馬灣土耳其特式餐廳🤪

已經唔記得上次去馬灣係幾時，嗰度除咗挪亞方舟之外其實仲有啲特色餐廳。呢間充滿土耳其特色嘅餐廳又幾得意，會有啲工作坊，聽聞好多煮咖啡嘅工具都係由土耳其搬返嚟。 土耳其招牌烤雞半隻🍗 烤雞肉質嫩滑，雞皮簡直係精華😍伴碟嘅紅蘿蔔沙律好出色，應該係撈咗唔少嘅生洋蔥汁，辣辣地好開胃。 土耳其特色餃子🥟 造型好特別，的的骰骰，一啖可以食幾粒。食之前撈一撈，除咗醬汁仲有啲乳酪，配搭幾特別。 開心果酥餅配土耳其雪糕 土耳其雪糕比起一般雪糕煙靭，比較有咬口，仲有自家製嘅開心果酥餅，呢樣平時都比較少見。 到手香特飲🍸 店員特別推介到手香係佢哋自己種植嘅，呢杯嘢飲一飲兩食，又可以咬下雪條又有酸酸地好同埋杯好香香草味嘅野飲。 土耳其熱沙上煮咖啡☕️ 職員會即場教你點樣煮土耳其咖啡，有得玩有得食幾開心，仲可以瘋狂打卡😂店員俾咗粒玫瑰味土耳其軟糖我哋，一啖糖一啖咖啡中和返咖啡嘅苦。 📍 熱沙咖啡 (馬灣) 馬灣大街村北335號地舖 #eatwithcloudymelon #foodie #hkfoodie #hkfoodstagram #hkfoodblogger #hk #hongkong #hkig #food #hkfood #foodielife #香港 #香港美食 #美食推介 #香港好去處 #香港餐廳 #foodiehk #foodiegram #foodpic #相機食先 #馬灣 #土耳其餐廳 #熱沙咖啡 #土耳其工作坊