新鮮羽衣甘藍同羅馬生菜🥬,當然唔少得車厘茄、橄欖🫒、酸豆同百香果油醋醬去伴碟調味,雖然價錢好似貴咗少少,但食材嘅新鮮度同呢個環境都可以話值返晒😌
✝️炭燒美國頂級肉眼牛扒 $398
用高溫將330g嘅頂級肉眼牛扒炭燒🔥,燒至5成熟,牛扒肉汁迅速被鎖緊喺牛肉組織之間,一咬落口先有輕輕嘅炭焦香味,繼而品嚐到肉眼非常豐富嘅肉汁同牛肉羶香🐂。肉質鬆軟多汁,邊邊嘅脂肪層更加將口感同味道二度提升🤩,配上黑椒同海鹽一齊食就更能突出牛扒嘅鮮味。牛扒用木板上好有睇頭,另外仲有得揀薯蓉、烤薯仔或者薯條做配菜🥔,當然唔少得其他蔬菜🥦
喺西貢海邊食嘢又點可以唔飲番杯靚靚Cocktail/Mocktail呢🍹?叫咗兩杯Signature Mocktails——瘋狂的菠蘿($58)同酸野莓($58),前者似足Piña colada,bartender特別加咗雲尼拿雪糕喺當中🍨,令Mocktail口感飲落更加creamy同厚身,另外椰奶、椰糖同菠蘿汁嘅配搭就更加成為咗Mocktail嘅主要味道來源🍍;酸野莓主要用士多啤梨果汁同梳打水整成,士多啤梨更加迎合返依家當造嘅季節,清新香甜夠晒Fresh🌱
食完嘢坐喺近海邊嘅位置飲多杯Flat White($42),為呢個假期嘅下午畫上幸福寫意嘅句號☺️
#foodie #urbanexplorer #本地遊
茶屋達磨勢不撓,日式風格夠取巧
餐廳:茶屋達磨 (坪洲)
地址:坪洲永安街40號地下後舖
如果做人可以秉持住「跌幾多次就起返幾多次身」呢個道理,相信更多人會因為失敗而獲得真正嘅成功。難得口罩令終於取消,放假專程入咗坪洲呼吸新鮮空氣😌
喺坪洲碼頭向市政大樓方向行,喺後一條街就見到呢間充滿日式風味嘅Cafe——茶屋達磨,餐廳無論環境定食物都有濃厚日本風🇯🇵,當中仲有茶道🍵、日本櫻花掛飾等🌸,最重要咁啱見到佢哋嘅榻榻米座位有位,又想飲杯咖啡嘆吓☕️,所以就決定入去食個靚靚午餐😋
原來老闆兩公婆本身都喺教柔道,疫情底下一開始轉型開外賣店,慢慢就轉埋做堂食。而因為疫情爆發最勁嗰陣喺佢哋跌到谷底最深之時,好彩記得佢哋嘅教練送過一隻達摩(Daruma)比佢哋,寓意好似打柔道咁喺邊度跌低就喺邊度起翻身,永遠不倒,勿忘初衷。所以老闆就用達摩做logo嚟提醒自己開餐廳嘅堅持同初心💪,同時用心自創咗多款主食同甜品🍮
✝️鰻魚蛋蓋飯 $78
成隻碗咁大,成本書咁厚嘅玉子蛋,未食已經流晒口水🤤,切開玉子蛋見到裡面有唔少鰻魚塊,雞蛋加咗鰹魚湯喺當中,食落更加香滑,味道層次更為豐富;鰻魚塊輕輕燒過🔥,唔會用好重手鰻魚汁蓋過本身嘅鮮味,食完都幾飽肚
✝️日式雞肉炒烏冬 $70
用咗雞肉、椰菜、紅蘿蔔🥕、洋蔥🧅、紫菜、芝麻去炒香烏冬,加上秘製日式照燒汁,雖然個人覺得鹹咗少少,不過食落相當惹味,加上炒烏冬濕濕哋唔會太乾,可以話色香味俱全👍
