疫情間初次登陸非洲大陸-南非開普頓 Cape Town

一年前訂嘅機票 等到頸都長終於可以如期出發 仲要等到減監由7晚縮到3晚 都算好彩 HKG-CPT 喺南非開普敦玩足十幾日,仲要唔洗戴罩,再加上空氣又清新,真係好舒服🥰 最神奇係一開始爆得最勁嘅南非到依家經歷幾次病毒變種已經淨返幾千宗active cases 所以出去玩嘅時間都可以好放 完全無擔心過😂 出發 29/8 南非已經取消所以入境限制, 所以好放心 不過香港機場職員好似好耐無做去非洲/中東嘅轉機客 所以就算排priority lane都等左>30mins 前面去杜拜嘅轉機客都等咗好耐 同埋佢地都幾堅持乘客要有回程機票先出機票 所以嚟緊plan行程嘅各位都最好買埋回程/後續旅程嘅飛 攞到boarding pass就去lounge抖下先 不過依家香港機場所有Star Alliance嘅lounge都無開 所以只可以去Plaza Premium Lounge 唯有當重遊舊地食返個魚蛋河😅 HKG-ADD-CPT 今次坐business class 直接skip line 呢班機其實都幾多人坐 主要大陸客都佔唔少 不過business class cabin得三個客 全程基本上都係疫情前standard 起飛無特別要求全程戴口罩 所以好多人成程機都除罩😂 轉機嘅Ethiopia Addis Ababa基本上都無要求戴罩 lounge都係同疫情前一樣 不過變咗唔係開24小時 而係改為營業到最後一班機depart 直到當日第一班機飛嘅前一個鐘 所以我搭嗰班機land凌晨4點幾就要等到5點幾先有職員喺lounge 到達開普頓 喺開普頓留咗半個月,基本上有三分一嘅時間都係同酒有關,皆因南非正正係葡萄酒大國,而且仲要又平又靚,所以都帶咗唔少靚酒返香港🥰同埋嚟開普頓一定要去佢地嘅酒莊,見識下佢地近八十年嘅釀酒廠同工藝,環境怡人,亦都係遠離繁囂,空氣特別清新,仲要佢地嘅酒莊通常都有同當地著名嘅手工朱古力廠合作,所以成個品酒體驗真係好完美👍 之後係開普頓嘅日子都係去佢地著名嘅渡假景點Camps Bay,喺呢度你會見到無論係外國或者本地人都會得閒就嚟享受陽光與海灘,加上清涼嘅海風,好容易就度過一個下午,仲要大約十至十五分鐘車程就可以到世界七大奇景之一嘅桌山Table Mountain上面睇日落,絕對係一日完美嘅行程 仲有作為爭取平權嘅民族英雄—南非總統曼德拉嘅成名地,當然都要了解佢爭取平權嘅辛酸血淚史,曼德拉有接近一半人生入面度過—Robben Island嘅監獄,正常人或者無辦法體會到當時曼德拉先生嘅苦況,因為真實嘅情況一定比導遊所講嘅更惡劣,不得不佩服曼德拉先生一直堅持爭取為黑人平權嘅毅力 到行程嘅尾聲當然亦都要去好望角Cape Point留低腳毛😂喺呢個接近非洲最南邊嘅景點你可以直接望到一望無際嘅印度洋,亦都可以徒步或者搭登山纜車登上頂點瞭望印度洋嘅廣闊海峽,再欣賞夕陽,為成個旅程劃上完美嘅句號