✨️富士山河口湖親子遊✨️

#快閃東京 #河口湖 #衝出香港 好好天🌞好好天🌞好好天呀🌞 無諗過前一兩日個天仲係陰沉沉，又落毛毛雨，今日我哋嚟河口湖睇富士山可以咁好天🏔 原本我哋6點幾已經起身，諗住酒店附近有巴士可以直接坐到河口湖，不過因為未知個天氣會係點所以無訂定票，搞到當日去到已經無哂位🤷🏻‍♀️ 之後幾經轉折，轉車轉車再轉車，用咗超過三個鐘終於到咗河口湖喇😍仲有就係可以超清楚睇到✨️ 富～士～山～ 雖然個富士山已經無咩雪，不過真係好靚，好壯觀呀🤩 我哋驚會好多人排隊，所以一到咗河口湖即刻去咗搭纜車上山先🚠好好彩當時都唔算太多人，只係排咗半個鐘，因為上網睇到都話一般要排1個鐘隊～ 其實架纜車大概搭3分鐘就會到山頂，同埋一架車大概30人，所以都未ready影好啲相都差唔多到🤭 上到山頂可以更清楚望到富士山同埋河口湖，加上當日好好天，個景真係好靚好靚❤️ 喺山頂原來除咗有多個打卡位可以全方位影富士山同河口湖，又多個遊客本地人一齊排隊喺打卡位打卡，仲有超多唔知喺蚊滋定係咩不停飛埋嚟，佢哋專攻眼睛，所以大家都係會一路打卡一路用手撥開啲蚊滋🪰 望夠個富士山，打哂卡，再行埋手信店，我哋就搭返纜車落返河口湖🏞 因為我哋喺即日來回，所以我哋喺河口湖簡單食咗啲野，再行埋手信店就搭返個鐘車返秋葉原🚅 雖然只係即日來回，但係真係好開心天公造美，等我哋可以咁清楚睇到咁靚嘅富士山同埋河口湖，加上唔算多人，唔會話太迫要排太耐隊😎 成個行程如果我哋搭巴士應該會更舒服，因為可以一程過唔使轉嚟轉去，不過就係因為我哋轉搭火車反而俾我哋搭到好多好有特色嘅火車，下一個post再share俾大家睇🚂 #MBA樂園 #MelissaBellaAlyssaParadise #親子遊 #日本 #hktraveller #klook #tripcom #三寶媽 #親子 #hkkids #旅遊 #富士山 #旅遊推介 #親子blogger #育兒日常 #媽媽blogger #纜車 #景點推介 #境外遊 #駐站作家