甜品叫咗個自家製Tiramisu($58)同焙茶紐約芝士蛋糕($45)。茶屋達磨做外賣店嗰陣最主打就喺呢個Tiramisu,最高峰一日可以賣到100個🤩,放入口每啖都細膩香滑,有輕輕Rum酒香同可可粉嘅滋味,甜而唔溜;紐約芝士蛋糕用咗京都美好園直送嘅焙茶粉🌱,同老闆自家製發酵咗7個鐘嘅Sour Cream整成,香醇嘅焙茶香加上比較濕潤嘅蛋糕層🍰,仲有香脆嘅薄薄餅底組成完美配搭,連埋White Coffee——Latte($38)同Cappuccino($38)一齊食就最適合不過☺️
#本地遊 #urbanexplorer #foodie
食盛寅慢煮製麵,唔少街坊都話掂
餐廳:盛寅慢煮製麵 (觀塘)
地址:觀塘聯安街9-15號永毅大樓地下B號舖
日式拉麵店全香港都喺🍜,主打慢煮食物嘅日式餐廳亦都唔少,慢煮食物嘅拌麵你又見過未呢?觀塘聯安街呢間盛寅慢煮製麵 @moritora_hk 主打日式style麵食,開咗半年已經有唔少熟客仔幫襯。餐廳由純正日本人同本地人合作開設嘅,比較受歡迎嘅有拌麵同湯麵,想食飯嘅亦可以揀泡飯🍲
主食平均都喺四十幾至五十幾蚊,叫套餐包埋炸物拼盤/野菌油菜同埋飲品都唔洗七十蚊,呢個咁平嘅價錢難怪有唔少人就算唔喺堂食,都會叫外賣喺屋企食啦😎
佢哋三款湯底都無加任何味精❌,大地魚蝦米湯喺最先有嘅自創湯底,而為咗迎合多啲人嘅口味就研製埋洋蔥大蒜雞白湯,甚至乎後期有唔少健康/素食人士提出要求,餐廳就加入埋蕃茄南瓜濃湯。款款都喺每日新鮮熬製,啱晒唔同人嘅需要👍
✝️味噌豬面肉湯麵 $52
餐廳所有肉類都經慢煮處理,呢個豬面肉亦都唔例外🐷,入口有啲似我哋平時食嘅豬頸肉,慢煮嘅方式令豬面肉更多肉汁,入口更嫩滑同濃味,加上白味噌同味淋,之後再輕輕烤香外層,令表面有微微香脆口感,食落外脆內軟更有層次感😋。麵底揀咗波菜麵,唔洗加錢,配上用慢火燉煮雞骨而成乳白色洋蔥大蒜雞湯,略有輕輕大蒜同洋葱等食材嘅香味,比普通雞湯更為出眾🤩
小食叫咗個霸王慢煮雞胸($53)同野菌油菜($22),前者咗用銀芽、薑、青蔥同紅椒🌶,再加上用糖、蠔油、紹興酒等調味料整成嘅醬汁,雞胸嘅份量唔少,肉質尚算嫩口,配埋霸王煮法令慢煮雞胸同時充滿港式同日式元素,幾有綽頭😎;後者就將生菜同雜菌淋上蠔油芡汁,$22嚟講算喺咁啦
✝️香芋珍珠鮮奶 +$19
除咗一般嘅樽裝汽水、紙包飲品🧃,餐廳仲有港式茶飲同4款盛寅特飲:黑糖珍珠鮮奶、香芋珍珠鮮奶、百香果乳酸梳打同珍珠烏龍奶茶🧋,呢杯香芋珍珠鮮奶嘅香芋同鮮奶香都幾balance,不過就有少少稀🤏,叫咗少甜少冰,飲落唔會太甜或者味道太突出而愈飲愈頸渴,珍珠黏度都幾高十分煙韌有咬口,鍾意有口感嘅人應該會幾鍾意🤣
#foodie #urbanexplorer #本地遊
過千呎寬敞環境,美食裝潢任你影
餐廳:House FiftyEight (觀塘)
地址:觀塘駿業街58號4樓
觀塘駿業街電訊數碼大樓喺唔少附近打工仔食飯聚腳點,啱啱2月頭就有一間新開嘅西式餐館——House FiftyEight @house_fiftyeight ,午市主打西餐🍽,夜晚就主打Bar and Grill嘅形式,無論喺中午過嚟開會食個Set Lunch,定喺夜晚同同事圍爐吹水飲杯酒🥂,呢度都絕對喺一個唔錯嘅地方
