我地由布吉機場去酒店,好幸運坐到共乘車送到去酒店,12:00去到達酒店登記,然後放低行李寄存後就在前往芭東海灘果邊行下,因為14:00先可以拿房。
我地14:00正就去拿房,好好彩我地今次住south wing南翼,55xx 房,因為見到評語講有d房無電梯同埋無風筒都有點擔心,但最後上到房放心了。
有電梯上落,有風筒的,但洗梳用品沒有提供,毛巾仲有2細2中2大(如果要落去游水時可以帶落去用),房間好大,床係兩張床合併的,所以訓張床就會有條空隙係中間😅😅😅不過張床超大張,一家四口都訓得到!但佢床中間竟然係充電位,如插住電插頭和usb線就會頂住張床😵💫個設計勁奇怪🙈🙈廁所有尿漬,我自己消毒左😔
房入面有露台,可以晾衫同比人吸煙。我地個景好靚,可以望曬佢個內園泳池。酒店有兩個泳池一個係鹹水一個係淡水。唔知係天氣曬到變暖水定係真係暖水池,超好游又唔凍,而且泳池水都好乾淨!
早餐方面,真心唔錯,有好多野食,算係好豐富!三日早餐嘅款式都係差唔多,每日大概轉兩至三款,有個位置係煎蛋,可以即場要煎奄列!飲品都齊咖啡、奶茶、橙汁、菠蘿汁、鮮奶!有方包、麥包、餐包、牛角包、有時會有cupcake仔、另外熱食盤嗰度有火腿、腸仔、熱香餅、布丁蛋糕、炒雜菜、咖喱薯仔、忌廉薯仔、炒麵、炒飯、湯。水果連續三日都一樣菠蘿、西瓜、火龍果,有一盆乳酪伴生果食用!仲有什錦生果沙律、生菜沙律。早餐嚟講,算係好豐富好多選擇!
我地住三晚,發現佢哋冇乜點補充房間裏面嘅用品,只係更換毛巾同埋鋪床。
例如沖涼液同埋洗頭水,容量應該只係得成個樽嘅五份一,我哋住到第三日佢都冇refill過,我哋都忍唔住叫前台幫我哋refill,就算叫佢refill都只係refill五份一😅紙巾用晒都無refill,都係要我哋同前台講先幫我哋加返。酒店房普遍嚟講都OK性價比高嘅。
其實大致食、住、環境、設備、都ok,最後就要講重要的事,我地入住當晚發現電視機下面張枱,有超過30-40隻螞蟻,係黑色的螞蟻成張枱係咁遊走。我地自己清潔左張枱幾次,但依然有好多螞蟻不知從何處爬出來!😵💫😵💫😵💫真係好恐怖。最幣係我地手袋背囊都放左係枱面,我地要係咁拍打個袋等d蟻走來出來。然後到訓較時又發現床上有幾隻螞蟻😭我地通知左前台搵人再清潔,但係第2日依然仲有螞蟻係枱面,我地再叫人黎清潔,佢地用殺蟲劑噴左幾下便離開了😢直到第3日先無再見到螞蟻😔
價錢黎講$35x/晚係唔錯,整體都好好,就係螞蟻出現令我好困擾。放完枱上物品都再消毒一次先敢用😞希望酒店真係好好處理一下及進行滅蟲既工作😢