🇦🇺 麥考瑞公園智選假日酒店 Holiday Inn Express Sydney Macquarie Park, an IHG Hotel 🏞️

～ 🇦🇺 麥考瑞公園智選假日酒店 Holiday Inn Express Sydney Macquarie Park, an IHG Hotel 🏞️ ————————————— 好耐已經冇去酒店啦！宜家返工就儲返少少錢去staycation～ 😂 雖然今次去嘅「麥考瑞公園智選假日酒店」係相對其他酒店係平價，但係服務質素及設備性價比極高 🤤 麥考瑞公園智選假日酒店嘅位於會係喺西悉尼嗰邊，會係比較偏遠，但係有巴士同地鐵可以到，交通都好方便 🚇 除咗喺酒店食訓玩之外，其實附近仲有一個大型商場可以行，裏面有好多餐廳選擇。 ——————————————— 特點包括： ▶️ 包2人自助早餐 ▶️ 做IHG會員可以late check out至2點 ——————————————— 好✅： ▪️去到酒店門口就覺得麥考瑞公園智選假日酒店好新淨，感覺好似一間度假酒店咁好舒服 ☀️ ▪️我哋嗰日係大約6點嘅時候check in，啲staff好熱情友善。一入到去就好快問我哋係唔係check in，笑容仲要好好 🥰 酒店嘅staff整手續嘅時候人好似friend咁傾下計，好輕鬆 🙈 ▪️上到酒店房真係俾到驚喜我哋，估唔到一間喺悉尼嚟講偏平嘅酒店都可以咁高質，全部設施都好新好乾淨 ▪️房間雖然唔算大，但係一啲都唔侷促，可能係因為個境都好開揚，令到成個環境都好舒服 🌳 ▪️兩邊床頭都有提供USB同澳式插頭，方便大家一齊同時叉電，又或者可以喺張床到用電腦工作 🖥️ ▪️床頭都各設有一盞幾光嘅床頭燈，方便熄咗主燈制都仲有光線，玩電話都唔怕傷眼 👀 ▪️床上用品都好乾淨，係連少少污跡都見唔到，我哋都好surprise，因為本身我哋對智選假日酒店嘅期望都唔太大，所以俾到好大驚喜我哋 👍🏻 床上有提提4個枕頭，仲會標記埋邊個係firm同soft，會俾到客人好細心嘅感覺 🫶🏻 ▪️房內嘅休憩空間同工作枱位置都充足，少少嘅缺點充係工作枱枱面唔係太大，大約只可以擺到一部電腦 💻 ▪️酒店有提供smart tv功能，有普通電視，亦都chromecast功能 ，好容易就連到 📺 只要連接酒店wifi，再掃連接chromecast嘅QR就連到，想睇片就可以share上去睇 ▪️廁所方面雖然係細啲，但係都簡約得嚟都夠用。有一塊帶化妝燈嘅鏡，方便客人整理儀容 👔 ▪️浴室大約可以企到2個人，花灑係手持式花灑，有3種唔同水壓 🚿 ▪️洗頭水同沖涼液都係Refill式，表面睇落都幾乾淨，可以放心使用。同埋，啲香味真係好香，而且依隻牌子係100% Vegan，適合更多人使用 🧴 ▪️洗手間嘅毛巾都好乾淨，大家沖完涼之後可以放心使用 🧺 ▪️雖然本身酒店冇提供牙刷牙膏喺房，不過有需要嘅話可以打電話俾前台拎 🪥 ▪️酒店有提供Gym room，環境係會細咗啲，但係個環境好適合做運動，啲設備都幾先進同乾淨 Gym room仲有多條毛巾同濕紙巾提供，而且有水機可以裝水，運動完補充返啲水份 💧 ▪️酒店1樓除咗有Gym room同其他客房，仲有洗衣房，但係我哋冇去到睇 👕 ▪️個早餐好豐富，有炒蛋、茄汁豆、豬肉腸，個蛋好有蛋味超好食 😋不過唔係太推薦個豬肉腸，太淋變咗一pat pat 😣 ▪️雖然由Central站上車要大約1個鐘車程，但係都有巴士同地鐵直到，所以交通都算方便 🚇 建議大家搭地鐵，喺Sydney搭長途巴士會好易暈車浪，男朋友搭到差啲嘔 🙌🏻 需要改善❎： ▫️ 酒店係冇提供免費水飲用 💧 ▫️洗手間嘅水龍頭太短，好易就會掂到個洗手盤 🚰 ▫️個雪櫃唔係咁凍，唔係太雪到野 ❄️ ▫️酒店冇提供拖鞋、浴袍，需要自摸帶睡衣同拖鞋，或者喺附近supermarket買 👘 ——————————————— 評分：（🌕🌕🌕🌕🌕最高） 乾淨度：🌕🌕🌕🌕🌕 交通度：🌕🌕🌕🌕🌗 性價比：🌕🌕🌕🌕🌖 服務態度：🌕🌕🌕🌕🌕 整體：🌕🌕🌕🌕🌖 回頭率：🌕🌕🌕🌕🌕 ——————————————— 價錢：Trip.com HKD$630（連稅）/ per night 房型：標準大床房 地址： 10 Byfield St, Macquarie Park NSW 2113 注意：🌟check in需要一人身分證即可 ——————————————— #區區開房#時鐘酒店#開房#爆房#香港酒店#香港旅行#香港情侶#情侶日常#情侶好去處#拍拖好去處#兩性關係#打卡#KK去酒店#hkcouple#hkhotel#HotelStage#agoda#trivago#hotel#hotels#couplesdatinggoals#couplesgoals#hotelier #Sydney #KKSmartTV #情人節好去處