日當山西鄉殿村🌳

講到鹿兒島江戶時代嘅名人，大家一定會諗起「西鄉隆盛」🤓，係鹿兒島最古老嘅溫泉勝地「日當山溫泉鄉」，而入面其中一間旅館「日當山西鄉殿村」，就正正以西鄉隆盛為主題🤩。 「日當山西鄉殿村」嘅建築仿照咗當時西鄉隆盛入住嘅「龍寶家」作原型；而外面嘅日式庭園🌳，就種植咗當時西鄉隆盛專門做馬繩嘅羅漢松，充滿江戶時期風格😆。到咗每日下午2點，喺屋內就會有投影show🪄，講述西鄉隆盛喺日當山留宿發生過嘅事，好似瞬間穿越咗時空😆，返返去江戶時代咁😎！如果仲想感受身處其中嘅感覺，你可以租借埋旅館提供嘅西鄉隆盛同坂本龍馬為主題嘅服裝，玩埋cosplay𠻹，可以比你一邊打卡📸，一邊學歷史👍！ 喺旅館入面設有餐廳🍽、手信店🛍、新鮮農產品🥔、燒酒等🍶， 一次滿足晒你又食又打卡又買手信嘅慾望🥳！行到攰，你仲可以去埋足湯浸浸腳，為雙腳打下氣♨️～