廣州必去步行街—北京路

北京路係廣州必去嘅打卡商業街，營造返以前舊廣州嘅氣氛，打卡一流，今次就同大家分享以下必去景點： 🌟大佛寺🌟 基本上入黎北京路，就點都會經過佢。遠遠就會見到一座寺發光發亮，點影都咁靚。點燈時間係夜晚7-9點，記得趁呢個時候黎打卡影靚相啦！ 🌟Miniso🌟 雖然香港好多地方都有miniso,但呢間大好多，外牆仲要有好多迪士尼公仔，好可愛🤣有3層高，商品又平又多，點都有款會買入手🫶🏻 🌟石板街🌟 為左記念當時宋代街景，北京路唔少大路中間都有啲古時嘅石街呈現，比後人從地下街看歷史👍🏻 🌟廚窗劇場🌟 呢到好特別係會有人係高樓唱粵劇，即刻有返70年代嘅風味😻 🌟3D電影劇本🌟 今期係太空人主題，真係好似有太空人彈出黎咁，好迫真🙀 🌟水簾洞🌟 行到熱熱地都想涼下，就入左水簾洞順便打下卡。啲石雖然係假，但都真係整到幾似鐘乳石咁😍 🌟羊城記憶供銷社🌟 行到半路聽到有鋪播草蜢嘅歌，外牆又好有80年代香港feel，就入左去行下。入面裝橫好靚，柱身貼滿郭富城同哥哥嘅相，爸爸媽媽實好鍾意🥰另外都有好多舊時嘅糖賣，好似大白兔、薑汁糖、龍鬚糖等。仲有唔少模型賣，好似有NBA球員、火影同男兒當入樽。自己冇買到野，但兒時回憶、香港味返返黎都好開心😍😆 除左以上景點，北京路都係掃街好去處，強烈推薦大家黎呢到行下，唔係就走寶啦🥰🥰 ##報名郵輪試坐員 ##報名酒店試睡員 #hkfoodblogger #週末遊 #境外遊 #北京路步行街 #廣州 #廣州景點 #廣州旅行 #打卡好去處 #打卡 #大佛寺 #港式 #懷念 #糯米糍 #灌籃高手 #男兒當入樽 #懷舊小食