😍捉緊滑雪尾巴，琵琶湖美景滑雪場！

✨琵琶湖滑雪場 📍 滋賀縣大津市木戶1547-1 琵琶湖VALLEY 今個旅程抽咗一日嚟京都滑雪，琵琶湖山谷滑雪場有 「京阪神地區最受歡迎嘅美景滑雪場」 之名，原來一日時間根本唔夠欣賞琵琶湖嘅美景。🥹 由大阪酒店出發揸車去琵琶湖約1個半鐘，當日我哋照常行錯路加上少塞車用咗2個鐘先到🤣。大概11點去到滑雪場，已經見到好多車泊咗係度😳。停車場依山而建，地方好大，唔擔心無位。 11點半後開始售半日門票，成人單板滑雪組¥4600+雪衣套裝¥4100，另外假日纜車套票¥5300/位。➡️按需要可選不同套餐，例如 有包埋眼罩同手套嘅套裝¥11,700，或者唔需要搭滑雪場纜車的話可以只買登山纜車票¥3500。（詳細價格可以參考官網） 琵琶湖山谷登山纜車更是大有名堂，係日本最快嘅纜車，360° 玻璃車廂，山上嘅風景更是一望無際。因此除咗滑雪嘅人，仲會見到唔少遊客會專誠搭纜車上山睇風景。 滑雪場面積超大🤩，纜車數目共有五個，新手嘅我努力左半天，最後都坐得曬初級滑道中嘅兩個纜車😆，好開心！ 👉🏻有機會想再嚟琵琶湖玩多幾日，呢度風景真係靚到不得了🤤 #琵琶湖山谷滑雪場 #京都滑雪 #日本旅行 #日本自駕遊 #關西 #關西自由行 #京阪神 #自由行攻略 #大阪 #京都 #神戶 #淡路島