餐廳佔咗4樓成層,幾千呎嘅佔地面積打造咗唔同空間:飛鏢機🎯、Beer Pong🍺、VIP獨立房間、梳化座位同一般方枱,空間感都真喺幾大,可以同時容納接近100人,就算公司搞Event開Party都喺個幾好嘅選擇👍
午市Lunch Menu有8款食物,餐廳定期會更換Menu上嘅食物,價錢由$98-$138不等,套餐包括是日餐湯、餐包同熱飲一杯,而嗰日嘅餐湯就有南瓜湯同雜菌湯🍄;另外仲有意粉🍝、田園沙律、白飯、薯條同是日甜品可以加配,是日甜品喺藍莓芝士蛋糕(+$22),份量就唔喺好大,不過賣相都幾精緻,芝士蛋糕質感比較硬實🍰,淡淡嘅Cream cheese香味唔會太濃而令人食到好溜
✝️美國安格斯頂級牛板腱 $138
足8oz嘅牛板腱,上枱見到有兩塊嗰陣都令我哋驚訝地覺得份量好足而抵食🤩,叫嗰陣店員無問我哋想要幾成熟,預設嘅熟成度望落似5成🥩。美國安格斯牛肉被視為高級牛肉,唔少餐廳扒房都會以美國安格斯去招徠鍾意食扒嘅人士。牛板腱喺牛肩胛附近嘅肉,活動量比較大所以脂肪較少,筋腱位比較多,所以食落比較多筋較韌而有咬口,肉汁多以致肉味都幾濃郁,配埋薯蓉、紅蘿蔔🥕、雜菌一齊食都幾飽肚
✝️加拿大豬肉眼扒 $108
牛嘅肉眼扒就食得多,豬肉眼扒就比較少見🐷,切開肉質細嫩,無乜脂肪同肥肉,肉眼嘅味道較一般豬扒濃香,加上表面輕輕煎香有焦脆口感🔥,確實值得回味😋。加$10叫多咗個意粉,有陣陣香草同胡椒香🌿,比起一般嘅淨意粉或者牛油意粉更為出色好味😌
#本地遊 #urbanexplorer #foodie
狐狸先生幾多點,歐式美食任你點
餐廳:Mr Wolf (中環)
地址:中環皇后大道70號卡佛大廈5樓
中環呢間充滿歐式風格嘅Mr Wolf,餐廳名源自於經典遊戲同童謠「What’s the time, Mr Wolf?(狐狸先生幾多點?)」,呢個香港以至世界各地都街知巷聞嘅作品,活活咁呈現喺餐館嘅每一個角落,包括牆上嘅時鐘🕤、由攝影師拍攝嘅狐狸相片作品📸、隨處可見嘅狐狸圖案同裝飾🦊,都成為咗餐館嘅一大特色
Mr Wolf大廚喺英國人,2017年開業至今一直幫餐廳設計咗多款獨特菜式🍽,當中以歐洲菜為主,同時混合新派英式、意式、中式等元素,加上每3個星期就轉換一次嘅Lunch Menu,吸引咗唔少人每隔一段時間就返轉頭一嘗佢哋嘅新菜式😋
Weekdays嘅Executive Lunch可以揀2 Course($238)或者3 Course($268),前者有一道前菜同一道主食,後者就再多一款甜品🍰,另外仲可以散叫Mr Wolf嘅Classic菜式,例如炸魚薯條、和牛漢堡等🍔
✝️生醃鯛魚 配 茴香石榴 酸奶油 (前菜)
一碟有3片薄切生醃鯛魚,加上柚子汁、茴香、石榴同酸奶油,調味過後鯛魚鮮味得嚟一啲腥咩都無,酸甜嘅滋味令胃口大開😍,鯛魚連埋各種配料一齊食仲提升咗唔少口感上面嘅層次
