日式半榻榻米酒店

#大阪酒店#京都#watermarkhotel 十分推介呢間酒店⭐️⭐️⭐️⭐️⭐️ 雙人床¥11,220/晚（包稅），可免費取消直到入住前。因為太靚，所以立刻住多一晚，臨時book 房就要¥12,000/晚（包稅），好彩仲有房，經職員幫忙可以唔洗轉房，住返同一間。 酒店門口及大堂非常日式，職員非常有禮貌。 可以提早寄存行李，一定要夠鐘先可以check in 大堂有個架放左啲透明長遮可以借比客人。而拖鞋、牙刷、梳、抹茶粉等等用品可以按需要係自助區拎，但就冇支裝水提供。 酒店房非常乾淨企理，地方比較寬敞（日本既酒店大部份都好迫，開埋行李就會無晒位，但呢間比較好少少，起碼多條走廊位），燈光都非常柔和，非常日式的佈置，古式古香。窗外景觀係馬路。 入門後到榻榻米的地方要脫鞋內進，廁所同浴室分開2間，而浴缸及淋浴都分開，非常方便。 酒店地點都非常方便，由京都站步行到酒店都只係十幾分鐘，途路會見到京都塔、東本願寺等景點；或者可以出烏丸線五條車站，行2-3分鐘就到。 酒店附近景點有清水寺，亦可以行下市中心。 附近有pizza 店、便利店、麥當勞、遠少少有donki（由京都站行去酒店會路過）