時尚英倫風精品酒店@The Hari

The Hari都算是比較冷門既酒店，但我鐘意房間既風格同設計，所以就book咗晚普通房體驗一下😜 地點唔算太方便，距離Times Square 7、8分鐘路程，但亦唔算難搵。一到酒店門口，已經有幾個職員開門、問我哋係咪check-in、需唔需要寄存行李等，又幫手㩒lift，超殷勤服務。上到1/F 直接埋counter坐住check in、完全唔使等，早到咗兩個鐘但房間都已經ready可以直接上房喇～ 房間獲安排係23樓，全樓景、望返灣仔一帶，所以都係關窗簾算喇～而房間比較細，一眼睇哂，但麻雀雖小五臟俱全，衣櫃、儲物櫃、梳化仔、小餐桌及雪櫃都有齊架。 而廁所、淋浴位、洗手盆拆分不同位置，我覺得咁樣既安排都幾好幾方便，而且用上大理石紋設計！啲沖涼液洗頭水好香又唔乾，水壓夠、熱水供應穩定👍🏻不過呢，出面係全透明玻璃、廁所亦無鎖，如果唔係同另一半嚟可能有啲尷尬～ 至於張床夠大而且幾舒服、但枕頭就唔太岩我，軟枕太淋太扁，硬枕太高🙈 #冬遊記 #抵玩酒店 #本地遊