✝️焗雞肉餡餅 配 香草芝麻醬 (前菜)
呢款參考北非式嘅千層批,食落有啲似港式春卷🫔,酥脆香口,餡料喺超豐富嘅焗雞肉粒🐓,仿中東式嘅醃製手法食落有啲似咖喱香料味道,加上中東香草芝麻醬,用去咗殼嘅芝麻打磨而成,入口清新,令餡餅無咁油膩之餘亦比一般嘅沙律醬、蛋黃醬更為健康👍
✝️燒乳鴿 配 薯仔 煙肉 西洋菜 馬薩拉酒汁 (主食)
喺中式菜入面,燒乳鴿喺一道好常見嘅菜式,Mr Wolf就將乳鴿混入西式香料同帶有甜香酒香嘅馬薩拉酒汁一齊烤焗🔥,令乳鴿別具一番驚喜同特色🎉,切開肉汁豐腴嘅乳鴿,入口香嫩一啲都唔嚡又唔會乾身,食埋薯仔🥔、煙肉🥓、西洋菜就更加飽肚
✝️烤鹿脊豬肉丸 配 忌廉椰菜 黑椒醬 (主食)
用鹿脊肉同豬肉搓成肉丸拎去烤煮,鹿肩肉嘅油份較少而且帶有一種獨特嘅肉香🦌,一絲絲嘅肉碎入口有免治質感,配上黑椒醬同忌廉椰菜、紅蘿蔔一齊食就無咁濃膩,確實喺比較少見嘅一道特色主食
✝️黑朱古力蛋糕配酸櫻桃醬 (甜品)
甜品就有餐館自製嘅黑朱古力蛋糕,面頭喺一層由朱古力同鮮奶油整成、充滿朱古力濃香嘅甘納許🍫,底層就有榛子果仁碎🌰,上軟下脆嘅口感加上酸櫻桃醬一齊食就唔會咁溜,仲有清新鮮甜嘅熱情果雪糕🍨,呢一餐食完飲埋杯Latte都真喺幾滿足🥰
餐廳即日起至3月31號仲推出多個優惠,星期一晚市所有main course食物都有5折;為提倡健康飲食,A La Carte餐牌嘅沙律同素食食物一律有75折,Breakfast and Brunch嘅健康食物亦有同樣折扣優惠🤩,原來喺度食健康啲唔單止對身體好啲,對荷包嘅負荷都一樣大大減少😝
#urbanexplorer #foodie #本地遊
一郎拉麵夠極致,限定湯底你要試
餐廳:一郎 (尖沙咀)
地址:尖沙咀漢口道19-21號漢宜大廈地下L號舖
一郎喺上年9月,由日本九州將最究極風味嘅傳統拉麵帶到嚟香港比大家品嘗🍜,成為近期尖沙咀嘅人氣日本過江龍拉麵店,星期日接近2點入座都要等位,客人仲陸續有嚟,究竟喺咩因素吸引咁多人排隊都要過嚟食佢哋嘅拉麵呢🤓?
餐廳每日用超過100斤新鮮豬肉同蔬菜熬煮拉麵湯底🔥,俾你體驗到香濃無味精嘅日式風味,每一啖都喺一郎日本傳統秘方嘅精髓同精華✨。4款固定招牌拉麵:九州傳統拉麵、鰹魚醬油拉麵、特製黑蒜拉麵、特製黑蒜拉麵各有特色,仲有大概3個月轉換一次、充滿驚喜而且每日限量嘅「期間限定」拉麵「限定君」,等你不時過嚟都有新湯底可以試吓🤪
✝️鯛魚白湯拉麵 $138
今期嘅期間限定拉麵,用咗和歌山嘅真鯛先煎香、後以大火煮足5個鐘,烹調成鮮甜奶白色嘅魚湯底🐟,配埋3件輕輕炙燒過嘅真鯛魚肉同西班牙慢煮叉燒,加上醬油溏心蛋、京蔥、蘆筍、筍、紫菜,同掛汁幼麵,真心引唔住連湯底都飲清過😋
✝️激辛地獄拉麵 $98
呢碗「赤郎君」用咗獨有秘方煮成先辛後辣嘅紅湯底,口感濃郁得嚟辣得過癮🌶,喺冬天食碗又熱又辣嘅拉麵簡直滋味double up⬆️,鍾意食辣嘅人絕對唔可以錯過👍;另外配上兩塊慢煮過嘅西班牙黑豚肉片,肉質軟嫩有陣陣肉香🐷,連埋煙韌彈牙嘅粗麵一齊食就更能細味「地獄」嘅滋味😈
