https://hk.trip.com/moments/tag-386014-%E8%91%A1%E4%BA%AC%E5%A8%9B%E6%A8%82%E5%A0%B4/
澳門zipline 澳門飛索
近年澳門新興景點-澳門飛索，zipline全長388米，非常之長，但係樓高只係60米飛去30米，適合一大班朋友玩或者喜歡極限運動又畏高嘅朋友，去到唔係好多人玩，所以招呼都好熱情同埋好快手，佢仲幫我哋免費錄埋影，錄低飛行嘅片段。另外，佢哋有兩個教練講解嘅時候講解得好詳細，有仔細教我哋點樣放鬆，點樣飛行，點樣影相影得靚啲，同埋都有幫我哋詳細檢查裝備，確保我哋安全，完成講解同埋檢查之後，我哋就會搭lift上10樓，準備玩飛索，等候區已經可以觀看澳門嘅景色，包括巴黎鐵塔，美高梅等夜景，正式飛行嘅時候更遠遠望到海景。飛行嘅時候，速度唔係特別快，時速大概只係40公里，所以都好適合小朋友玩，而大概1分鐘就會飛到終點，未飛嘅時候會有少少驚同埋緊張，但係飛緊嘅時候基本上都好relax，所以如果去澳門玩都可以試吓玩下，不過可惜我嗰日玩嘅時候天氣唔係太好，所以想入面嘅景色唔係太清楚，如果想睇靚景嘅話可以選擇天氣好嘅嗰一日去，或者想睇得清晰啲都可以選擇中午晏晝玩
#澳門通關 #澳門飛索 #境外遊 #新年好去處 #新去處#新體驗 #zipline #澳門必去景點 #葡京娛樂場 #朋友聚會好去處 #zip-city #zipcity #Macau zipcity #ZIPCITY #Macau