尖沙咀K11新開台灣古早味餐廳😋

我諗唔少香港人對台灣菜都情有獨鍾，而香港其實都不乏台灣菜既餐廳，不過食到回味又或者合你胃口既又有幾間呢？ 今日行過K11見到新開左一間台灣餐廳，見環境好似唔錯，就同朋友膽粗粗入去試下新野🤭餐廳叫麻吉灶咖，其實"麻吉"既意思係指有默契/match/形容好朋友既關係；而灶咖係台語既意思係廚房咁解☺ 餐廳既環境同佈置令人感覺舒適，同事又帶點文青感覺，裝修大方得體又有點台灣色彩，更重要既係侍應們熱情既招待，令人有種親切感，座位方面都分左3個area, 有包廂，卡位，同普通檯，每個位置都好適合打卡。餐廳仲播住經典既台灣金曲，氛圍好好😍 食物方面主打各式各樣既台式料理同飲品，e.g. 濃郁香滑的芝士奶蓋茶、Q 彈的珍珠奶茶、麻吉蚵仔煎、紅燒牛肉麵、刈包、蚵仔 麵線和鹽酥雞等，不過今次就試左以下幾款~ ★凍芋頭鮮奶：雖然叫左少冰，但都係覺得好多冰😂不過不得不讚既係奶味好濃，而芋頭都無家好多糖，所以味道剛剛好😋 ★台灣麻辣鴨血：鴨血係由台灣直送，有牙菜同枝竹鋪底作為伴菜，但麻辣湯底無辣到噴火，反而係微微既辣，就算唔食得辣既朋友，食完應該都會覺得好過癮😍 ★黃金茄子：作為咸蛋黃控，見到同佢有關既都會想挑戰下，哩個黃金茄子真心有驚喜，因為茄子本身好索油，但佢整得好乾身，就算攤凍左都唔會食到成口油，仲食到好厚既一層咸蛋黃包裹住每件茄子😍🤤 ★麻吉三小碗：分別有麻吉滷肉飯+墨汁鹽酥雞+蚵仔麵線。1. 麻吉滷肉飯，滷肉汁略嫌量多左少少，不過味道唔錯，但滷肉比較多豬皮，入口即溶，非常軟滑，仲有啲邪惡🙈2. 墨汁鹽酥雞，比較特別，因為炸到黑mama咁，但雞依然好juicy,而且唔會好似平時夜市食到果啲咁咸😋3. 蚵仔麵線，相對比較清淡，蚵仔都幾新鮮，無埋腥味😍 總括黎講，餐廳環境好舒適，食物同飲品都好出色，好適合朋友聚會or行到攰想坐下既你，因為真係會舒服到唔願走😂 📍麻吉灶咖 尖沙咀河內道18號K11購物藝術館B2樓B226 & B227A號舖 #hkfoodie #foodie #香港好去處 #夏日搵食推介 #古早味 #台灣菜 #台灣餐廳 #台灣美食