澳門自助山｜價錢公道｜食物款式超多

「自助山」自助餐 📍 澳門上葡京酒店 3樓 ❇️時間 自助午餐 12:00-15:00 自助晚餐 17:30-22:00 ❇️收費 自助晚餐 包現場海鮮 大約$700 ❇️環境 有一個超大嘅海鮮市場，入邊有新鮮海鮮食材， 可以即叫即煮 另外餐廳好闊落，乾淨企理 仲有好多大枱，啱晒一班人一齊食自助餐 要睇開小編既Post,都會知道小編上兩星期自食左一次 由於真係覺得比香港嘅自助餐好 所以襯假期決定要同屋企人去多一次！ ❇️服務 其中令小編十分驚訝嘅係，其中一位員工竟然認得我哋屋企人 然後話我地咁快就番尼食第二次 確實窩心 ❇️食物 ~賣點1~ 海鮮市場 市場裏有好多新鮮時令食材，全部即叫即煮！！ 當日嘅生猛海鮮，可以俾你有五種嘅烹調方式選擇，多元化，又可以滿足晒你嘅心願！ 淨係龍蝦都揀咗唔同嘅烹調方法是，例如上湯煮同埋椒鹽炒 **小編新推** 今次仲特別嘗試咗麥皮蝦，麥味加蝦都幾夾 幾特別👍🏼 ～賣點2～ 食款式超級多 一般自助餐嘅嘢食全部都有，仲有 蒙古烤全羊、即開生蠔、台灣嘢食、刺身等等 雖然價錢唔係好平，但係$700值回票價👍🏼 晚餐仲可以食足四個半小時，唔會好似某啲自助餐餐廳要分兩場，可以慢慢食 *不過小編今次同屋企人食完之後就覺得比較口渴 懷疑可能係龍蝦汁定我地口乾 總括而言，都好推介大家去試 大家趁而家澳門未係好多人就快啲去啦！ #新年好去處 #親子好去處 #澳門通關 #foodie