界。日光 紅葉與湖景🌅

界 - 星野集團既溫泉系列 今次去到日光 終於可以試試🫶🏻 紅葉季加上遲訂酒店 只可以用原價訂但好彩有即刻book!真係手快有手慢冇，隔1日睇已經full booking了。 建議大家一決定去就要訂了！ 今次入住對正中襌寺湖既房，一起身就可以睇到好睇既湖景🌅 每日1500-1800都可以係大堂享用免費sake🍶有幾款可以品嘗，鍾意嘅話都可以喺商店直接購買🛍️ 我最鍾意既係可以book私湯♨️! 大概3500yen一小時，仲包咗唔同野飲。戶外私湯好大，應該10個人一齊浸都綽綽有餘🤣我去嗰陣係秋天，凍凍地浸幾舒服❤️ 野食方面，早晚餐都係傳統溫泉旅館嘅懷石料理！日光出名既豆皮料理都會喺度品嘗到🫶🏻整體上幾好食但未到十分驚艷~ 娛樂方面，除咗浸溫泉之外，每晚會有「日光木屐講談」。可以睇職員表演，佢哋亦會帶動氣氛教我哋傳統嘅舞步💃我哋睇得好開心，又可以參與一份幾好玩！ 到最重要既房間，面積超級大！而且，枕頭同床褥都好好瞓💤包保你有一個可以好好享受嘅晚上🥹 值得留意既係係房間數目唔數好多，所以比較少見到其他住客。成間旅館嘅氛圍都好舒服！適合想放鬆，靜靜地休息嘅旅客💆🏻♀️ 界 日光 地址: 2482-1 Chugu, Nikko-shi, Tochigi 321-1661 環境: 正對中禪寺湖，可以望到男體山 設施－室內+室外溫泉 特色－中午時段任飲🍶 /風景No1/ 交通方便 人均價格－大概$2,100 一晚 (早鳥優惠會比較平) 評分－♥︎ ♥︎ ♥︎ ♥︎ ♡ (真係衰咗貴咗啲！但已經預訂咗下一間界了🫶🏻) #報名酒店試睡員 #星野集團 #紅葉 #日光 #日本 #溫泉酒店 #星野界 #中禪寺湖