澳門倫敦人酒店-溫莎套房 勁大勁靚勁舒服！

#報名酒店試睡員 終於有機會試吓呢一間酒店嘅比較大嘅套房，一入去果然唔同，有免費飲品供應，又有按摩椅，好正，我真係每日出完去之後都同屋企人爭住用，同埋個浴缸好大，兩個大人都夠晒浸，又有一個獨立嘅衣帽間，有化妝，啱晒啲鍾意扮靚靚嘅人，仲有呢間房有兩個洗手間，好適合一家人去住，唔使爭廁所呀嘛！個客廳亦都好舒服，夠晒大，酒店附近配套又好，又有健身室又有按摩池，有乾濕蒸，樓下食早餐好多選擇，因為我住酒店已經配送早餐，地下嗰間好多嘢食，就算家人都係一個二百零蚊，我覺得好抵，因為真係都幾多嘢食。 酒店有穿梭巴士，喺氹仔碼頭過去都好近，所以大家都可以試吓，當然呢間酒店比較難book，同埋個價錢都幾貴，但係我覺得點樣都要試一次。