全新高質Semi-Buffet

登堂 地址: 觀塘興業街4號The Wave2樓 ===================== 位於觀塘興業街The Wave的「登堂」，環境寬敞舒適，更設有獨立包廂，私隱度高，無論係情侶用餐或大班朋友聚會都適合。最近推出咗全新Semi-Buffet，可選配意粉或主菜，價錢最低$298起。另外仲有提供4人、6人、8人套餐，多款套餐可供大夥人選擇 自助buffet位置乾淨企理，款式包括沙律菜、煙三文魚、雜錦凍肉拼盤、熱湯、精選港式小食、水果及甜品等等 海鮮包括有藍青口、凍海蝦及翡翠螺，每款都好新鮮呀！ 香煎蘇格蘭三文魚柳 魚皮煎得好香脆，充滿魚油香，蘇格蘭三文魚柳肉鮮嫩多汁，甜美可口，好高質 炭烤伊比利亞黑毛豬鞍 伊比利亞黑毛豬鞍以炭烤至全熟，肉質香軟有彈性，豬味濃郁突出，配上黑椒汁，更能提升滋味 最後甜品仲有泡芙、冬甩、曲奇餅、糖果及新鮮時令水果等等，甜而不膩～雪糕仲有三款口味可選 金桔檸檬冰茶 冰凍酸甜的柑桔檸檬茶，好解渴 英式玫瑰紅茶 玫瑰紅茶香濃不澀口，帶陣陣玫瑰清香 總括而言，環境、服務及食物質素都非常滿意，咁嘅價錢絕對係性價比高 #hkfood #香港美食 #相機食先