觀瀾湖度假酒店：高爾夫球場，滑雪體驗

今次透過Trip.com訂購觀瀾湖度假酒店加卡路冰雪世界滑雪體驗門票（包資助早餐及晚餐），1+3口搭車到落馬洲關口，轉深圳地鐵去觀瀾湖站，落車後到觀瀾新城食嘢睇嘢，收費相當便宜。行到差唔多時間，我哋去觀瀾新城外圍搭免費穿梭巴士到瀾湖度假酒店。（唔熟悉嘅人會較難搵到穿梭巴士站，正正喺西西弗書店門口對出。） 去到酒店，完全遠離城市，四圍都係樹同高爾夫球場，綠草如茵感覺好舒服。大堂相當寬敞，前台服務員殷勤有禮， check-in亦好快就搞掂，有唔同嘅房形，間間都好大，亦有親子房間小朋友一定鍾意。酒店主要對象係打高爾夫球人士，所以設備都係針對打高爾夫球嘅人，其他設施包括中式及西式餐廳、泳池及健身室等等。環境舒服，不在話下，房間露台可遠眺高爾夫球場，夜晚亦好寧靜，唔會好似市區咁有車聲嘈住。 翌日食完早餐行咗陣參觀成個度假酒店範圍，就搭免費穿梭巴士出返觀瀾新城，目的地係對面嘅生態運動公社。從卡魯冰雪世界入場券進入公社範圍後，有兒童遊樂設施，亦有需購票遊玩嘅各種不同遊樂設施，包括機動遊戲及射箭等等。進入到卡魯冰雪世界滑雪場，攞好裝備進入場地，就開始第一次嘅滑雪體驗。成個過程非常好玩，已經計劃緊幾時再嚟玩多次，不過時間過得好快，兩個鐘頭真係唔係好夠玩，想過足癮嘅話，可以加錢延長時間。 畫完說之後食埋夜晚飯就出發返香港，成個過程使費唔多，但食嘅嘢同玩嘅都係物超所值，絕對建議大家去試一試。