九龍灣國際展貿中心嘅一間西餐廳性價比超高！

Cafe Wellcome x BBQ Place 早兩日前去咗九龍灣食飯，呢間西餐廳性價比真係超超超高，一個主菜配餐湯餐包，再加甜品同飲品，第日去九展睇show大家就有口福啦！ 店員話呢間餐廳之前係做自助餐，疫情期間轉形做西餐，戶外仲可以BBQ，逢星期五時間1700-2200，逢星期六日及公眾假期就1130-2200，逢星期六日仲有現場音樂表演，氣氛簡直一流，BBQ加LIVE MUSIC正爆！ 1.香草燒春雞+是日餐湯+精選餐包+沙律+甜品+飲品$85（9/10） 呢隻香草燒春雞好大隻，雞肉好嫩滑唔鞋唔老。 餐湯係菜乾豬骨湯。 沙律係薯蓉加黑松露，搽餐包食一流。 飲品可以揀咖啡/茶/任何罐裝飲品一份，我哋揀咗咖啡。 甜品可以揀手工甜品/Movenpick/Häagen-Dazs雪糕一份，琴晚Movenpick雪糕無哂，唯有揀Häagen-Dazs咖啡味雪糕。 2.香煎肉眼扒 配飯$128（9/10） 呢塊肉眼扒雖然好薄，但我叫5成熟覺得啱啱好，帶少少肥，美中不足係無黑椒汁。 餐湯係菜乾豬骨湯。 沙律係薯蓉加黑松露，搽餐包食一流。 飲品可以揀咖啡/茶/任何罐裝飲品一份，我哋揀咗奶茶。 甜品可以揀手工甜品/Movenpick/Häagen-Dazs雪糕一份，琴晚Movenpick雪糕無哂，唯有揀Häagen-Dazs朱古力味雪糕。 2人總共價錢$232.4，有加一服務費！ 個人口味總評分：9/10 地址：九龍灣展貿徑1號國際展貿中心E-MAX 4樓421至425號舖 #CafeWellcomexBBQPlace #BBQ #燒烤 #香港美食 #九龍灣美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong