又大又靚仲好多小動物嘅肯辛頓花園

喺英國倫敦西邊嘅Kensington Palace有個好大嘅公園Kensington Gardens,週末甚至平日都有好多人一家大細咁前往。而我喺英國旅居嘅兩年,亦成日會去呢個公園坐下睇下書。 Kensington Gardens有成公頃,除咗係一個好大嘅綠化帶,仲有好多動物喺入面棲息。唔知係咪因為遊客好多,所以啲動物會都唔怕人。如果你有嘢食的話,佢哋仲會走過嚟同你玩添~ 公園入面有個好大嘅水池,裏面有好多天鵝,大人細路都好鍾意同佢哋合照。不過如果想餵食要小心,因為佢哋好心急,會一口咬落你隻手度! XD 而公園裏面比較親人嘅係小松鼠,只要帶啲果仁,佢哋就會聚埋你身邊,有啲甚至會跳上你個身,或者坐上你大髀等你餵嘢食。睇住佢哋冬天食到脹卜卜圓碌碌咁,真係好可愛~ 神奇嘅係呢個公園仲會有孔雀同鸚鵡,啲孔雀無籠困住,但又通常會常駐喺一個地方。同樣哋用啲花生果仁哥啲引下佢哋,佢哋都會肯走埋嚟。 同埋小朋友嚟的話,一定興奮到不得了,因為難得可以咁親近咁多動物,實在係有一種白雪公主嘅感覺~ #冬遊記 #郊外好去處 #12月去邊 #最型旅行體驗 #旅行靈感 #英國 #歐遊 #郊外好去處#我好掛住#親子好去處#親子好去處懶人包