小食就叫咗個羽根餃子($32)同溫泉流心玉子冷豆腐($38)。餃子有4隻🥟,煎香嘅豬肉餃子皮薄煙韌,底部有一層好似羽毛咁薄薄嘅脆皮,食起上嚟更加香口🤩;冷豆腐滑溜充滿豆香,中間放上新鮮嘅新紀元卵•曉流心蛋🥚,加上少少意景就好似初出升起嘅太陽一樣🌞,再配埋酸甜清香嘅日本柚子醬汁,確實喺幾吸引
值得一提嘅喺,拉麵店仲引入幾隻BE@RBRICK作為陪食員陪大家一齊食拉麵,咁就唔洗怕寂寞😆。消費滿$100仲可以即場扭蛋抽獎品,保證人人有獎:現金券、免費小食/飲品/拉麵,甚至日本100% BE@RBRICK盲盒都有😍,呢啲咪喺引人入勝嘅加分位囉😎
#本地遊 #foodie #urbanexplorer
香港素食探店 | 鰂魚涌 Nutsy Coffee
【純素咖啡小店 咖啡輕食俱佳】
鰂魚涌靜雞雞開咗間純素咖啡店,除了有燕麥奶咖啡飲,仲有一系列望落好吸引的純素輕食,吉列豆腐漢堡和芝士通粉都好想試!甜品仲有純素Tiramisu和曲奇等等,我一發現就立即安排上,帶埋食物盒去仲有優惠啊。
🧀Mac & Cheese HK$80 / Latte HK$40
店內餐點都用外賣盒,可以自備餐盒減少浪費,仲有HK$10優惠。
純素芝士汁實際用南瓜加營養酵母等調製,食落清爽唔會好似真芝士咁heavy,味道甜中帶少許煙燻感有特色。通粉之外還有西蘭花、車厘茄和純素芝士粉,份量都幾多食完勁飽。
🍪南瓜朱古力曲奇 HK$35
大大塊的厚曲奇外層香脆,咬落有少許煙韌感,味道是超濃郁pumpkin spices,吃完口中徘徊肉桂香料味一整天,充滿冬日聖誕感覺!如果你非肉桂愛好者就要考慮一下。
店內用的咖啡豆跟燕麥奶很搭,想嘆啡吃純素美食記得bookmark啦!
______________________________
食素都好有生活情趣👸🏻
追蹤 @misskitb 緊貼最有幸福感素食情報
🇭🇰香港邊度有素食?→ #菜菜子in香港
📍區區有素食→ #鰂魚涌美食 #鰂魚涌素食
🐭素別→ #純素
歡迎餵飼 DM邀約
______________________________
#hkvegetarian #hkvegan #vegan #vegetarian
#hongkongvegan #plantbased #greenmonday #hkfoodie #hkfood #hkfoodstagram #foodstagram #hkveggie #hkfoodies #hkfoodblogger #hkinfluencer #hkrestaurants #vegetarianfood #greenfoodies #gogreen #相機食先 #veganfoodshare
#foodie#本地遊#urbanexplorer#cafe
日系甜品夠破枱,晚餐由你去配搭
餐廳:屋子生活 (馬鞍山)
地址:馬鞍山烏溪沙路8號迎海薈地下4A舖
