會安記憶Spa度假村(Hoi An Memories Resort & Spa)

第一日入住真係被房間環境嚇親，露台景觀好靚，浴缸都好舒服。自己就冇用開gym and pool，就不評論了。不過，都有失望位。早餐就唔好期待太多，有pho，但味道一般。按摩都唔夠專業，按得不到位，而且按完趕住收錢，冇服務（例如 水/茶），前一日喺市區小店都有按，嗰間反而服務仲好，仲要平D，可見貴唔等於好。Check out嗰時我地諗住問櫃檯拎支樽裝水，但咁大間酒店居然連支水都要省，經理叫我地去餐廳買，話曬都係高消費酒店，咁樣嘅答案真係好失望。最後我地都係uber司機好好人咁車咗我地去附近一間辦館，落車幫我地買埋水，四日三夜都係靠佢車我地，態度好，唔hard sell真係好好人。 最後，自己覺得，俾我揀多次，我會揀古鎮邊邊位，但又望到河嘅地方，唔洗次次喺酒店行出對面岸咁遠。古鎮附近都有好多酒店係望到河，可以慢慢揀。