上葡京酒店

#報名酒店試睡員 #澳門旅行 #澳門 #澳門景點 #澳門酒店 #澳門遊 今次有幸入住上葡京酒店嘅豪華套房，上葡京酒店喺疫情之中起好嘅，相信都係澳門宜家最新嘅酒店之一。 上葡京酒店個位置就比較格攝，夜晚想行吓或者買宵夜都基本上係冇地方可以去，但係勝在佢嘅穿梭巴士可以去到好多地方：觀光塔、氹仔官也街、澳門半島新葡京、八佰伴 、機場碼頭呢啲都有。我哋就用咗佢嘅穿梭巴士去八佰伴，然後就去大三巴呢啲景點。 景觀有水準望住庭園，夜晚望出去好有feel! 佢個雪櫃入邊嘅嘢飲，全部都係包嘅，有驚喜嘅係有beefeater。 間房都好大 有分客廳同床區，附設嘅用品都好貼心：有浴鹽、有氣墊梳。張床舒服而枕頭亦都可以揀硬度。而個藍牙連到部機嘅，但係就播歌會窒吓窒吓，希望呢個位酒店會改善下～廁所個浴缸都好舒服，如果唔想浸浴嘅話都有企缸可以揀。 泳池就比較細 同埋有好多小朋友 有分室內同室外 貼心嘅係有welcome drink俾我哋飲 我哋就叫咗早餐上房食，個早餐就一般質素啦 ，雖然個麵包幾好食，但係個意粉就略嫌煮得唔夠耐，有啲硬身。 下次希望可以試自助山嘅自助晚餐，同埋試下佢個Spa ，兩樣嘢，今次都係book唔到，因為full咗。