😋台灣既傳統糕點小食🤤

難得出門，當然要上網做下功課，捐窿捐罅搵下食啦😂哩間響稻狀元糕就係其中一個做完功課想試既其中一間。 狀元糕其實係台灣既傳統小食，好多時都會見到有推車檔既，不過響稻狀元糕就特別啲，佢有一間鋪仔，但佢唔係係景點區，所以真係要專登去先試得到。 饗稻狀元糕-三重店位於熱鬧既車路，成條街幾乎都係食店，仲有香火鼎盛既義天宮係斜對面，但因為鋪頭既位置有啲內縮，所以一度行過龍以為間鋪無左，要望返住個googoo map慢慢行先見到佢。😂 店內空間好寬敞，不過唔知係咪可以堂食，但係外面落完單店員都有邀請入內坐低等待。由於係即叫即整，所以都需要啲時間，不過因為係open kitchen, 所以成個過程都可以睇到晒。我覺得狀元糕既製作好神奇，明明所有材料都係粉狀既，但放完落模具，蒸完之後佢會變左一舊好似蛋糕既野，味道有6隻(花生、芝麻、黑糖、爆漿朱古力、鐵觀音奶茶同日式抹茶) ，可以自行選擇要3個，4個或6個。 今次試左3隻味，狀元糕食落口感好煙韌，入面既餡料好濃但唔係死甜味，有淡淡既米香味。未試過哩啲傳統小食既朋友，去台灣都不妨試下哩啲懷舊小食，唔洗成日食黎食去飲黎飲去都係滷味，鹽酥雞同珍奶😂 饗稻狀元糕-三重店 📍新北市三重區車路頭街149號 #台灣美食 #台北美食 #懷舊小食 #台灣小食 #台灣小食控必到 #台北旅行 #台灣市區景點