早排由馬鞍山出發經過烏溪沙,沿住西沙路一直行到去西貢,喺烏溪沙站附近見到呢間環境相當吸引嘅屋子生活,決定有機會一定要去打卡食飯📸
原來唔經唔覺餐廳已經開咗7年幾8年,未入到去已經察覺到一陣好濃厚嘅嘅日系味道🇯🇵。白色牆配上彩色油畫,木系嘅餐桌凸顯出簡約風格🪑,加上日式榻榻米🎎,增添咗一份悠閒舒適、「家」嘅感覺🏠,而最重要嘅喺,相信每個人嘅生活都需要一點甜🥰
屋子生活定期更新餐牌,晚市套餐可以自由配搭🥢,由米飯/麵到主食、飲品、配菜,甚至每一樣食物飲品都可以按照自己嘅需要去作出調整,有得揀先至喺真正嘅享受😎
✝️紅酒味噌燒牛肋晚餐 $95
唔同料理唔同價錢,而晚餐呢個價錢包埋米飯/麵、湯同飲品,加$25仲多一款配菜。牛肋肉由大廚親自烹煮調製醬汁🔥,有6-7舊,咬開一疏疏嘅牛肋肉絲,有咬口得嚟肉味香濃,紅酒味噌滲透喺牛肉之間🍷,鹹香豐厚,配埋泡菜飯(+$5)一齊食就無咁鹹,加上芝麻同京蔥香,確實幾惹味,不過當日嘅飯就有少少爛🤏;特別一讚一啲都唔死鹹嘅足料滑子菇白味噌湯,可以睇得出餐廳用心嘅製作💕。比多$10試埋個涼拌豚肉薄片沙拉🥗,其實唔喺豚肉薄片而喺豚肉條🤣,份量比我想像中多,加上豚肉帶有少少五花腩,食落豚脂香味豐腴,簡單配上沙律菜同黑醋已經喺一道唔錯嘅開胃配菜👍
✝️和風蛋漢堡晚餐 $88
因為唔係和牛肉,所以牛肉香相對無咁出色,不過手打嘅牛肉漢堡都幾厚而且鬆軟😋,肉嫩飽滿,按需要加埋流心太陽蛋、照燒汁、沙律醬一齊食,創造出唔同嘅配搭同層次,即刻令漢堡豐富咗唔少🤩;加埋個暖笠笠嘅彈牙烏龍麵($18)就夠晒飽肚
✝️抹茶白玉雙層華夫 $63
甜品一上枱已經忍唔住影過不停😍,破格嘅雙層窩夫有別於一般格仔型狀,造型有啲似兩個冬甩疊起🍩,面頭再有一層濃郁甘醇嘅抹茶忌廉,上面仲有唔少抹茶粉,令外面脆卜卜、內裡鬆軟嘅窩夫充滿陣陣抹茶香味,加埋4粒QQ煙靭嘅白玉,真心值得你叫嚟一試😝
✝️鐵觀音舒芺蕾 $69
要整到一個foamy嘅梳乎厘,烘焗嘅時間同火候嘅掌握十分重要,上枱已經開始見到疏乎厘以緩慢嘅速度下陷,即刻嗱嗱聲影返幾張相就開始品嚐📸。微微焦脆嘅外層配上空氣質感嘅蛋白層,加上香濃嘅鐵觀音忌廉醬,茶香滋味配埋過癮口感真喺難以令人抵擋☺️
飲品方面叫咗個Latte(+$28)同烤奶蓋珍珠咖啡(+$28),除咗有得加錢轉燕麥奶或者豆奶之外,仲可以免費轉做脫脂奶😍,健康嘅第一步就喺盡可能選擇健康少少嘅用料。黑糖珍珠配上脫脂奶,加入Espresso同濃厚奶蓋,估唔到個味道又幾夾,仲相對無黑糖珍珠鮮奶咁甜溜,啱晒我呢啲鍾意咖啡又鍾意珍珠飲品嘅人☺️
#foodie #urbanexplorer #本地遊 #cafe
用心自家製甜品,幾何設計逐樣搵
餐廳:GEO Café (荔枝角)
地址:荔枝角福榮街565號地舖
唔知你有幾耐無試過抽段時間空間出嚟,同傾得埋嘅朋友搵間Cafe坐低傾返幾粒鐘偈,嘆返件Cake🍰、飲杯咖啡☕️,好好咁享受難得自在嘅一個下晝呢?
