香港探店 樂天經典📍大角咀

已經好一段時間冇去新加坡，講到星加坡美食，我最懷念嘅唔係肉骨茶，而係胡椒蟹！ 今日係「開心星期一」嘅晚上，主餐牌單點有七折優惠，難怪咁多食客！我哋想簡單啲，就點咗個「新加坡風味套餐B」，有我好想食嘅黑胡椒蟹。 星洲黑胡椒螃蟹 一上枱已經聞到好香嘅味道。黑胡椒蟹煮到啱啱好，蟹肉保持鮮味，肥美多汁，而且黑胡椒只香不辣，惹味又能夠帶出蟹本身嘅鮮甜。醬汁濃郁入味，滿滿嘅新加坡風味，絕對值得encore呀！ 星馬金磚豆腐 以為係細細粒細細碟嘅小食，點知係一大片，仲要有十件！金磚豆腐入面係嫩豆腐，超嫩滑嘅口感，外層炸得挺身乾爽不油膩，配上特色調味，簡單一道菜都可以做得咁出色。 沙拉排骨 沙拉醬汁味道清新可口，超滑嫩滑嘅豬扒包住一層厚厚沙拉醬，好適合咁炎熱嘅夏天。 蝦味魚子蝦球炒飯 蝦球大隻，爽口彈牙，炒到金黃色嘅飯粒、蛋粒，加埋蟹子、蔥粒，唔錯。 招牌酸柑香茅凍 酸柑、香茅本身已經有好清新嘅感覺，再加咗薄荷葉、碎冰同埋粒粒高纖維嘅奇亞籽，酸甜比例適中，清涼解暑。 檸檬薏米水 解膩去濕，健康養生，凍熱都咁好飲。 今晚食物嘅味道的確係做得出色，令我回味。 下次星期一叫埋屋企人嚟試吓其他菜色先～ 樂天經典 📍大角咀海庭道18號奧海城二期UG樓UG09號舖 #樂天經典 #星洲蟹 #香港美食