尋找世上最愛笑小動物

近年呢個短尾矮袋鼠近年因為被椆為世上最愛笑小動物而紅遍全球,但當年我去澳洲時,Rottnest Island仲未係咁大熱嘅景點呢~ 由Perth Fremantle坐Rottnest Express去Rottnest Island實在好方便,大約半個鐘就到,好似去轉南丫島咁方便,而且全程船都好平穩。Rottnest Island唔算好大,如果你只係想嚟搵下Quokka,其實早船到晚船走已經好足夠,而我哋當時就揀咗留宿一晚~ 呢個小島嘅路都好易搵,踩架單車其實好快就可以探索到成個島。但途上遇到Quokka，就一定會耽誤咗好多時間!因為佢哋實在太可愛,又八卦又親人,佢哋會主動走埋嚟搵你,所以selfie完全無難度!見佢哋執起地上嘅橄欖葉嚟食,我哋又執啲嚟餵佢哋,佢哋又真係會好乖咁拎去食,仲要笑笑口咁望住我哋,真係心都融埋~ 但Rottnest Island除咗Quokka外,仲有好多靚景值得睇,所以記得安排定啲時間踩車四圍去呀!而當中最推介係。Bathurst Lighthouse,成個燈塔係純白色,非常igable! 晚上就返返住宿嘅地方,見有隻Quokka喺門口呆呆地等緊,我就打開門,而佢又竟然真係走入屋!Quokka太可愛了,希望有機會再去探佢哋~ #無敵海景 #離島好去處 #日落打卡位 #境外遊 #澳洲 #rottnestisland