東京近郊賞櫻地推介 - 長瀞川

東京都有唔少賞櫻地方，但係如果想舒舒服服咁行，唔使迫人，而且可以有其他唔同景觀的話，距離東京巿中心大約一個半小時車程，可以响池袋或者新宿搭乘西武線往來秩父既車就可以到達～ 適逢有櫻花🌸祭，所以車站兩旁好熱鬧，有唔少攤檔擺賣，有小食、又有特產；如果想去長瀞川遊船，都可以响車站旁買票。落左車後沿住往寶登山神社方向一直行，兩旁有住滿開既櫻花，好靚🩷 如果行到攰，都有唔少餐廳cafe, 可以食下野飲下咖啡欣賞下美景🌳 一路行吹住微風，好舒服，路幾闊，所以人多都唔覺迫，行下行下就到寶登山神社，咁就上去拜拜啦～ 走番出去車站之後，去另一邊行，有條小街，賣好多土產，又有食店，都忍唔住買左啲手信😅 跟住行就見到河川，好多人都會參加長瀞川遊船，呢度真係好舒服，安排上半日都唔錯呢😌 #境外遊 #日本 #日本近郊 #櫻花