The Darling at the star 🌟

～ The Darling at the star 🌟 ————————————— 我哋終於去到The Darling啦～ The star係有一間酒店式公寓同一間酒店，而我哋今次住嘅The Darling就係酒店。無論係酒店嘅設施、服務，地理位置都非常好，係一間絕對值得推薦嘅一間酒店！🤤 另外，我哋仲試咗酒店嘅海鮮自助餐，自助餐係唔包埋，食評我哋會遲啲再同大家介紹 🙌🏻 ——————————————— 特點包括：今次冇package 🙈 ——————————————— 好✅： ▪️酒店大堂好大，設有休憩空間，想喺留下大堂坐下先上房都得，而且都有啲裝飾可以影下相 📸 ▪️我哋一去到酒店門口就有staff帶我哋去check in，check in嘅時候個staff好好人，一行到過去就首先俾咗2支水我哋（check out嘅時候都會俾多2支），仲會問係唔係第一次嚟，講咗好多次’情人節快樂❤️‘ check out嘅時候都好有親切感，因為係同一個staff幫我哋check out，佢話仲記得我哋，仲有好有笑容 👩🏻‍💼 酒店嘅staff都識多種語言，佢哋嘅名隔離會寫埋國籍，方法照顧唔同國家客人嘅需要 我哋做完check out手續之後就會有另一個staff帶我哋上房，同我哋一齊搭lift直到入到房，而且都會同我哋傾下計 ▪️如果冇㩒請勿打擾，staff會主動敲問你有冇啲咩需要。不過佢哋真係好有效率，因為我哋打電話有物品需要，佢哋5分鐘就送到過嚟，真係要讚！🙆🏻‍♀️ ▪️入到房我真係嘩咗出聲，個景真係好靚，雖然嗰日係落雨，但係唔會令你失望 🤤 間房其實都幾大，因為做咗開放式洗手盤，空間感都大咗唔少，而且洗手盤位置兩邊都可以出入，好方便 ▪️房間係採用咗touch mon電子板去控制電子產品，例如燈光、窗簾開關（都有手動遙控）可以控制，感覺上好高科技 🕹️ ▪️房間有提供2枝免費水，仲有提供膠囊咖啡同茶包俾客人使用。而另一個櫃嘅零食同其他飲品都係收費，有好多收費酒版喺雪櫃 🥂 ▪️床上用品好乾淨，無論係枕頭袋定係被鋪 都係一啲污漬都冇，可以好放心訓上床 🛌 酒店有提供2個soft同2個firm嘅枕頭，如果唔夠用都仲可以喺衣櫃拎多個枕頭用 ▪️每邊床頭都有閱讀燈，可以調整燈光嘅方向，向上啲又得，向落啲都得 💡 ▪️2邊床頭都都有澳式三腳插頭、2邊都有USB插頭，最令到我哋驚喜嘅係2邊都有無線充電枱！就咁放部電話上去就叉到電，所以連叉電線都唔洗帶 🔋 ▪️酒店係有提供smart tv，會有一個’find my device’嘅功能，個電視主頁仲有好多導覽指示 📺 ▪️房間嘅衣櫃係採用咗兩門設計，可以擺放到好多野，擺曬成個禮拜嘅衫都仲得，仲有櫃桶可以擺下其他野，同埋有提供針線包 🪡 ▪️衣櫃裏面有2件乾淨嘅浴袍同埋即棄拖鞋，質地都就正正常常，唔算太特別。而拖鞋係棉質拖鞋，唔容易爛 🩴 ▪️洗手間方面，酒店係有提供即棄個人護理用品，有牙刷牙膏、浴袍、Body Lotion等等嘅產品 🧽 ▪️浴室係乾濕分離，而且個空間好大，我諗大約可以企到4-5個人。有提供手持式花灑（水壓都幾大），仲有淋雨式 🚿 ▪️酒店有提供即棄式沖涼液、洗頭水同護髮素，係用咗Balmain牌子，陣味都好香，係花香味，而且都好容易就起到泡 🧴 ▪️仲有多條毛巾提供，每一條毛巾都好乾淨，可以好放心使用 🛀🏻 ▪️廁所部分就係獨立一個空間，就算一個去緊廁所都唔容易有異味 🚽 ▪️房間裏面嘅休憩空間好正，係一個打卡嘅好地方，我哋都有提到個景真係好靚，可以影到啲港女相 🤣 需要改善❎： 冇缺點 🙈 ——————————————— 評分：（🌕🌕🌕🌕🌕最高） 乾淨度：🌕🌕🌕🌕🌕 交通度：🌕🌕🌕🌕🌕 性價比：🌕🌕🌕🌕🌗 服務態度：🌕🌕🌕🌕🌕 整體：🌕🌕🌕🌕🌕 回頭率：🌕🌕🌕🌕🌕 ——————————————— 價錢：Trip.com AUD$400（連稅）/ per night 房型：達令特大床房 地址： 80 Pyrmont St, Pyrmont NSW 2009 注意：check in需2人身份證 🪪 ——————————————— #區區開房#時鐘酒店#開房#爆房#香港酒店#香港旅行#香港情侶#情侶日常#情侶好去處#拍拖好去處#兩性關係#打卡#KK去酒店#hkcouple#hkhotel#HotelStage#agoda#trivago#hotel#hotels#couplesdatinggoals#couplesgoals#hotelier #Sydney #KKSmartTV #情人節好去處