https://hk.trip.com/moments/tag-92257-danacango/
新舊交替嘅打卡好地方
中環街市雖然翻身咗都有一段時間,一直想去但係我都驚好多人,早幾日去中環洗牙,佢嘅位置咁啱就係中環街市嘅對面,所以終於有機會行逛下呢個歷史建築物。
其實細個因為屋企人嘅工作關係,所以成日都會去中上環,你中環街市上面嗰條扶手電梯正正就係我必定會經過嘅位置,所以我細個就已經對中環街市好有強烈嘅印象。翻新左之後嘅中環街市分為地下,1樓同埋2樓,地下大多數都係各類型嘅餐廳食肆另外有座位提供可以坐低喺度食,1號同埋2樓方面反而比較綜合性,除咗有以外賣為主嘅食物食物賣之外亦都有各類型嘅零售產品,大多都係小店為主。
除咗店舖之外我見佢哋都會喺唔同嘅時期舉辦一啲展覽或者活動,我今次去咁啱就見到金源米業佢哋舉辦一個關於白米嘅展覽,另外都有啲相片同埋文字去講述返中環街市嘅歷史。我自己最鍾意就係佢嘅新舊交替,佢哋會利用返原本街市有嘅元素,例如一啲手寫嘅標誌,又或者係翻新佢哋原本有嘅樓梯,從而去活化呢一座建築物,如果大家得閒有時間嘅話都可以去行吓飲番杯咖啡,甚至乎去打卡影相,去感受下香港僅餘嘅歷史情懷,我覺得都係一個唔錯嘅消磨時間嘅方法,大家如果有興趣都可以去吓!
🇭🇰 中環街市 Central Market
香港中環皇后大道中93號🇭🇰
#本地遊#親子好去處懶人包#親子好去處#香港打卡 #danacango#打卡熱點#hkig#hkdaily#打卡#香港攝影#hongkong #2022展覽#本地遊 #人氣展覽 #駐站作家
CP值好高嘅五星級酒店
上個月屋企人生日,本來諗住去酒店食餐自助餐,點知上網見到而家啲staycation套票好平,一晚酒店嘅住宿連埋兩人自助早餐加晚餐都只係千幾蚊,而且聽講呢間酒店嘅設施都好正,呢個咁好嘅機會就梗係剪條片俾大家睇吓啦!
今次我住嘅係位於北角嘅Hyatt Centric Victoria Harbour Hotel,呢間酒店都屬於一間比較新嘅酒店,有分東翼同埋西翼,喺2樓嗰層會貫通晒兩座大樓,另外酒店亦都係一間動物友善酒店,除咗有俾動物嘅綠化地帶之外,仲有動物專用電梯,絕對可以帶埋你嘅寵物家人一齊去玩!
另外我覺得酒店嘅設施都幾新幾完善,除咗佢哋可以睇到維港景色嘅健身室之外,最重點嘅當然就係佢嘅無邊際天台泳池,喺游水嗰陣面對着維多利亞港嘅景色,絕對係一個打卡嘅好地方。知道佢嘅房間方面雖然偏細,但係都唔會好逼夾,雖然我嘅房間係標準雙人床,但係都可以喺梳化位度睇到小小維港海景架!有啲美中不足嘅係房間只有淋浴間,不過都唔算好影響整體嘅質素。之後仲會有一篇餐飲篇嘅,大家記得到時睇埋下回分解啊!
🇭🇰 Hyatt Centric Victoria Harbour Hotel
香港維港凱悅尚萃酒店
香港北角北角邨里1號🇭🇰
#本地遊#親子好去處懶人包#親子好去處#香港打卡 #danacango#賞楓#打卡熱點#hkig#hkdaily#打卡#hongkong#香港#staycation #維多利亞港 #victoriaharbour #hotel #chill #酒店 #無邊際泳池 #infinitypool #動物友善 #維港 #view #本地遊 #抵玩酒店 #foodie #景點拍攝指南 #香港好去處
CP值好高嘅五星級酒店-房間設施篇
上個月屋企人生日,本來諗住去酒店食餐自助餐,點知上網見到而家啲staycation套票真係平得好緊要,一晚酒店嘅住宿連埋兩人自助早餐加晚餐都只係千幾蚊,而且聽講呢間酒店嘅設施都好正,呢個咁好嘅機會就梗係剪條片俾大家睇吓啦!