Cafe名「GEO」即喺「Geometry」,亦即喺 「幾何」嘅意思,一幅幾何圖由唔同嘅簡單基本圖案組成,而老闆就喺想帶出佢哋有各方面紮實嘅基本步,砌埋一齊先行到呢一步,開咗呢間着重食物質素、以咖啡同甜品為主打嘅Cafe
Cafe以簡約嘅黑白啡色湊合成水泥簡約風格🔲,加上糅合幾何設計概念,打造咗樸實而唔造作嘅特色。食材採用國外高級原材料,加上1-2星期更新一次嘅Special menu,希望將食物嘅水準同驚喜帶比每一位嚟到嘅食客🎉
✝️All Day Breakfast $98
呢個All Day Breakfast嘅食物材料組合豐富而大份,香草腸、一啲都唔油膩而且唔會好鹹嘅煙肉🥓、惹味炒雜菌、煙三文魚、炒流心滑蛋、層層酥脆牛角包🥐,同埋黑醋沙律🥗,另外配上一碗自家製有粒粒粟米蓉嘅粟米濃湯,所有食物都喺新鮮即叫即整,一啲都唔馬虎🤓
Geo Café每一款甜品都喺自家製同經過多次調味而成,所有甜品都喺以低糖配方處理,食多幾樣都相對無咁大罪惡感😝。GEO法式吐司($78)將多士均勻咁浸入糖漿之後加牛油去煎🧈,令多士食落每啖都有陣陣糖漿甜香,表面仲有輕輕焦脆口感😍;香蕉麻糬窩夫伴巧克力雪糕 ($68)特別在於窩夫喺用麻糬粉加窩夫醬撈埋一齊整成🧇,窩夫同麻糬嘅口感二合為一,做到外層鬆脆而內裡煙靭柔軟,加上焦糖香蕉同朱古力雪糕一齊食,口感同滋味瞬間Level Up⬆️;巴斯克芝士蛋糕($50)雖然就細件咗啲,不過奶滑微微濕潤嘅蛋糕質感,加上濃郁嘅芝士香同輕微焦香,每一啖放入口都喺幸福嘅感覺🥰
另外加$15要咗杯原價$38嘅Latte,朋友就叫咗杯雲石鴛鴦($38),餐廳所用嘅喺中深烘焙House Blend咖啡豆,白咖啡Latte以鮮奶香為主🥛,每啖嘅後勁有偏向nutty嘅咖啡豆風味,啱啱好唔燙口嘅微溫同厚度適中嘅奶泡好睇得出咖啡師嘅功力👍;雲石鴛鴦即喺黑芝麻鮮奶,兩杯都有靚靚圖案拉花,分別喺兔仔同無臉男,相當別緻😍
#本地遊 #urbanexplorer #foodie
韓式滋味辣上癮,冬天最啱熱騰騰
餐廳:Maido まいど (尖沙咀)
地址:尖沙咀金巴利道64號順輝大廈地下3號舖
尖沙咀金巴利道嘅韓國餐廳真喺多到食極都食唔完🤣,今次去咗呢間比較少人嘅Maido @maido_nam 食晚餐🥢,原來數吓手指店員話餐廳已經開咗接近5年,而佢哋除咗主打韓式料理之外仲有少量日式料理提供🇰🇷🇯🇵
傍晚6點入座,接近7點開始多人,餐廳播住韓國K-pop music🎵,坐低無耐就送上玄米熱茶🍵,咁啱去嗰晚返風都幾凍❄️,有杯熱茶飲吓都真喺幾溫暖,瞬間加咗唔少分數🥰。嗌咗嘢食,店員就送上三碟韓式前菜:醃製咗嘅泡菜、芽菜同埋西蘭花🥦,聽講呢幾款都喺近期被認為喺十大Superfood(超級食物)嘅其中幾樣😍,等我都唔執輸食多啲先
✝️鐵板炒雞肉 $138
未食就已經聞到好香嘅鐵板燒烤味道🔥,雞肉份量都幾多,用咗黑椒同秘製燒烤醬汁去爆香,加上洋蔥🧅、辣椒🌶️、香蔥等香料,食落相當惹味,亦都無我想像中咁鹹咁濃味,就算就咁食都唔會覺得好膩👍,唯獨食到底嗰啲會比較多油份
✝️泡菜湯 $85
一上枱嗰陣成窩「滋滋」聲熱辣辣♨️,當中以泡菜同豆腐為主,香辣得嚟夠晒平衡,唔會搶咗食物本身嘅味道,而呢個泡菜湯仲附送一碗白飯,咁就可以配埋鐵板炒雞肉一齊食😆
✝️辣海鮮湯麵 $95
包括鮮蝦🦐、蜆、魷魚🦑、花甲幾款海鮮為主,配上韓式拉麵同香辣湯底🍜,份量真喺有啲驚人,足夠兩個人share一齊食。拉麵完美咁索晒辣湯精華。雖然暫時仲未有機會去一轉韓國旅行🇰🇷,不過呢一餐都已經勾起咗我唔少10年前去韓國嘅回憶🤓
#foodie #urbanexplorer #本地遊