抵食好味日本小店

呢間日本小店餐廳唔算大，但係坐得都幾舒服。打開餐牌，食物選擇種類非常之多；而且價錢抵食，食物質素仲相當唔錯。 首先我哋叫咗Sake飲，慢慢嘆！ ▶️天之户 冰晶純米吟釀 呢隻清酒嘅味道幾濃郁，係槽口新鮮搾出嘅酒，即刻封口，低溫熟成。 #hoteldeals #summertrip #gourmetsummer #beyondborders #hkfood #hkrestaurant #foodblog #japanesefood #yummy ▶️前菜 新鮮蔬菜條：紅蘿蔔、青瓜等等。有鯷魚醬。 ▶️松葉蟹肉波波 面上有蟹子，仲有柚子啫喱，撈埋蟹肉一齊食，蟹肉夠鮮，好好味😋 ▶️時令生蠔 生蠔幾大隻，外邊爽爽地，蠔身夠creamy，食落鮮甜！ ▶️五點刺身 赤身、赤蝦、真鯛、三文魚、海膽 海膽夠多鮮甜，仲有紫菜包住食～真鯛口感爽爽地，帶魚鮮。赤蝦都相當爽口，赤身魚味濃，三文魚幾肥美。 ▶️千府火炙盛盒8件 鍾意食火炙壽司係帶有火炙香，左口魚邊魚油夠香。北海道帆立貝夠大隻，拖羅肥美，三文魚面上有洋蔥🧅味道更突出。 ▶️千府將大板燒 餡料相當豐富，而且唔會太厚，唔同出邊食完會好飽濟，恰到好處。 ▶️千府一品厚切牛舌芯 呢個牛舌燒得好香，厚身爽口，好好食！ ▶️日本青椒仔 面上有日本柴魚，青椒味冇濃容易入口！ ▶️原條燒花魚一夜千 夠大條，燒得香，用嚟送酒真係一流！ ▶️字治抹茶十勝紅豆布丁 成個富士山樣🗻賣相好靚， 有埋紅豆味道更豐富！ 小店來講食物性價比高，餐廳服務又好好，值得一試！ 千府·居食屋 (何文田) 何文田勝利道2號地舖