今次我住嘅係位於北角嘅Hyatt Centric Victoria Harbour Hotel,呢間酒店都屬於一間比較新嘅酒店,有分東翼同埋西翼,喺2樓嗰層會貫通晒兩座大樓,另外酒店亦都係一間動物友善酒店,除咗有俾動物放電嘅綠化地帶之外,仲有動物專用電梯,絕對可以帶埋你嘅寵物家人一齊去玩!
另外我覺得酒店嘅設施都幾新幾完善,除咗佢哋可以睇到維港景色嘅健身室之外,最重點嘅當然就係佢嘅無邊際天台泳池,喺游水嗰陣面對着維多利亞港嘅景色,絕對係一個打卡嘅好地方。知道佢嘅房間方面雖然偏細,但係都唔會好逼夾,雖然我嘅房間只係標準雙人床,但係都可以喺梳化位度睇到小小維港海景架!有啲美中不足嘅係房間只有淋浴間,不過都唔算好影響整體嘅質素。
樓上呢條片雖然1分鐘左右,但係我都剪咗好耐㗎啦,希望大家有興趣嘅話就俾個like支持一下我啦!之後仲會有一篇餐飲篇嘅,大家記得到時睇埋下回分解啊!
🇭🇰 Hyatt Centric Victoria Harbour Hotel
香港維港凱悅尚萃酒店
香港北角北角邨里1號🇭🇰
#本地遊#親子好去處懶人包#親子好去處#香港打卡 #danacango#賞楓#打卡熱點#hkig#hkdaily#打卡#hongkong#香港#staycation #維多利亞港 #victoriaharbour #hotel #chill #酒店 #無邊際泳池 #infinitypool #動物友善 #維港 #view #抵玩酒店 #本地遊 #跨年好去處 #foodie #景點拍攝指南 #春天去邊玩
極度適合打卡嘅市區楓葉勝地
唔知道大家有幾耐冇去過日本呢?我自己都有一年幾兩年冇去過啦,最近成日都心癢癢好想去旅行,好彩香港都有好多唔同嘅景點俾大家去吓打下卡順便止痕,如果唔係真係唔知點算呀!
最近去staycation嗰陣順便去咗行北角匯,發現嗰度除咗有一田大特價之外,另外原來而家佢哋都搞緊一個和風紅葉祭,除咗有提供影相打卡嘅地方之外,亦都可以有浴衣租借嘅服務,等大家重拾下日本風情。
我今次就冇用到佢哋租借嘅服務,不過我就去咗佢哋個園藝打卡裝置,佢哋今次將商場外面嘅綠化地帶改造成日本嵐山,除咗有火車頭同埋路軌之外亦都有好多唔同顏色嘅楓葉陪襯,喺好天嘅天氣情況下影相真係超級靚,夜晚嗰陣佢哋仲會有燈光作為陪襯,帶俾你另外一種感覺,就好似返咗日本咁添,佢哋呢一個裝置會去到1月2號㗎,大家如果經過嘅話不妨去打個卡影靚相啦!
🇭🇰 北角匯
香港北角渣華道123號🇭🇰
#本地遊#親子好去處懶人包#親子好去處#香港打卡 #danacango#賞楓#打卡熱點#hkig#hkdaily#mapleleaf#楓#打卡#autumn #秋#redleaves#紅葉#もみじ#香港攝影#hongkong#香港#harbournorth#nofilter #郊外好去處 #本地遊 #冬遊記