超抵食鬆鬆梳乎厘鬆餅二人餐

📍Hoihoi Pancake House, #HongKong 之前經過已經留意到呢間餐廳👀,因為有我喜歡嘅梳乎厘pancake🥞!呢日約咗個都鍾意食甜品嘅舊同事嚟食,估唔到佢個二人餐都幾抵食👍。二人餐二百幾,包咗兩杯嘢飲,兩個主食同兩個甜品🍨。佢嘅甜品本身都差不多一百蚊一個,即係變相加多一百蚊就有埋主食同嘢飲🤑! 🤤爆芝牛肉漢堡 雖然漢堡塔個樣勁啲,但兩個女仔怕食唔晒🙈,所以叫咗呢個爆芝牛肉漢堡🍔。佢嘅漢堡扒煎得幾靚,裏面仲係粉紅色帶有肉汁。想邪惡啲就淋啲芝士醬落去🧀。 🤤鐵板名古屋茄汁海蝦意粉 佢嘅茄汁味調配得唔錯🍅,唔會太酸。除咗有蝦,亦有脆皮腸,份量唔算大🍝,因為要留肚食重點! 🤤提拉米蘇梳乎厘班㦸 因為個餐跟兩款甜品,所有甜品都ok,所以點咗呢個重cream嘅🍦。佢嘅梳乎厘班㦸好鬆,但未至於完全食空氣嘅感覺🌬。 🤤焦糖布丁梳乎厘班㦸 個人覺得呢個焦糖布丁口味更好食🍮,因為我喜歡焦糖味,但就相對偏甜一啲🍯。 🤤焙茶牛奶＆抹茶牛奶 個餐仲包埋飲品,大部份都唔使額外加錢。我哋分別揀咗凍嘅焙茶牛奶同抹茶牛奶🫖,我覺得焙茶好香,唔會太甜,但朋友就覺得抹茶牛奶甜咗少少🤏。 當日見唔少人嚟食梳乎厘班㦸,因為質素真係唔錯😋。如果兩個螞蟻人嚟食,就可以順便食佢個餐就更抵。 📍Pancake House HoiHoi 荃灣楊屋道1號荃新天地1樓117號舖 #hkfoodie #hkfood #hkrestaurant #TsuenWan #HoiHoiPancakeHouse #荃灣 #荃灣美食 #荃灣美食推介 #梳乎厘班㦸 #hkdessert #甜品 #高性價比