愛可以貫穿生命、影響歷史

🇲🇦 摩洛哥 Marrakech - Bahia Palace Bahia，一個權傾朝野所愛之人嘅名。為咗將愛人之名寫入國家歷史，佢將一個極其奢華嘅皇宮以呢位愛人嚟命名。 概念就等同於你好愛一個人，然後你走去NASA買咗一粒行星以對方嚟命名，將無可救藥嘅浪漫主義淋漓盡致地體現出嚟。 ——— 相比Marrakech嘅其他宮殿或者歷史建築，Bahia Palace建於19世紀末，年代並唔久遠。而Bahia喺阿拉伯文雖指傑出，燦爛，卻非此宮之意 作為一個摩爾式建築體嘅一大代表，裡面可以話係齊集摩洛哥嘅建築藝術特色，由花園去到噴水池，以至每一處蘊藏住嘅豐富鑲嵌、瓷磚藝術。 本非皇宮，但具備皇宮般嘅氣派。呢個地方就係由一個叫Si Moussa，原為黑人奴隸，由侍從階至宰相，19世紀中所建嘅一個民宅。原先事奉嘅王死後，Si Moussa密不發喪，委另一個王子坐上蘇丹皇位，自己就做攝政王。 權傾朝野仲要有錢嘅人，多數都風流倜儻。為咗安置佢個24位妃子同埋4個老婆，Si Moussa開始繼續擴建佢嘅宮殿，務求將呢一個地方改建成可以做到所有活動嘅一個宮殿。概念就如我哋去馬袋，想住嗰啲Luxurious Resort Hotel，上至見客 辦公 讀書，去到飲食 祈禱 沐浴等等應有盡有。佔地8000平方米嘅奢華私人宮殿，規模僅次於蘇丹皇宮。 Bahia作為Si Moussa最親愛嘅妻子，皇宮都不意外地以對方命名。但事實上係，到宰相彌留之際皇宮都距離完成都仲有一大段距離。最後係幾多年建立相信都已經唔再重要，比起佢歷史，宮殿當中嘅意義實在大出許多 📸 @ooa_o_a —————————— 而家註冊成為 Trip.com 會員並升級到鑽石會員，就可以賺取額外 40% 嘅 Trip Coins！ 如果平時用開 Trip.com 訂機票、酒店又或者係景點門票呢啲旅行嘢，儲儲埋埋嘅 Trip Coins 就可以喺下次去玩嘅時候用嚟換唔同嘅優惠喇！咁抵玩，仲唔快啲註冊？ 😛 #每月27日會員日免費換貴賓室