浪漫情調法國菜．輕奢精緻五道菜

#mc帶你去西環 . 堅尼地城一向有好多高質餐廳小店林立，靠近海旁而且環境又寧靜。 ➖➖➖➖➖➖➖➖➖➖➖➖➖➖ ✨ 滋味食評 . 雖然依間餐廳白天做Café，但又估唔到夜晚西餐質素唔錯，食物同服務都幾好，又會介紹下嘢食及紅白酒，有少少fine dining 感覺。 ➖➖➖➖➖➖➖➖➖➖➖➖➖➖ ✨ Classy Le Carré . 餐廳位於堅尼地城新海旁，裝修充滿法式鄉村風格。白天就係提供西式輕食嘅Café，入黑後燈光一轉，晚上變成主打精緻法式菜餚嘅西餐館。 ➖➖➖➖➖➖➖➖➖➖➖➖➖➖ 🥢 Summer Deluxe Tasting Set｜$588／位 . Set Dinner 非常豐富，包括了頭盤、湯品、副菜、主菜及甜品共五道菜式，每一道都糅合了法國特色。 ➖➖➖➖➖➖➖➖➖➖➖➖➖➖ 🥢 餐前麵包｜Bread Basket . 入座後侍應主動送上麵包籃，分別有三款麵包（香草意大利軟包、五穀包、無花果包）配自家製沾醬（鹹香牛油和法式茄子醬）。麵包全部都新鮮出爐非常香脆，再蘸上自家製沾醬，鹹度啱啱好，非常開胃。 ➖➖➖➖➖➖➖➖➖➖➖➖➖➖ 🥢 頭盤｜Appetizer . 🔶 法式精選火腿及芝士拼盤 拼盤由擺盤上已見心思，而且可以一次過嚐盡四款火腿及芝士，包括帕馬火腿（Parma Ham）、莎樂美腸（Salami）、意大利風乾牛肉（Bresaola）、莫薩里拉／水牛芝士（Mozzarella Cheese）。 . 🔶 招牌布雷特煮新鮮大蜆配老虎蝦（＋$50）✨推薦✨ 大蜆蜆肉好肥美，完全無沙而且好掛汁，惹味鮮甜；老虎蝦肉質肥厚，口感爽口彈牙，而且已經剝殼了，超貼心方便！ ➖➖➖➖➖➖➖➖➖➖➖➖➖➖ 🥢 湯品｜Soup . 🔶 家鄉傳統海龍皇湯（＋$58） 依款法式濃湯相當足料！餐廳將時令海鮮（鮮蝦、帶子、魷魚、生蠔）以慢火煨煮，熬成醇厚稠滑嘅湯底。法式濃湯上枱後席前倒入湯汁，儀式感滿滿！濃湯質感醇厚順滑，味道濃郁鮮甜。 ➖➖➖➖➖➖➖➖➖➖➖➖➖➖ 🥢 副菜｜Entree . 🔶 香煎日本刺身級2L帶子 刺身級帶子配以鮮摘冰菜，碟邊淋上卡津辣油及蒔蘿欖油，賣相十分精緻！帶子肉質厚嫩，兩面只係輕輕煎香，內裡尚未熟透，保留了帶子嘅鮮味。冰菜口感冰涼而爽脆，帶淡淡鹹味，十分特別。 . 🔶 法式牛油釀田螺（6隻）（＋$30） 講到法國菜，又點少得法式田螺呢。餐廳用了香草、蒜蓉、牛油等調味釀入田螺焗香，肉質甘香軟滑，牛油香味十足，非常滋味。 ➖➖➖➖➖➖➖➖➖➖➖➖➖➖ 🥢 主菜｜Main course . 🔶 鮮拆空運法國膏蟹意大利飯 膏蟹飯濃香撲鼻，橙黃色嘅蟹油滲透軟糯嘅意大利飯粒，配以一梳梳蟹肉及鹹香芝士粒，口感豐富，入口軟滑鮮甜，蟹膏味香濃。伴碟上清新酸甜嘅黑醋汁，正好可以中和意大利飯嘅飽膩感。 . 🔶 招牌加拿大保濕豬斧頭扒 豬斧頭扒肉質厚身，但肉質仍然嫩滑彈牙，入口充滿脂香，配埋自家製XO醬，令味道更加突出惹味。碟邊仲有法國苦白菜作為配菜，經醃製後嘅苦白菜變得柔軟而去除了大部份甘苦味道，口感嫩脆鮮甜，減少油膩感。 ➖➖➖➖➖➖➖➖➖➖➖➖➖➖ 🥢 甜品｜Dessert . 🔶 62％馬卡埃巴西朱古力心太軟（＋$58） 喺香脆嘅外層切下一刀，半液態狀朱古力一瀉而出，流漿度十分好，而且用上62％馬卡埃巴西朱古力，味道香濃，甜中帶點微苦，十分滿足。 ➖➖➖➖➖➖➖➖➖➖➖➖➖➖ 🥢 招牌布雷斯特香草牛油煙肉醬配新鮮活蜆及多士｜$238 . 雖然頭盤已經食過，但個秘製醬汁真係太好食，決定再嗌多份！大蜆有大約13-15隻，蜆肉新鮮肥美，口感鮮嫩彈牙，完全無沙，配以惹味秘製醬汁，每一口都滋味滿足。另外，碟邊有兩片香脆多士，可以蘸埋秘製醬汁，味道豐富。 ➖➖➖➖➖➖➖➖➖➖➖➖➖➖ ⭐整體︰9.0/10 ⭐食物︰9.5/10 ⭐環境︰8.5/10 ⭐價錢︰9.0/10 🟰🟰🟰🟰🟰🟰🟰🟰🟰🟰🟰🟰🟰🟰 📍 Classy Le Carré 地址：西環堅尼地城新海旁1B-1C號同發大樓地下A-E號舖 交通︰港鐵堅尼地城站B 出口 🟰🟰🟰🟰🟰🟰🟰🟰🟰🟰🟰🟰🟰🟰 #ming_course #香港小店 #中西區美食 #西環美食 #西環一日遊 #西環好去處 #香港美食 #香港美食打卡 #香港美食攻略 #香港探店 #西環 #堅尼地城 #classylecarré #西餐 #法國菜 #法式料理 #法料 #classylecarré