【森林中的溫泉】旅行人山莊

森林浴(shinrinyoku)係一個嚟自日本嘅概念，喺森林入面感受大自然有助紓緩情緒同減輕壓力，對我哋嘅身心都好有益㗎😚！試諗下如果可以一邊享受森林浴一邊浸溫泉咁就好喇🤔～原來喺霧島市真係有一個森林中嘅溫泉比大家享受！🤩 旅行人山莊位於霧島市高千穂，唔好以為喺森林入面嘅酒店會好簡陋，其實佢喺一間高級酒店嚟㗎～😎喺呢度可以享受兩種類型嘅泉水，分別係「單純泉」，同帶有溫泉花香嘅「硫磺泉」。雖然「單純泉」係可飲用水，不過當然唔係直接飲泉入面嘅泉水～🥃酒店有提供飲水機，大家可以隨便飲用。據說「單純泉」嘅泉水對胃同腸道都有益㗎👍🏻！而「硫磺泉」嘅特徵係佢嘅泉水顏色會受礦物質嘅影響而改變，礦物質嘅數量同溫度隨氣候變化轉變，所以你可以見到硫磺泉嘅顏色會由乳白色變到幾乎透明嘅顏色～ 而酒店亦都有提供唔同類型嘅溫泉俾遊客，除咗大浴場同足湯之外，仲有4個露天溫泉（赤松、檜、紅葉、鹿）俾大家選擇，而呢4個溫泉都係可以預約包場嘅，可以比你享受一下屬於自己嘅me time〜🥰 如果想嚟鹿兒島浸溫泉，不妨考慮一吓「旅行人山莊」，感受下森林入面嘅溫泉，相信會帶俾你一個極難忘嘅回憶～ 喺Trip.com成為會員，分享旅遊資訊或者體驗，可儲trip coins當錢洗！我啲旅行門票及酒店都係咁樣玩返嚟。 #每月27日會員日免費換貴賓室